týsdagur 14. mars 2017síða 24

Mikudagur 15. mars 2017 4 Sosialurin LESTRARBLAÐIÐ Hallur av Rana T á Studentaskúlin og Hand­ ilsskúlin á Kambsdali í 2015 løgdu saman, og blivu til Mið­nám, skapti tað eina av ør­ grynnu av møguleikum fyri leiðsl­ una og lærararnar at skipa skúla­ gongdina á nýggjan hátt. Sum úrslit av samanleggingini kundi nýggi skúlin bjóða teimum 600 næmingunum, ið hava sína dag­liga gongd í skúlanum, seks ymiskar breytir á Kambsdali og eina í Klaksvík. Størsta broytingin er tó ikki nøk­ur nýggj lærugrein, breyt ella vaksandi næmingatal, men ein broyting í hvussu man hugsar um skúlan. – Við samanleggingini av skúl­ un­um á Kambsdali hava vit eitt sera breitt úrval av útbúgvingum og lærugreinum á einum staði. Hetta hevur havt stórar fyrimunir í t.d. kunningini og valinum hjá næm­ingum. Nú skulu teir ikki velja millum tveir skúla. Teir velja ein skúla og so eina útbúgving og læru­ greinir, vísir Páll Isholm, rekt­ari á. Eitt mennandi umhvørvi Rektarin vísir á, at man í skúlanum leggur seg eftir at menna eitt um­ hvørvi, har einstaki næmingurin fær møguleikan at gera tað, ið viðkomandi hevur áhugað fyri. – Tað er ein sannroynd, at vit trívast best og læra mest, tá vit fáast við tað, sum hevur okkara áhuga. Og tað kann skifta frá tíð til aðra. Tað er so mangan, vit síggja, at næmingar hava áhuga og ætlanir, sum broytast, tí júst miðnámsskúlin er við til at opna eyguni fyri øðrum evnum, sum tey als ikki kendu áðrenn, sigur Páll Isholm, og vísir á, at ætlanirnar hjá næmingunum mangan broytast. – Ofta er tað júst tað, sum vit einki vistu um, áðrenn vit fóru á miðnám, sum broytir okkara áhuga. Ein miðnámsútbúgving er ikki bara ein snórabein leið ella eitt endaligt val, men eisini ein breið faklig vifta av lærugreinum og evnum, sum tú verður tvungin til at fyrihalda teg til. Tað er so okkara uppgáva sum skúli at gera hetta á ein spennandi og áhugaverdan hátt, sigur Páll Isholm. Óneyðug stúran Mangan hoyrist frá næmingum á miðnámsskúlum, at tey føla eitt stórt trýst verður lagt á tey til at klára seg væl í skúlanum, so at tey fáa eitt so gott útgangsstøði sum gjørligt, tá søkjast skal víðari á aðrar skúlar ella arbeiði. Páll Isholm ásannar, at trýstið frá skúla, familja og aðrastaðni kann fyri summi gerast so stórt, at tað hevur óhepnar avleiðingar við sær. Tí er skúlin eisini varin við hvussu umhvørvið er fyri einstaka næmingin. – Fyri mong kann tað enda við óneyðugari stúran og ótta, sum als ikki eru fremjandi fyri læring og persónliga menning. Tað er um­ ráðandi, at vit sum skúli skapa tryggar og greiðar karmar, ið øll kunnu fyrihalda seg til og mennast í og at næmingurin fyrst og fremst hugsar um, hvørjum hann hevur áhuga í, tá hann skal velja, sigur Páll Isholm. Virknar borgarar Umframt at royna at brynja næm­ ingunum við teimum bestu før­ leikunum til teirra víðari lestur og lív, so sær skúlin tað eisini sum sína uppgávu, at menna borgarar, ið taka ein virknan lut í samfelagnum. – Sjálvandi eru vit sett í verðina at útbúgva okkara ungdóm til fram­tíðar lestur og læru. Men okk­ara uppgáva er eisini at búgva næmingarnar til virknar borgarar í før­oyska og altjóða samfelagnum. Hetta gera vit bara í einum spenn­ andi og livandi skúla, har faklig menning og almenn búgving ganga hond í hond og har vítt er til veggja, sigur Páll Isholm. Rektarin vísir á, at skúlin hevur eitt fjølbroytt úrval av tiltøkum, ið eru ætlað at víðka sjónarringin hjá næmingunum fyri hesum. – Felagstiltøkini eru sera um­ ráð­andi partur av hesum. Tað var kanska til eina jazzkonsert á Kambs­dali, at áhugin hjá einum komandi jazzstjørnu birtist. Tað var kanska næmingaráðsvalið í lat eyguni upp hjá einum komandi løgmanni ella kanska var tað á eini virkisvitjan í Miðlahúsinum, at áhugin hjá onkrum komandi journalisti birtist. Ja kanska var tað júst vitjanin hjá Leif Sørensen, ið fekk onkran at síggja stjørnur fyri sær, sigur Páll Isholm og leggur afturat. – Eitt annað dømi er kórsangur, sum er eitt eyðkenni fyri føroyska sam­felagið. Vit arbeiða eisini støð­ ugt við at menna eitt skúlakór, ið er við til at fremja felagsskap har tónleikur, skaldskapur og samstarv er lyklaorð og har næmingar møt­ ast tvørtur um øll mørk. hallur@sosialurin.fo Áhugin skal dríva verkið – Ofta er tað júst tað, sum vit einki vistu um, áðrenn vit fóru á miðnám, sum broytir okkara áhuga. Ein miðnámsútbúgving er ikki bara ein snórabein leið ella eitt endaligt val, men eisini ein breið faklig vifta av lærugreinum og evnum, sum tú verður tvungin til at fyrihalda teg til. Tað sigur Páll Isholm, rektari á Miðnámi »Sjálvandi eru vit sett í verðina at útbúgva okkara ungdóm til framtíðar lestur og læru. Men okkara uppgáva er eisini at búgva næmingarnar til virknar borgarar í føroyska og altjóða samfelagnum« – Tað er so mangan, vit síggja, at næmingar hava áhuga og ætlanir, sum broytast, tí júst miðnámsskúlin er við til at opna eyguni fyri øðrum evnum, sum tey als ikki kendu áðrenn, sigur Páll Isholm