týsdagur 14. mars 2017síða 16

Mikudagur 15. mars 2017 · Nr. 32 16 Sosialurin Hugskot og viðmerkingar – send sms til 225000 NØVN Tíðliga í mars mánaði slóknaði ein av okkara allarmest kendu úti­set­ um, Ragnhild, sum búði í Sorø á Mið­sjællandi. Ragnhild Reinert var fødd í Kald­bak 16. oktober 1938, men tey vóru nógv systkin, so hon kom tíð­liga vesturum til Syðradals, har hon vaks upp eina tíð hjá nærum skyld­fólki. Hon gekk kortini í skúla í Kald­ bak og hevði sína mestu tilveru har. Hon kom til Danmarkar longu í 1950'unum og bleiv gift við Erling Sørensen, sum arbeiddi í tí danska flotanum. Tey búsettu seg í tí idylliska Ny­ boder á Eystarubrúgv, sum serliga var ætlað familjum, sum høvdu sam­band við tann danska flotan. Men húsini í Nyboder eru meira hugnalig enn praktisk og als ikki egnaði hjá barnafamiljum, so tey gjørdu eftirhondini av at flyta úr teimum søguligu bygningunum hjá Christiani Fjórða. Men tað var stór húsaneyð í Kjøpin­havn tá, so ilt var at finna hóskandi býli í høvuðsstaðnum. Tey gjørdu tí av at flyta út úr býnum og funnu sær eini valahús við stórum hava í Pedersborg býar­ partinum við Sorø, sum liggur 75 km frá Kjøpinhavn. Har setti tey seg niður; - Ragn­ hild stórtreivst í tí grøna lands­ lagnum og gjørdist eftirhondini inkarneraður soranari. Hon fekk sær skjótt starv í tí sociala sektorinum, og síðani fór hon inn í politikk sum stálsett og viljasterk javnaðarkvinna og bleiv skjótt vald inn í býráðið í Sorø. Seinni kom hom inn í eitt ótal av lokalum nevndum og eitt stutt skifti sat hon eisini í amtinum, so hon gjørdist eitt sera kent andlit í býnum. Hon var eisini ofta at hoyra í lokalradio á Ves-tursjællandi. Í 1980´unum fekk hon saman við fleiri øðrum lokaltbúgvandi før­ oyingum stovnað felagið »Føroyskt felag á Vestursjællandi«, sum hevur havt 30 ára jubiléum. Hon fekk eisini fíggjað keypið av einum kapp­róðrarbáti til føroyingar í Sorø, sum eftir tógvið stríð fingu inni­vist í bátahúsunum hjá »Sorø roklub«. Stutt eftir skipaðu vit við Petur A. Petersen presti á odda fyri eini seniornevnd, sum skuldi virka fyri einum føroyskum eldrabýli á Sjællandi. Vit nevndarlimir høvdu tá ein ógloymiligan fund saman við Ragnhild, har hon helt eina sera persónliga, modernaða og visonera røðu um, hvussu eldramentanin átti at skipast, bæði millum føroy­ ingar og danskarar. Ragnhild hjálpti og dugnaði nógvum føroyingum, sum komu til Danmarkar og ongan góðan høvdu. Hon útvegaði fleiri fólki innivist og lærupláss ella skúlaútbúgving. Hetta hendi Ikki minst undir tí stóru kreppuni fyrst í 1990´unum. Hon skipaði eisini fleiri ferðir fyri Føroya-ferðum saman við donskum vinum og kenningum. Í 1995 varð hon vald til formans fyri Sankta Ólavs kirkjuliði í Kjøpin­havn, har hon var tvær setur. Viðurskiftini í Sankta Ólavs kirkju­liði vóru um tað mundið heldur ógvislig, eftir at Petur An- drew Petersen hevði lagt frá sær, men tað eydnaðist Ragnhild og nevnd­ini at kyrra partarnar, so man fekk sett prestin Berg Jacobsen við næstan einmældari innstilling. Ragnhild hevði jú drúgvar takt­ iskar royndir frá sínum politiska arbeiði í Sorø og fekk teir stríðsfúsu partarnar at semjast. Fyri fáum árum síðani fór hon frá sum formaður í Sorøfelagnum, men hon var trúgv á fundum og kom til tey allarflestu tiløk í felag­ num. Ragnhild var fyri okkum so kná sum føst hella – hon var ein in­stitu­ tión millum útisetar! Sjálvur