mánadagur 20. mars 2017síða 32

VIKA 12 • 20. MARS 2017 8 ÓKEYPIS LÝSINGARBLAÐ Rock Trawldoors hevði sítt besta ár nakrantíð Vilmund Jacobsen – Í fjør hevði lemmavirkið í Vági - Rock Trawl­ doors – sítt besta ár nakrantíð. Nógv var at gera á virkinum at kalla alt árið og einasti mánaði, sum kundi verið betri, enn hann var, var november. Tað sigur Hans í Líðini, stjóri á virkinum. – Tað var bara november, sum kiksaði og sum var ein vánaligur mánaði. Síðan var aftur nógv virksemi í desember og januar. Seinastu tríggjar til fýra vikurnar hava eisini verið heldur slakar, men á virkinum hava teir gjørt onkra bílegging upp á lemmar til flótitrol, sum skal leverast um hálvan næsta mánaða. – Nú um dagarnar hava vit aftur fingið onkrar nýggjar bíleggingar. So, hetta er, sum tað eigur at vera. Tað verður altíð eitt sindur aftur og fram í slíkari vinnu sum hesari, sum stjórin tekur til. Hóast Rock Trawldoors hava meginpartin av føroyska marknaðinum, telur føroyski parturin bara umeið 10 prosent av framleiðsluni hjá lem- mavirkinum, meðan eini 90 prosent liggja uttan fyri landoddarnar. Ein orsøkin er, at í føroyskum sjógvi verður nógv partrolað. 17 mans til arbeiðis á Rock Hans í Líðini sigur, at føroysku lemmarnir eru víða um høv, og millum størstu keyparalondini eru Ísland, Kanada, Rusland, Grønland og No- reg, harav norski marknaðurin ikki er so stórur longur. – Men, vit selja eisini lemmar til onnur lond enn hesi nevndu, eitt nú til Spania, haðani vit í seinastuni hava fingið ógvuliga góðar afturmel- dingar. Men, tað er ikki bara sum at siga tað at fram­ leiða lemmar í Føroyum. Stálið verður sjálvsagt keypt uttanlands, og síðan fer øll framleiðslan fram í Føroyum við arbeiðsmegi undir føroyskum lønarlagi. – Vit kundu tað sama framleitt okkara lemm­ ar í øðrum landi, nærri stálinum og við bíligari arbeiðsmegi, men tað hevði eg ikki verið errin av. Vit gerast neyvan miljóningar av hesum, men megna vit at reka hetta arbeiðsplássið og sleppa undan halli á botnlinjuni, eru vit nøgdir. Tað er eisini áhugavert og lærandi at koma í samband við so nógvar reiðarar og fiskimenn kring heimin, sigur Hans í Líðini. Á virkinum hjá Rock Trawldoors í Vági arbeiða 17 mans, og í einar fimm mánaðir í 2016 gingu menn vakt, soleiðis at arbeitt varð frá klokkan 08 til 16, og síðan arbeiddu einir fýra mans víð­ ari til á midnátt. – Vit hava tríggjar jarnsmiðjur í Vági, Rock Trawldoors, Vágs Skipas-miðju og Tangavirkið, og vit arbeiða ógvuliga væl saman. Er okkurt, sum manglar einastaðni, so finna vit út av ting­ unum saman, og eg haldi, at hetta hevur verið til fyrimunar fyri allar partar, sigur hann. Arbeiða við menning Eitt virki, sum arbeiðir við trollemmum til fiski­ skipaflotan, noyðist alla tíðina at vera frammi í skónum, og ein partur av hesum arbeiði er men- ning av nýggjum sniðum av trollemmum. Hans í Líðini sigur, at Rock Trawldoors í løtuni arbeiðir við tveimum heilt nýggjum modellum, sum vórðu roynd í tanganum í Hirtshals hin 16. januar í ár. Talan er um eitt modell til flótitrol og eitt model, sum er ein víðari útbygging av Sea-Hunter-modellinum. – Vit fingu fantastiska góð úrslit í Hirtshals, og vit eru ógvuliga spentir upp á at fara at fram­ leiða hesar lemmar og fáa teir royndar í fiski­ skapi. Stjórin vísir á, at tað er rættiliga kostnaðar­ mikið at arbeiða við nýggjum, og bara royndar­ hylurin í Hirtshals kostar 40.000 krónur um dagin. Síðan skal gerast ein prototypa. – Vit eru ógvuliga spent upp á hesar nýggju trollemmarnar og ábendin-garnar, sum vit fingu í Hirtshals, vóru heilt fantastiskar. Eg vænti, at tá henda vikan er liðug, fara vit í fyrstu syfti at framleiða lemmarnar til uppsjóvarvinnuna, og tað er okkara vón, at hesir kunnu roynast umborð á onkrum av okkara uppsjóvarskipum, áðrenn verandi svartkjaftavertíð er úti. Tað tekur um­leið 14 dagar – ella 10 arbeiðsdagar – at framleiða eitt sett av hesum lemmum. Hans í Líðini vísir á, at í slíkari framleiðslu er umráðandi, at lemmarnir ikki eru ov tungir at hála – og ikki minst er hetta galdandi í veiði eftir makreli, tá tóvað verður við nokso nógvari ferð. – Samstundis, sum mótstandurin ikki skal vera ov nógvur, meðan tóvað verður, skulu lemm­arnir helst eisini spíla væl, sum hann tekur til. Nýggjan skrivstovubygning Rock Trawldoors í Vági hevur eisini keypt og innrættað seg í skrivstovubygningi á Vágsvegi 52 í Vág. Flutt varð inn í bygningin í desember í fjør, og her eru góðar umstøður, eins og ein partur av bygninginum verður leigaður út. – Bygningurin er partvís í einari og tveimum hæddum, og tað eru endarnir, sum eru í tveimum hæddum. Í ovaru hæddini í øðrum endanum er goymsla – og í hinari er íbúð, sigur stjórin í Rock Trawldoors, Hans í Líðini. – Vit eru ógvuliga spentir upp á nýggju lemmarnar og ábendingarnar, vit fingu í royndarhylinum í Hirtshals, vóru heilt fantastiskar. Tað er okkara vón, at lemmarnir til uppsjóvarflotan kunnu roynast í fiskiskapi, áðrenn verandi svartkjaftavertíð er úti, sigur Hans í Líðini, stjóri á Rock Trawldoors í Vági Tað gongur væl hjá Rock Trawldoors í Vági, sum hevði sítt besta ár í 2016 Hans í Líðini, stjóri á Rock Trawldoors í Vági TEMA: SJÓVINNA