mánadagur 13. mars 2017síða 44

VIKA 11 • 13. MARS 2017 20 MIÐLAHÚSIÐ ÓKEYPIS LÝSINGARBLAÐ Brandur Sandoy STÓLURIN Í STÓLINUM HESA VIKUNA LÝS TEG SJÁLVAN VIÐ TRIMUM ORÐUM: Treiskur, arbeiðssamur, rættvísur.

 HVAT MERKI ER TELEFON TÍN: Samsung. HVØR ER TÍN BESTA SUMMAR- FRÍTÍÐARUPPLIVING: Í summarhúsi á Rømø við familjuni í 2009.

 HVAT ORÐ ELLA HVØNN SETNING NÝTIR TÚ OFTAST: Óført, takk-
 HVØRJUM HYGGUR TÚ AT HJÁ HINUM KYNINUM: Heildini, eyguni siga nógv.

 HVAT GER TEG Í GÓÐUM LAG: Tá arbeiðið eydnast.

 HVAT STRESSAR TEG: Alt tað eg ikki havi tíð at gera, og tá avtalur verða brotnar.

 HVØR ER TÍN YNDISRÆTTUR: Feskt og ræst seyðakjøt, og stokt føroysk neytariv.

 HVAT GLEÐIR TEG: Tá tað gongst børnunum væl, og tey eru eydnusom.

 HVAT VAR SEINASTA YNSKIÐ, SUM TÚ FEKK UPPFYLT: At síggja tjøldrini aftur í ár koma at ríka okkum tilveruna.

 HVAR ARBEIÐIR TÚ: Borgarstjóri á Sandi, og bóndi á Skemmugarði.

 HVØRJUM TÓNLEIKI LURTAR TÚ EFTIR: Øllum frá heavy metal til blues, bara tað er melodiskt og fellur væl í oyrað. Lurti eftir øllum uttan jazz.

 HVAT ER BESTA UPP­ FINNINGIN OG HVÍ: Tað eru nógvar uppfinningar, sum lætta okkum øllum sera nógv um gerandisdagin, men bilin hevði verið ringt at verið fyriuttan, so tað man vera mítt besta boð.

 HVAT ER BESTA ÍLØGAN TÚ HEVUR GJØRT: Fyri skjótt 22 árum síðani gjørdi eg eina íløgu í eitt hjúnaband. Tað hevur kastað nógv av sær, og verið mær til mikla gleði og er tað framvegis, so tað má vera besta íløgan eg havi gjørt. HVAT ER TÍTT BESTA HEIMARÁÐ: Et so lítið av útlendskum mati sum gjørligt, tú veit aldri, hvussu hann er hagreiddur. HEVUR TÚ NAKAÐ HÚSDJÓR: Ja, tveir border collie og ein franskan bulldog.
 HVAT HEVÐI TÚ GJØRT UM TÚ VANN EINA MILLIÓN: Ferðast við familjuni ein langan túr hinumegin klótuna, og investerað restina.

 HVAT HEVÐI TÚ GJØRT UM TÚ VANN TÍGGJU MILLIÓNIR: Havi onki ynski um at vinna so nógvar pengar. Pengar gera ongan lukkuligan, heldur hinvegin. Teir kunnu gera tilveruna lættari, men hvat er eitt lív uttan baks? Men um so varð at eg vann 10 mió kr, so høvdu børnini helst merkt rákan av tí.

 HVAT ER TAÐ BESTA VIÐ FØROYUM OG HVÍ: Friðurin. Lági kriminaliteturin. Relatiónirnar. Tað at vit hvønn dag kunnu fara til verk okkara, uttan ótta og ekka fyri at verða fyri yvirgangsatsóknum og øðrum fjandansskapi, sum vit uppliva uttan fyri Føroyar. Nei, vit skulu verja okkum og halda fast í siðvenjum og átrúnaði, ið gera at vit hava eitt so gott samfelag sum vit hava.
 HVAR ER TÚ UM 10 ÁR: Eg ætli mær ongastaðni, so um Gud vil verið eg nøkulunda í sama geografiska stað sum í dag. Hvat man ger til ta tíð fer tíðina at vísa. Ríkar tilveruna at hoyra tjøldrini aftur Tað besta við Føroyum er friðurin, lági kriminaliteturin og relatiónirnar