týsdagur 7. mars 2017síða 4

Mikudagur 8. mars 2017 · Nr. 29 4 Sosialurin Hugskot og viðmerkingar – send sms til 225000 Javnstøða í landsstýrinum men langt á mál í tinginum Landsstýrið við javnstøðu millum kynini hevur broytt politikkin, heldur tingkvinna Árni Gregersen Politiska skipanin í Føroyum manglar enn rættuliga langt eftir at koma á mál, tá ið tað snýr seg um javnstøðu mill­ um kvinnur og menn. Samgongan hevur tó gjørt eina roynd og hevur skipað landsstýrið við eins nógvum kvinnum, sum monn­um. Fýra av terimum átta, sum manna landsstýrið eru kvinnur. Verri er støðan, tá ið tað eru vit, sum veljarar, sum seta tjóðating okkara saman. 33 fólk manna Løgtingið og av teimum eru bert 10 kvinnur. Hóast tað, so eru fleiri kvinnur í tinginum nú enn nakrantíð fyrr. Spurningurin er so um tað ger nakran mun í til­ gongdini til mál í politisku skipanini, at javnstøða er millum bæði kynini – ella um talan er um eina prosess, sum tekur langa tíð áðrenn nakar munur sæst. Kanningar vísa, at tað er torført hjá kvinnum at sleppa framat og at tær mangan mugu vera munandi betur fyri enn menn, fyri at sleppa framat somu størvum – eisini tá ið talan er um pol­ itisk størv. Errin Ein av teimum undangongu­ kvinnunum í stríðnum fyri javnstøðu, er fyrrverandi tingkvinnan, Kain Kjølbro, sum á tingi umboðaði Tjóðv­ eldisflokkin. Hon sær eina ávísa fram­ gongd hóast tað ikki altíð gongur so skjótt. – Men eg má siga, at eg eri errin, tá ið eg síggi tær fýra kvinnurnar, sum nú eru partur av landsstýrinum, sigur hon. Hon leggur afturat, at hugsa vit eitt sindur aftur í tíðina, tá ið kvinnur komu uppí politikk, so var støðan ein heilt onnur. Sluppu kvinnur yvirhøvur framat, so var tað tí ær skuldu taka sær av málsøkjum, sum høvdu við heim og skúla at gera. Tær sluppu ikki framat teimum tungu politisku størvunum. – Í dag sita tær fýra kvinnurnarí landsstýrinum á tungum málsøkjum. Til dømis situr ein teirra við fíggjarmálum. Tað hevði ikki hent fyri nøkrum árum síðani, sigur Karin Kjølbro. Stórur munur At tað er ein munur, tá ið landsstýrið er samansett av eins nógvum kvinnum og monnunum ivast summi ikki í. Ein teirra er Kristianna Winther Poulsen, tingkvinna fyri Javnaðarflokkin. – Tað er heilt greitt, at munur er á at hava eitt lands­stýri við kvinnum og so eitt uttan kvinnur. Eitt lands­ stýri við javnstøðu sær sam­ felagið í einum munandi breiðari perskektivi enn tá ið tað bert er annað kyni, sigur hon. Hon vísir á, at fleiri átøk eru gjørd, síðani hetta lands­ stýrið og hendan samgongan tók við, sum neyvan høvdu verið raðfest, um kvinnurnar ikki vóru so nógvar í tali. – Eg kann vísa á tær broytingar, sum eru gjørdar, so einsamallar kvinnur við børnum umframt einsa­mall­ ar mammur, sum lesa fáa eitt sindur meira at liva fyri, høvdu neyvan verið gjørdar uttan so, at tað vóru so nógvar kvinnur í Løgtingi­ num og í landsstýrinum, sigur Kristianna Winther Poulsen. Hon vísr eisini á, at harð­ skapur móti kvinnum neyv­ an hevði verið tikin í so stórum álvara, vóru kvinnur ikki partar av lóggevandi arbeiðnum. – Alt kemur ikki eftir einum degi, men tað gongur tann rætta vegin. Tað ræður um hjá okkum kvinnum at halda fast um tað sum er vunnið og byggja víðari á tað, sigur Kristianna Winther Poulsen. ALTJÓÐA KVINNUDAGUR Kvinnurnar sita á teimum 10 av 33 stólum í føroyska tjóðartinginum, Løgtinginum. Kristianna Winther Poulsen, Javnaðarflokkurin, ivast ikki í, at javnstøðan í landsstýrinum og mongu kvinnurnar í Løgtinginum eru ein høvuðsorsøk til at láglønt og einsamallar mammur fingu skattalætta og hjálp. Karin Kjølbro, fyrrverandi tingkvinna, er errrin, tá ið hon sær, at tær fýra kvinnurnar í landsstýrinum sita við tungum málsøkjum