mánadagur 20. mars 2017síða 40

VIKA 12 • 20. MARS 2017 16 ÓKEYPIS LÝSINGARBLAÐ TEMA: SJÓVINNA Byggja tvær tvíkiljur aftrat til Bakkafrost Vilmund Jacobsen E ftir at hava bygt tvær tvíkiljur seinastu mánaðirnar á Skipasmiðjuni hjá Mest, hevur skipasmiðjan fingið nýggjan sáttmála um tvær tvíkiljur aftrat til Bakkafrost. Tann fyrra av tvíkiljunum, sum Mest longu hevur bygt, varð latin eigaranum í februar og tvíkiljan, sum eftir er eftir gamla sáttmálanum, verður latin nú í mars. Skipasmiðjan Mest ger alt arbeiðið í Føroyum, og Vikublaðið hevur vitjað inni á gólvinum í byggihøllini, har tvíkiljurnar verða bygdar. Jón Purkhús, deildarleiðari fyri aliøkið norður hjá Bakkafrosti, sigur, at tvíkiljan Miðvík, sum var hin fyrra, hevur roynst væl og hevur ligið serli-ga væl í sjónum, eisini í vánaligum veðri. Styrkir førleikarnar Tær nýggju tvíkiljurnar, sum Mest í hesum um­ fari skal byggja aftrat til Bakkafrost, verða ný­ bygningar nr. 111 og 112 á skipasmiðjuni. Onnur verður 15 metrar long og sjey metrar breið, og hin verður 14 metrar long og seks metrar breið . Á Mest siga tey, at tær báðar komandi tví­ kilj­urnar verða útgjørdar við MELCAL kranum og ávikavist 450- og 370 HK høvuðsmoturum, einum 70 kW hjálpimotori og ávikavist 15 og 10 tons deksspølum. – Tvíkiljurnar verða útgjørdar við messu, wc, arbeiðs-og klædnarúmi og allari vanligar nautiskari útgerð. Stjórin í Mest, Mouritz Mohr, vísir á, at tað er sera umráðandi fyri føroyskt handverk, at slík bygging fer fram í Føroyum, og hann ivast onga løtu í, at hetta verður við til at styrkja før­ leikarnar innan hetta økið. Byrjaðu í fjør heyst Tað var tíðliga í fjør heyst – ella neyvari, hin 16. august – at arbeiðið at byggja tær báðar fyrru tvíkiljurnar byrjaði í byggihøllini hjá Mest. Miðvík er 15,34 metrar long og átta metrar breið, og hon virkar í dag út frá Norðdepli. Mouritz Mohr, stjóri í Mest – Tað er sera umráðandi fyri føroyskt handverk, at slík bygging fer fram í Føroyum, og eg ivist onga løtu í, at hetta verður við til at styrkja førleikarnar innan hetta økið, sigur stjórin í Mest, Mouritz Mohr – Tvíkiljan Miðvík hevur roynst væl og hevur ligið serliga væl í sjónum, eisini í vánaligum veðri, sigur Jón Purkhús, deildarleiðari fyri aliøkið norður hjá Bakkafrosti