mánadagur 20. mars 2017síða 30

VIKA 12 • 20. MARS 2017 6 ÓKEYPIS LÝSINGARBLAÐ Øssur Egholm STÓLURIN Í STÓLINUM HESA VIKUNA LÝS TEG SJÁLVAN VIÐ TRIMUM ORÐUM: Tolin, friðarligur og nostalgiskur HVAT MERKI ER TELEFON TÍN? Hon er ein gomul og ómodernað Nokia HVØR ER TÍN BESTA SUMMAR­ FRÍTÍÐARUPPLIVING? Tað má vera ein túrur saman við góðum fólki suðuri á Costa Del Sol í 1986. Hann var bæði stuttligur og minniligur. HVAT ORÐ ELLA HVØNN SETNING NÝTIR TÚ OFTAST? »Alt sagt í kærleika« (sitat Armgarð Arge) HVØRJUM HYGGUR TÚ AT HJÁ HINUM KYNINUM? Útstrálingini og hárinum HVAT GER TEG Í GÓÐUM LAG? Tá man, sum eg, hevur havt álvarsama sjúku, fegnast mann um hvønn morgun, mann vaknar og hevur tað gott HVAT STRESSAR TEG? Eri ikki lættur at stressa, men skuldi tað verið, er tað helst tá tíðin gongur undan og deadline nærkast ov skjótt HVØR ER TÍN YNDISRÆTTUR? Eg eri nokkso traditionellur, tá tað kemur til mat, so hjá mær er tað ræst kjøt & súpan HVAT GLEÐIR TEG? Eg eri rættiliga veðursjúkur, so hvørja góða løtu vit fáa til veður her á landi, fegnist eg um. Men annars eri eg sjálvandi eisini fegin um at tað gongur væl hjá børnunum, og at mann hevur bæði nógvar og stuttligar starvsfelagar HVAT VAR SEINASTA YNSKIÐ, SUM TÚ FEKST UPPFYLT? Tað var tá eg fekk føroysku rokksøguna í jólagávu frá dóttrini HVAR ARBEIÐIR TÚ? Havi í skjótt 20 ár verið í starvi í Útvarpi Føroya/Kringvarpi Føroya HVØRJUM TÓNLEIKI LURTAR TÚ EFTIR? Breitt. Men eri nokk mest til tað góða og gamla, 70'ini ikki minst, tó eg eisini javnan felli fyri tónleiki av nýggjari slagi HVAT ER BESTA UPP­ FINNINGIN OG HVÍ? Tær eru nógvar, men tá børnini vóru minni var eg mangan glaður fyri fartelefonina HVAT ER BESTA ÍLØGAN TÚ HEVUR GJØRT? Keypti mær nýggjan bil fyri hálvum øðrum ári síðan, og tað er ein íløga eg havi gleði av hvønn einasta dag HEVUR TÚ NAKAÐ HÚSDJÓR? Nei, men yngra dótturin hevur ein hund, sum plagar at vitja »abba« sín viðhvørt HVAT HEVÐI TÚ GJØRT, UM TÚ VANN EINA MILLIÓN? HMMM ... Haldi eg hevði goymt hana til verri tíðir HVAT HEVÐI TÚ GJØRT, UM TÚ VANN TÍGGJU MILLIÓNIR? So hevði eg boðið mínum nærmastu, tað veri seg starvsfeløgum, vinum og børnum eina ferð kring knøttin (um tey høvdu sagt ja-takk er ein onnur søga) HVAT ER TAÐ BESTA VIÐ FØROYUM OG HVÍ? Havi altíð havt ein dreym um at roynt at búð í øðrum landi, men sum árini ganga bliknar tann dreymurin alsamt, og havi sligið meg til tols við, at her man vera longst sum best HVAR ERT TÚ UM 10 ÁR? Tað velst um, um eg havi vunnið hasar 10 milliónirnar. Skuldi tað hent at eg ikki havi, so verið eg nokk bara her í Havn Gleðist yvir hvørja góða løtu »Alt í kærleika«