mánadagur 13. mars 2017síða 34

VIKA 11 • 13. MARS 2017 10 ÓKEYPIS LÝSINGARBLAÐ TEMA Alt til heimið Flamingo og steinull til bjálving Bjálving kann verða ein loysn, men um húsini ikki eru tøtt, er neyvan nøktandi bara at bjálva. Tað er ein góð loysn at bjálva betong við flamingo Vilmund Jacobsen Á heimasíðuni hjá byggifelagnum Búsetur hava lesarar høvi at seta ymiskar spurningar, og her eru eisini nakrir lesarar, sum spyrja um bjálving. Ein spurningur er soljóðandi: – Vit fara at skifta vindeygu í okk­ ara 30 ára gomlu húsum og fara at bjálva betri. Okkara verandi olju­nýtsl­ una er alt ov stór. Lesarin leggur aftrat, at hetta eru timburhús við stoyptari og puss­aðari grund, og hjallarahæddin er inn­ rættað. – Verandi bjálving er 100 mm glas­ull, eisini niður á loftsgólvið. Vit umhugsa at klæða húsini við timbri, soleiðis at klædningurin gongur út í eitt – úr erva og niður. Spurningurin hjá viðkomandi er: – Hvat vil serfrøðin ráða okkum til? Hvussu tjúkk skal bjálvingin verða uttan á grundini, og hvussu tjúkk skal bjálvingin verða uttan á verandi timbur­klædningi? Hvat er ráðiligt at brúka, flamingo ella steinull? Lesarin leggur spyr eisini, um neyð­ugt er við ventilum á ovasta lofti, um tróðurið er tætt, og hóskandi bjálv­ing er niður á loftið. Og um neyðugt er við ventilum – hvar skulu hesir so verða? Mugu vera tøtt Á Búsetur skilja tey væl, at húsaeig­ arin vil spara olju. – Bjálving kann verða ein loysn, men um húsini ikki eru tøtt, verður tað neyvan nøktandi at bjálva. Búsetur heldur, at bjálving við 200 mm tilsamans annars er nøktandi at bjálva við – ella 100 mm aftrat, har bjálvað er frammanundan. – Tað er gott at brúka flamingo inn á betong. Um tað í neðra er betong og er bjálvað innanveggja, er bara at bjálva uttaná og út til tjúkdina á ovara hæddini. Er útlufting neyðug? Búsetur heldur, at um luftsirkulatión er omanfyri bjálvingina á loftinum, er ikki vist, at neyðugt er við ventili. – Um ventilur verður gjørdur, skal ventilur helst bæði verða í erva og neðra, soleiðis at her verður luftskifti, har tann eini blæsir inn og hin blæsur út, sigur Búsetur. Tað er gott at brúka flamingo inn á betong Bjálving við 200 mm tilsamans er nøktandi