hósdagur 30. mars 2017síða 32

FRÍGGJADAGUR 31. MARS 2017 SOSIALURIN 39 32 A merikanski sang­skriv­ arin og tónleikarin Bob Dylan vann í fjør Nobel bókmentaheiðurs­løn­ ina, og saman við hesum heiðri fylgja góðar 6 milliónir krónur. Men nú kann tað vera, at Bob Dylan ikki fær pengarnar. Kravið fyri at fáa pengarnar er, at Bob Dylan heldur ein Nobel- fyrilestur innan 10. juni. Dylan avger sjálvur, hvar fyrilesturin verður, og hvat hann snýr seg um. Dylan kann eisini velja at gera fyrilesturin sum video. Bob Dylan hevur verið ógvuliga kvirrur um Nobel heiðurslønina, og hann møtti ikki til handanina í desember. Amerikanski sendi­ harr­in í Svøríki læs upp eina talu, sum Bob Dylan hevði skrivað til høvið. Síðani hevur Nobel- nevndin hvørki hoyrt orð ella eið frá tónleikaraunum. Bob Dylan skal spæla tríggjar konsertir í Svøríki komandi tíðina, og nú verður róð fram undir, at Dylan kanska fer at halda sín Nobel-fyrilestur í hesum sam​ bandi. Dylan kann missa Nobel-milliónir MYND: HEINESEN MYNDIR E in spurningur, sum krevur svar og hevur gjørt tað leingi, kravt eitt svar, er hasin um javnstøðu. Ein ævigur trupulleiki, sum ikki verður loystur, tí eingin ger nakað við hann, uttan at tosa og skriva um hann, tosa og skriva upp í ryggsekkir. Ikki tí, svørini eru og hava verið nógv, men tey eru ov abstrakt til at kunna brúkast. Ein hugburðsbroyting er ein­asta loysnin, siga tey. Gamaní, men hon tekur 500 ár. Nei, her má sterkari lútur til enn alt hatta uppogniður ultra light. Takið løgtingið til døm­ is. Einasti máti at fáa líka nógvar kvinnur sum menn í løgtingið er tann, at tær 16 kvinn­ur­nar, sum fáa flestar at­kvøður á valinum, eru valdar, og tað sama teir 16 menninir, sum fáa flestar atkvøður. Annar møguleiki er ikki, tá kvinnur ikki fáast at velja kvinnur. Í hesari loysnini eru 32 tingfólk, hóast lógin sigur ting­menn. Men tað veldst um tingfólkatalið hjá flokkunum. Allir mugu hava líka tal fyri at sleppa undan lutakasti. Við 33, sum nú eru, ber tað til dømis ikki til. Vinnur ein maður lutakastið um 33. sessin, so er hjákona Fanans aftur súr. So 32, 16 og 16, ella okkurt annað makað tal, so skuldi hatta verið loyst. Sami frymil kann brúkast til øll onnur val. Javnstøða fram um fólkaræði, tað gerst ikki við. Javnstøða er eisini ivaleyst betri enn fólkaræði. Og í annaðhvørt starv skal kvinna setast, í annaðhvørt maður. Tað verður torført í fyrstani, mill­ um annað í sjúkrahúsunum og í fiski­ flotanum. Men tað verður harvið. Vit halda við jarnbetongfeministunum. Ein lóg má gerast um, at pápar eru pápar, ikki bara á pappírinum, men eisini í veruleikanum, í ger­andis­degnum, ikki bara sunnudagar og á jólum. Til dømis skal ásetast við lóg, at pápar skulu vera heima hjá sjúkum børnum. Sum nú er, eiga sjúk børn í Føroyum ongan pápa. Men hetta er sjálvandi alt ógjørligt. Ongar kvotur og ongar lógir og eingi frúarboð. So tí noyðast vit aftur næsta ár og øll næstu ár at hoyra sama knarrið 8.mars og allar hinar dagar í árinum. Ella sløkkja fyri lortinum, sum ein plagar at siga. Av øllum orðum er orðið feministur kallkynsorð. Men kvinnur tosa um seg sjálvar í kallkyni, so hví ikki? Eitt afturat, tíggjunda boð skal um­ skrivast, um ikki annað. Eina ferð høvdu kvinnurnar størri rætt enn menninir. Tað var áðrenn, nøkur tosaði um javnstøðu. Tey tíggju boðini eru harraboð frá Harranum. Sambært tí, tíggjunda Harraboð­ num, kunnu konur girnast mann næsta síns so nógv teimum lystir. Her hava kvinn­urnar endiliga ein frammi­hjá­rætt. Og hann er elligamal. Men steðgið nú! Hetta ber ikki til, skal javn­rættur ráða. Í tíggjunda boði stendur, at tú mást ikki girnast konu næsta tíns, ei heldur træl hansara (er okkurt eksotiskt samkynt krógvað her?) trælkvinnu hansara, neyt hansara, esil hansara. Áhugavert annars, at kvinnur tá vórðu settar í sama bás sum neyt og es­il og trælir, nevndar í sama setningi sum tey. Tað ber ikki til, ikki í Føroyum, ið hvussu so er, at broyta tíggjunda boð. Vit noyðast tí at gera eitt ellivta boð: tú mást ikki girnast mann næstu tína, ei heldur træl hennara, trælkvinnu hennara, neyt hennara, esil hennara. Ivist í, at nøkur kvinna girnast neyt­ini ella eslini hjá øðrum kvinnum, heldur ikki trælkvinnuna (nú er heitið arbeiðskona ella au pair) hennara, ja, nakrar gera, men mannin ella trælin, ja, hví ikki? Nakrar dagar eftir 8.mars kemur tjaldrið og við tí sum vant veturin. Tað fáa vit heldur einki gjørt við. Høgni Djurhuus Høgni Djurhuus fekk Móðurmáls­ virðislønina 2012 Jarnstyrktir betong­ feministar girnast BAKSÍÐAN