mánadagur 6. mars 2017síða 38

14 FÓTBÓLTUR 2017 FÓTBÓLTSBLAÐIÐ HJÁ MIÐLAHÚSINUM Tað sigur Christian Restorff Mouritsen, sum í vetur hevur skift frá HB til B36. Eitt skifti hann eisini gjørdi í 2009. Spæli­stí­lurin tiltalar bóltsterka miðvallaranum, sum ásannar at hann var koyrdur troyttur í HB. Lands- liðið er ikki í huganum, men eitt kærkomið pluss, um hann spælir væl Tað er nakað síðanii, at Christian Restorff Mouritsen setti sín dám á føroyskan lið- og landsliðsfótbólt. Havnarmaðurin vónar nú, at eitt skift til grannarnar kann geva honum nýggja orku. – Eg vil royna okkurt nýtt og koma til eitt lið, ið spælir góðan fótbólt. Eg føli, at eg passi væl til spælistílin í B36. Teir spæla við um fremstu plássini og eru í Evropa, sigur Christian R. Mouritsen, sum einki ilt hevur at bera barndómsfelagnum HB. Hann sigur tó eisini, at um alt var um tað skuldi í HB, so hevði hann eisini hildið fram har. – HB er millum annað ikki í Evropa. Eg kendi meg eisini útbrendan, og hevði brúk fyri ein broyting, sigur framrættaði miðvallarin. Hann vísir eisini á spælararnar í B36, sum eina orsøk. Fyrrverandi liðskiparin á U21 landsliðnum heldur, at hann passar væl saman við teimum. – Har eru góðir spælarar, sum spæla góðan tekniskan fótbólt og spæla seg úr øllum støðum. Róaldur Jakobsen, Lukasz Cieslewicz og Philip Lund kundi eg nevnt, men alt liðið spælir góðan fótbólt, greiðir Christian R. Mouritsen frá. FRÁ FM TIL SKAÐA Í 2013 bleiv Christian R. Mouritsen nummar tvey til ársins spælara tiltakið hjá Sosialinum. Hann spældi fríttgjørt á vonginum og átti mangan lut í, tá HB fekk mál. Síðani hevur gingið niður á bakka. – Tað er ein bílig bakgrund at siga, at eg havi verið skaddur, men sannleikin er, at eg ikki spældi í 2014. Síðani havi eg ikki verið í góðari venjing. Spældi hálvur í 2015 og var helst eitt sindur mentalt útkoyrdur í fjør, sigur Christian R. Mouritsen, sum ikki hevur verið á landsliðnum síðani 2013. Miðvallarin hevur spælt 17 landsdystir, men fyribils er málið ikki at vinna sær plássið aftur. – Tað er ikki beinleiðis ein dreymur at koma á landsliðið, men um eg spæli væl og verið úttikin, so taki eg fegin av, sigur Christian R. Mouritsen. Nú ynskir hann bara at koma fyri seg og spæl væl fyri B36. – Eg ynski at koma í toppform, so eg fái gjørt tað eg eri góður til. Eg eri heintaður inn at skjóta mál og leggja upp, so tað er eisini eitt mál fyri meg, sigur nýggi miðvallarin hjá B36. Hann nevnir eisini Evropa, har B36 júst blivu ov stuttir í ár. VENUR EINS OG HANN SPÆLDI Nýggjur venjari hjá B36 er Jákup á Borg. Hóast stutt tíð er fráliðin, so er Christian R. Mouritsen sannførdur um, at Jákup á Borg verður ein góður venjari. – Eg kenni hann sum spælara og hann er akkurát líka sum venjari. Hann hevur stórar ambitiónir, og er væl fyrireikaður til venjing. Higartil hevur hann víst góðar dygdir, sigur Christian R. Mouritsen, sum ikki heldur tað er ein trupulleiki, at hann júst er givin sum spælari. – Hann finnur væl útav tí og virðing er har. Eg síggi tað ikki sum ein vansa. Jákup hevur nógvar royndir sum spælari, og hann veit nær venjing skal verða hørð og krevjandi, men eisini nær hon skal verða stuttligt, sigur Christian R. Mouritsen at enda. B36 PASSAR VÆL TIL MÍTT SPÆL  LYKLASPÆLARIN Lukasz Cieslewicz Tú kemur ikki uttan um ársins spælara í 2011 og 2015. Hann er maðurin, sum einsamallur kann avgera ein toppdyst, men samstundis er grundin undir tekniska spælinum hjá B36. Póllendingurin er lyklaspælarin hjá B36 í ár.  GJØGNUMBROTIÐ Hannes Agnarsson Skjóti vongurin vísti í løtum í fjør, at hann er ein spælari, ið kann gera mun. Hann er óhugnaliga skjótur, men stríðist eisini við skaðar til tíðir. Spælir hann, so verður hetta helst gjøgnumbrotið  VENJARIN Jákup á Borg Í nógv ár hevur Jákup á Borg verið millum teir royndu spælararnar, men nú hevur hann sett seg í ein nýggjan stól. Lykilin hjá Jákupi á Borg verður at umstilla seg frá spælara til venjara. Bæði taktiskt, men eisini mentalt.  MÁLIÐ Evropa og gott spæl B36 hevur vunnið tvey FM heiti seinastu trý árini, so Evropa er eitt deilmál. Liðið skal helst gera um seg í Evropa ella steypakappingini eisini – umframt at fótbólturin skal verða góður. B36 kann blíva heilt spennandi í ár. CHRISTIAN R. MOURITSEN Tað er ikki beinleiðis ein dreymur at koma á landsliðið, men verið eg úttikin, so taki eg fegin av