mánadagur 6. mars 2017síða 64

40 FÓTBÓLTUR 2017 FÓTBÓLTSBLAÐIÐ HJÁ MIÐLAHÚSINUM EB/Streyma liðskiparin, Rógvi Egilstoft Nielsen, sum í ár fer undir sítt fimta kappingarár í felagnum, sigur, at EB/Streymur í ár er betur brynjað til at spæla í Effo- deildini, enn felagið var seinast tá teir vóru uppi. Vágamaðurin, Rógvi Egilstoft Nielsen, fer í ár undir sítt fimta kappingarár í EB/ Streymi. Hann skifti til felagið í 2013, tá EB/ Streymur júst var blivið føroyameistari fyri aðru ferð í søgu felagsins. Rógvi Egilstoft Nielsen greiðir frá, at stórar broytingar eru hendar í felagnum, síðani hann gjørdist partur av EB/Streymi í 2013. – Tað er eingin loyna at síðstu árini eru stórar broytingar hendar í felagnum. Felagið kappast ikki longur á sama hátt í toppinum, sum tað gjørdi tá. Men sjálvt um besta lið felagsins ikki hevur havt so góð úrslit síðstu árini, hevur tað gingið væl á nógvum øðrum økjum. Felagið tykist í dag betur skipað, umframt at ungdómsarbeiðið er vorðið nógv betur. UMHUGSAÐI AT SKIFTA Hóast barndómsfelagið hjá Rógva Egilstoft Nielsen, 07 Vestur, í ár aftur er partur av bestu deildini, hevur Rógvi Egilstoft Nielsen valt at halda fram í EB/Streymi. Høvuðsorsøkin er, at hann stórtrívist í Sundalagnum. – Hetta er mítt fimta ár við EB/Streymi, og eg havi havt tað ótrúliga gott norðuri í Sundalagnum hesi árini. Tá vit fluttu niður í 2015, ivaðist eg leingi í, um eg skuldi skifta felag ella ikki. Men eftir at hava hugsað meg væl um, avgjørdi eg, eins og nógvir aðrir í felagnum, at taka tvey ár afturat við EB/Streymi. MEIRA KAPPINGARFØRIR ENN SEINAST Tá EB/Streymur seinast var partur av Effo-deildini, var útskiftingin stór í hópinum hjá sundalagsmonnum. Felagið misti tá nógvar profilar, og nógvir ungir og óroyndir leikarar fingu møguleikan. Rógvi Egilstoft Nielsen heldur, at hópurin til hetta kappingarárið er betur brynjaður enn tá til at spæla Effo-fótbólt. – Tað er eingin ivi um, at vit eru meira kappingarførir til at spæla í Effo-deildini í ár. Í 2015 misti felagið nógvar av profilunum, og tí var hópurin tá rættuliga ungur og óroyndur. Í ár er hópurin vorðin tvey ár eldri, umframt at vit hava fingið leikarar inn í hópin, ið styrkja væl um. KUNNU TAKA ØLL LIÐ Á BÓLI At enda sigur Rógvi Egilstoft Nielsen, sum í fjør gjørdist liðskipari hjá EB/Streymi, at hann er bjartskygdur um kappingarárið hjá EB/Streymi, har hann væntar at teir vera torførir at spæla ímóti. – Sum so nógv onnur, vænti eg at kappingin verður býtt sundur í tveir bólkar, har vit koma at stríðast í niðaru hálvu. Men vit koma at vera sera truplir at spæla ímóti. Hóast vit nógvar dystir koma at vera nógv trýstir, koma vit altíð at hava stóra styrki í kontraspælinum, og tí kunnu vit taka eitt og hvørt lið á bóli í Effo-deildini, sigur EB/ Streyma liðskiparin, Rógvi Egilstoft Nielsen, at enda. STÓRTRÍVIST Í SUNDALAGNUM  LYKLASPÆLARIN Arnbjørn Hansen Arnbjørn Hansen spælir í ár aftur við EB/ Streymi, eftir nøkur ár í HB. Tað er eingin ivi um, at hann eisini er stóra stjørnan á liðnum, og rakar hann eitt av sínum góðu árum, kann hann vera lykilin í, at EB/Streymur kemur at yvirliva í Effo-deildini.  GJØGNUMBROTIÐ Dan í Soylu Nýggi leikarin á EB/Streyma liðnum, Dan í Soylu, fekk í fyrru hálvu í fjør partvíst sítt gjøgnumbrot í Effo-deildini. Í seinnu hálvu gekk tó ikki líka væl. Í ár verður nógv væntað av unga leikaranum í Sundalagnum.  VENJARIN Heðin Askham Seinast Heðin Askham var venjari í EB/Streymi, vann felagið FM-heitið. Nú er støðan ein onnur, og uppgávan er øðrvísi sum venjari. Heðin Askham hevur ikki áður roynt at vant eitt botnlið, og tí er talan um eina spennandi uppgávu hjá venjaranum.  MÁLIÐ At yvirliva Sum uppflytari, er eingin ivi um, at málið hjá EB/Streymi í ár fyrst og fremst er at yvirliva. Felagið byggir á sama bulin, ið spældi liðið upp í fjør, umframt at nakað av styrki er komin afturat. Megnar EB/Streymur at yvirliva, er málsetningurin náddur. RÓGVI EGILSTOFT NIELSEN Hetta er mítt fimta ár við EB/Streymi, og eg havi havt tað ótrúliga gott her