mánadagur 6. mars 2017síða 28

4 FÓTBÓLTUR 2017 FÓTBÓLTSBLAÐIÐ HJÁ MIÐLAHÚSINUM MEIRI TYNGD Í MEISTARUNUM VÍKINGUR MEISTARI Víkingur fer undir verjuna av fyrsta FM heitinum við meiri royndum og størri tyngd, enn tað var á liðnum, tá ið tað í fjør eydnaðist at vinna FM heitið fyri fyrstu ferð Í fjør varð trumfur settur á, tá ið tað eydnaðist Víkingi at vinna fyrsta FM heitið. Í 25. umfari vann Víkingur seg á toppin, og tá ið FM varð staðfest á Argjum leygardagin 22. oktober, vísti Víkinga legan, at hetta var tindurin hjá átta ára gamla felagnum. Meistararnir hava brynjað seg væl at verja meistaraheitið. Sámal Erik Hentze er framvegis venjari, og mest sum uttan undantak eru teir klárir at taka eitt tørn aftrat, sum fyri góðum fýra mánaðum síðani fingu gullkrónu hongda um hálsin. Royndirnar á meistaraliðnum eru nógvar. Miðalaldurin er hægri, enn hann er í nøkrum av hinum feløgunum, og dystartalið hjá spælarunum er í miðal hægri, enn tað er í nøkrum av hinum feløgunum. Geza Turi, sum verður 43 dagin undan kappingarbyrjan, er klárur av verja málið, um tað fer verður neyðugt. Í fyrstu atløgu eru tað 20 ára gamli Elias Rasmussen og 17 ára gamli Bárður á Reynatrøð, sum kappast um plássið millum stólparnar. Atli Gregersen og Erling Jacobsen eru miðverjar, og Hanus Jacobsen og Gert Hansen vongverjar. Aðrir, sum kunnu røkja leiklutir í verjuni, eru Hjalti Strømsten, Gunnar Vatnhamar og Jákup V. Olsen. Hóast hann ikki verður við alt árið, so er Fróði Benjaminsen øgiligur styrkur at hava fingið. Bæði hann og Sorin Anghel eru styrkir á miðvøllinum og í miðverjuni. Hans Jørgen Djurhuus er annar veteranur á miðvøllinum, har Sølvi Vatnhamar er stýrimaður, og Sámal J. Joensen er annar møguleiki. Í framrættaðu plássunum eru Hans Pauli Samuelsen, Andreas Lava Olsen, Philip Djordjevic og Magnus Jarnskor, sum serliga fyrra partin av kappingarárinum í fjør var á liðnum. Størsta avbjóðingin var í fjør at finna álopsspælaran, sum var førur fyri at skora ta rúgvuna av málum, sum tað plagar at verða roknað við, at toppskjúttin á bestu liðunum skal syrgja fyri. Í fjør gekk tað striltið við hesum. At tað kortini eydnaðist at vinna so góð úrslit komst av, at Sølvi Vatnhamar vísti seg at vera málmaskina og av tí, at Philip Djordjevic og Hans Pauli Samuelsen skoraðu nógv mál. Fram ímóti kappingarenda var Andreas Lava Olsen serliga væl upplagdur sum málskjútti. Nú halda teir í Sarpugerði seg hava funnið rætta mannin. Talan er um 32 ára gamla Adeshina Lawal, sum fýra tey seinastu árini hevur skorað 46 mál. Størsta avbjóðingin hjá Víkingi er at ala spælarar í felagnum og harvið at syrgja fyri manning til besta liðið. Leiðslan er støðug, og tað verður arbeitt miðvíst. Tað eru væl útbúnir venjarar í øllum teimum yngru deildunum. Fleiri ungir menn, sum eru uppaldir í felagnum, eru á gáttini at spæla seg inn á besta liðið. Ein av hesum er álopsspælarin Tonni Thomsen, og aðrir eru Fannhard Skoradal, Elias Lervig og Hans Jákup Lervig. MEISTARI (1) 2016 STEYPAVINNARI (5) 2009, 2012, 2013, 2014, 2015 GREIPUVINNARI (0) Ongantíð Í BESTU DEILDINI (9 ÁR) 2008- Í EUROPA (6) 2010, 2012, 2013, 2014, 2015, 2016 VÍKINGUR STOVNAÐ 14. januar 2008 FORMAÐUR Brandur Jacobsen 4 V I T T I P P A HÓPURIN Venjari Sámal Erik Hentze 1 Elias Rasmussen 25 Bárður á Reynatrøð 3 Hanus Jacobsen 4 Atli Gregersen 6 Sámal Jákup Joensen 13 Erling Jacobsen 21 Gert Hansen 7 Fróði Benjaminsen 9 Filip Djordjevic 10 Sølvi Vatnhamar 11 Hans Pauli Samuelsen 14 Magnus Jarnskor 15 Jákup V. Olsen 16 Hans Jørgen Djurhuus 19 Sorin Anghel 24 Gunnar Vatnhamar 2 Andreas Lava Olsen 20 Hjalti Strømsten 30 Adeshina Lawal Tonni Thomsen Fannhard Skoradal Elias Lervig Hans Jákup Lervig Tilgongd: Adeshina Lawal (ÍF), Fróði Benjaminsen (HB) Frágongd: Geza Turi (givin), Finnur Justinussen (Fremad Amager) Jón Krosslá Poulsen (TB/FCS/Royn), Heðin Hansen (HB), Dánial Pauli Lervig (HB)