vitjaði eg Ragnhild av og á, og hon var altið fryntlig og tíðindafró. So seint sum eina slaka viku, áðrenn hon doyði, var eg inni á gólvinum. Hon var vælhýrd og greiddi mær frá, hvussu tað gekst henni við tí pacemakaranum, sum hon hevði fingið fyri fáum mánaðum síðani. Tað var øgiliga skelkandi at frætta, at hon so stutt eftir, at vit høvdu prátað um summar og ferða­ líkindi, ikki skuldi fáa eitt summar afturat. Hon fór til gravar tann 10. mars frá síni kæru og ofta vitjaðu Peders­ borg kirkju, sum var á tremur av fólki. Ein sløk helvt av fylginum vóru føroyingar. Friður verið við minni um ein sera engageraðan, virkisfúsan og empatiskan útiseta. Virgar T. Dalsgaard Ragnhild Sørensen – ein merkisverdur útiseti 75 ára føðingardagur 24. mars fyllir Annamaria Peter­ sen, vanliga nevnd Annemia, Vágur, 75 ár. Henda dagin er hon burtur­stødd. 70 ára føðingardagur Poula Vestureið, Vágur, fyllir 70 ár 28. mars, men heldur dagin 25. mars í Bygdarhúsinum í Lopra frá kl 14.00, har tit eru vælkomin at halda dagin við henni. Brúdleyp 3. juni kl. 12.00 giftast vit í Fuglafjarða kirkju. Opið hús í Mentanarhúsinum í Fuglafirði kl.18.00-00.00. Tey, ið ynskja at heilsa upp á brúðarparið verða biðin um at siga okkum frá innan 14. mai á tlf 580314 Eilin ella 237472 Andreas. Brúdleyp 13. apríl, Skírisdag, giftast Judith Signhild Finnsson, Glyvrar og Kjartan Midjord, Skálavík. Vígslan verður kl. 13 í Glyvra kirkju. Eftir víglsuna eru øll vælkomin í Skótahúsið, har drekkamunnur verður inntil kl. 17. Døgurði verður fyri foreldrum og systkjum kl. 19. Vit skulu giftast Leygardagin 15. apríl kl. 14.00 giftast í Tvøroyrar kirkju Osla Jacobsen og Poul Hammer. Veitslan verður hildin í VB- húsinum kl. 19.00. Tey ið ynskja at halda dagin saman við okkum, verða biðin at siga frá á tlf. 293025 (Osla) ella 224915 Poul áðrenn 27. mars Við sama høvi, halda vit eisini 50 ára føðingardag hjá Oslu. Vælkomin Silvurbrúdleyp 28. mars hava vit verið gift í 25 ár. Vit hátíðarhalda dagin í bygdarhúsinum í Leirvík 8. apríl kl 18. Tað hevði glett okkum at sæð ætt vinir og kenningar. Vinaliga sigið okkum frá í seinasta lagi 31. mars við at senda eini sms boð ella við at ringja á telefonnr. 273329 Tórhild Bjarkhamar 787329 Rúni Bjarkhamar Brúdleyp Fríggjadagin 24.03.17 giftast Halla Hansen, Haldórsvík og Magnus Hamm­er Olsen, Strendur. Vígslan verð­ur í H aldórsvíkar kirkju kl. 13. Ábit verður í Avhaldshúsinum, eftir vígsluna, har øll eru hjartaliga væl­komin. Veitslan verður fyri innbod­num kl. 19:00. Halla og Magnus Koparbrúdleyp Hóast okur hava hildið saman í 43 ár, hava okur bert verið gift í 12 ½ ár. Giftarmálið var loyniligt á sinni, og silvurbrúdleypið er trupult at fáa eyga á….... so okur hava avgjørt, at kopar­brúdleypið skal hátíðarhaldast. Veitslan verður í VB-húsinum leygar­dagin 22. apríl kl. 18. Tey, ið ynskja at hátíðarhalda dagin saman við okum, verða biðin um at siga frá á tlf 573044 (Maud), 239875 (Mannbjørn) ella mannbjorn@gmail.com - í seinasta lagi 1. apríl. Okur gleða okum! Maud og Mannbjørn Føðingardagur 21/3 verður Linjohn Kærbech, Vágur 70 ár. Dagurin verður hildin leygardagin 25/3 í Stóra Pakkhúsi, frá kl.14.00 til 20.00. Øll eru hjartaliga vælkomin. 75 ára føðingardagur Tann 19. mars fyllir Helgi Augustinus­sen 75 ár. Dagurin verður hildin á Hotel Bakkin leygardagin 18. mars frá kl. 14 til 19. Øll eru hjartaliga vælkomin.