mánadagur 6. mars 2017síða 58

34 FÓTBÓLTUR 2017 FÓTBÓLTSBLAÐIÐ HJÁ MIÐLAHÚSINUM SKÁLA ÆTLAR AT TAKA NÆSTA STIGIÐ SKÁLA ÍTRÓTTARFELAG Tað verður støðugt lagt aftrat besta liðnum á Skála. Í fyrraárið varð uppflytingin í bestu deildina tryggjað. Í fjør endaði liðið á áttanda plássi. Tá ið talvan varð gjørd upp eftir síðsta umfar, vóru tað átta stig aftur til níggjunda plássið og harvið niðurflytingina.. Næsta málið er at lyfta liðið longri upp á støðutalvuni. Í fjør var bara eitt stig fram til sjeynda plássið. Tá ið havt verður í huga, hvørjar fyritreytirnar síggja út til at vera, so eigur tað ikki at vera verluleikafjart at miðja hægri. Pauli Poulsen er fjórða árið á rað venjari í barndómsfelagnum. Harvið eru royndirnar og innlitið í møguleikarnar í liðnum og styrkir og veikleikar hjá mótstøðuliðunum góð. Í fjør neit tað dygt, tá ið lyklaspælarar ikki vóru tøkir. Nú eru fleiri dygdargóðir spælarar, og harvið er intensiteturin í venjingunum betri og kappingin um plássini millum teir fyrstu ellivu størri. Andras Gango úr Ungarn, sum fer undir sítt trettanda kappingarár í Føroyum, er framvegis fyrsta valið millum stólparnar. Higartil er hann skrásettur at hava spælt 270 dystir í bestu deildini – í landskappingini, steypakappingini og altjóða dystir. Nýggjur í miðverjuni er Valerian Iobashvili, sum í Vági vísti seg at vera stinnur miðverji. Superveteranurin Jónhard Frederiksberg, ið er møguleiki á báðum vongverjunum og eisini longri frammi á vøllinum, tekur eitt tørn aftrat. Aðrir verjuspælarar eru Leivur Joensen og André Olsen, ið eru nýggir í felagnum, og so Ari Olsen og Jákup Jakobsen og veteranurin Arnhold Berg, sum í fjør var nógv skaðadarvaður. Tað er smeitur, at verjukendu miðvallararnir Pauli G. Hansen og Símun Petur Poulsen ikki longur eru tøkir. Nýggjur møguleiki á framrættaða miðvøllinum er Michal Przybylski, og Andras Frederiksberg, sum í fjør var nógv skaðadarvaður, er nýggjur møguleiki á verjukenda miðvøllinum. Teir báðir kappast við teir, ið bóru miðvøllin síðsta kappingarár – Pætur Dam Jacobsen, Edvin Jakobsen, Jákup Johansen, Ólavur Mikkelsen, Jan Ingason Hansen og Jákup Joensen og Aksel Jacobsen. Stóra avbjóðingin í fjør var, at tað gekst so illa at skjóta mál. Tað var bara B68, ið skoraði færri mál enn Skála. Skálamenn hava dyrgt eftir nýggjum álopsspælara við tyngd og broddi í. Tølini siga, at tað væl kann fara at vísa seg, at teir hava havt hepni við tí átakinum. Nýggjur álopsspælari á Skála er Mamuka Toronjadze úr Georgia. Síðstu fýra árini hevur hann spælt fótbólt í Føroyum. Í fjør skoraði hann seytjan mál fyri FC Suðuroy í næstbestu deildini. Seytjan ára gamli Andreas Egeberg Jacobsen hevur higartil spælt tríggjar minuttir í bestu deildini. Nú er hann triði møguleikin í Skála álopinum. MEISTARI (0) Ongantíð STEYPAVINNARI (0) Ongantíð GREIPUVINNARI (0) Ongantíð Í BESTU DEILDINI (9 ÁR) 2002-08, 2014, 2016- Í EUROPA (2) 2005, 2006 SKÁLA ÍTRÓTTARFELAG STOVNAÐ 15. mai 1965 FORMAÐUR Kaysten Rasmussen 6 V I T T I P P A HÓPURIN Venjari Pauli Poulsen Andras Gango, málv. Steffan Gaard, málv. Ari Olsen, verjul. Leivur Joensen, verjul. Jákup Jakobsen, verjul. Valerian Iobashvili, verjul. André Olsen, verjul. Jónhard Fredriksberg, verjul. Arnhold Berg, verjul. Aksel Jacobsen, miðv. Andras Fredriksberg, miðv. Ólavur Mikkelsen, miðv. Edvin Jakobsen, miðv. Pætur Dam Jacobsen, miðv. Michal Przybylski, miðv. Jákup Johansen, miðv. Jan Ingason Hansen, miðv. Jákup Joensen, miðv. Brian Jacobsen, álop Mamuka Toronjadze, álop Andreas Egeb. Jacobsen, álop Frágongd: Fritleif í Lambanum (ÍF), Rógvi Egilstoft Nielsen (EB/ Streymur), Símun Petur Poulsen (Fluttur av landinum), Álvur Christiansen (Fluttu av landinum), Rasmus Anderson (Fluttur av landinum), Pauli G. Hansen (Givin) Tilgongd: Mamuka Torondjadze (FC Suðuroy), Valerian Iobashvili (FC Suðuroy), Michal Przybylski (B68), Andras Fredriksberg (NSÍ), André Olsen (NSÍ), Leivur Joensen (ÍF) Eftir væl eydnaðu royndina í fjør eru vánir fyri, at Skála kann lyfta seg longri frá niðurflytinarstrikuni, sum skálamenn í fjør endaðu dygst omanfyri