mánadagur 6. mars 2017síða 40

16 FÓTBÓLTUR 2017 FÓTBÓLTSBLAÐIÐ HJÁ MIÐLAHÚSINUM 60 ÁR OG NÓGV UNGT FÓLK NES SÓKNAR ÍTRÓTTARFELAG Tíggju ár eftir fyrsta FM heitið, sum varð vunnið 50 ár eftir stovnanina, er NSÍ væl brynjað at vera við í kappingini um meistaraheitið, sum tvey tey seinastu árini ikki hevur verið so langt burtur 24. mars verður NSÍ seksti. Tey fyrstu árini snúði tað seg um hondbólt og kappróður. Nú er NSÍ fótbóltsfelag burturav. Tindurin varð rokkin í 2007, tá ið NSÍ fylti fimmti ár og vann FM. Hetta var fyrsta FM heitið, og tað skoraði undir tilvitanina um, at tað er einki í vegin fyri, at teir gulu og svørtu kunnu kappast við tey bestu. Í steypakappingini hevur liðið fleiri sigrar at vísa á. Tann síðsti var fyri fimtan árum síðani, tá ið NSÍ í 2002 vann løgmanssteypið. Undanfarnu tvey árini var liðið leingi við í kappingini um FM. Í 2015 endaði tað við silvurkrónum og í fjør við bronsukrónum. Í fjør vóru tað seks stig frá NSÍ og fram til FM plássið. Teir í NSÍ iðraðu seg eitt nú um tvey tap í Trongisvági. Tølini siga, at tað í fjør royndist væl í framrættaða partinum. NSÍ skoraði næstflest mál. Minni væl royndist tað í verjuni. Tað fóru væl fleiri mál ígjøgnum, enn tað fóru hjá hinum fýra, sum kappaðust um altjóða atgongumerkini. Í innanhýsis uppgerðum ímóti næstu kappingarneytunum hevur NSÍ ofta ligið undir. Í fjør var hetta væl betri, tí tá var úrtøkan fimm sigrar, ein javnleikur og seks tap ímóti teimum, ið endaðu í ovaru hálvu. Í fjør var Anders Gerber nýggjur venjari. Undan kappingarbyrjan í ár er innlitið í føroyskan fótbólt yvirhøvur væl størri, enn tað var, tá ið hann var heilt nýggjur í Føroyum. Kappingin um plássini á liðnum er stór. Liðformaðurin Klæmint A. Olsen og gávuríki Árni Frederiksberg eru trumfirnir frammi á vøllinum. Símun Rógvi Hansen er tryggur málverji, og Karstin Hansen og Eli Joensen eru eykamálverjar. Veteranarnir eru Einar Tróndargjógv og Pól Jóhannus Justinussen. Jens Joensen, Tobias Olsen og Per Langgaard kappast í verjuni saman við Jan Ó. Ellingsgaard, sum er komin úr ÍF, og Bárði J. Hansen, sum hevur verið í Víkingi, og sum eisini er møguleiki fremri á vøllinum. Karl Løkin, sum er komin úr Fuglafirði og aftur í barndómsfelagið, er ætlaður leiklut á sentrala miðvøllinum saman við Betuel Hansen, Magnusi Olsen og Haraldi R. Højgaard, sum í fjør var skaðadarvaður. Í framrættaðu leiklutunum eru møguleikarnir eitt nú Jonleif Højgaard og Jann Martin Knudsen. Í fjør vóru fleiri ungir spælarar á og kring besta liðið. Eingin ivast í evnunum, og royndirnar bera við sær, at fyritreytirnar nú eru uppaftur betri. Petur Knudsen spældi nógv á miðvøllinum, og aðrir vóru Jann Benjaminsen, Hans Marius Davidsen, Andri Benjaminsen, Mórits Heini Mortensen og Aron Knudsen. Nýggir í hópinum eru Jóhann Gaardbo, Sjúrður Pauli Nielsen og Pætur Hentze. Aðrir ungir og evnaríkir spælarar eru á veg, tí NSÍ vann FM í U18 kappingini í 2013, 2015 og aftur í 2016. MEISTARI (1) 2007 STEYPAVINNARI (2) 1986, 2002 GREIPUVINNARI (0) Ongantíð Í BESTU DEILDINI (30 ÁR) 1976, 1979, 1984-1988, 1991- 1992, 1994-1995, 1997- Í EUROPA (11) 2003, 2004, 2005, 2007, 2008, 2009, 2010, 2011, 2012, 2015, 2016 NSÍ STOVNAÐ 24. mars 1957 FORMAÐUR Arnfinn Langgaard 3 V I T T I P P A HÓPURIN Venjari Anders Gerber 1 Símun Rógvi Hansen (málm.) 2 Per Langgaard 4 Jens Joensen 6 Karl Løkin 7 Jann Martin Mortensen 8 Haraldur R. Højgaard 9 Jonleif Højgaard 10 Klæmint A. Olsen 11 Árni Frederiksberg 12 Einar Tróndargjógv 13 Pól Jóhannus Justinussen 15 Pætur Hentze 16 Petur Knudsen 17 Jann Julin Benjaminsen 18 Magnus H. Olsen 19 Hans Marius Davidsen 20 Mórits Heini Mortensen 21 Andri Benjaminsen 22 Bárður Hansen 23 Jannik Mathias Olsen 24 Betuel Hansen 25 Eli Joensen 26 Jóhann Gaardbo 27 Aron Knudsen 28 Sjúrður Pauli Nielsen 29 Karstin Hansen (málm.) 37 Jan Ellingsgaard 77 Tobias Olesen Frágongd: Jákup Andrias Gaardbo (ÍF), Nikolaj Køhlert (Valur, Ísland), Andras Fredriksberg (Skála) Tilgongd: Karl A. Løkin (ÍF), Jann Ó. Ellingsgaard (ÍF), Bárður J. Hansen (Fremad Amager)