mánadagur 10. apríl 2017síða 16

Mánadagur 10. apríl 2017 · Nr. 43 16 Sosialurin Hugskot og viðmerkingar – send sms til 225000 Enn ein sigur: MÁLVERJIN STÓÐ FANTASTISKT Tað var einki at ivast í, at Montenegro var greitt tað vandameira liðið í fyrra hálvleiki, og at Føroyar kundu vera væl nøgt við 0-0 í hálvleikssteðginum. - Verjan hjá okkum stóð rættiliga væl. Málmaðurin stóð heilt fantastiskt í nøkrum avgerandi støðum, og tað gjørdi at vit komu til hálvleiks við 0-0. Tað vóru vit væl nøgd við, segði Pætur S. Clementsen, venjari. Venjarin hevði blandað kortini, og tað bleiv avgerandi. Kvinnulandsliðið kúgvendi hóttandi tapi til 2-1-sigur ímóti Montenegro, og tær hava nú fult stigatal Pætur Albinus Skiftandi Dystarbyrjanin var einki ser­ lig fyri føroysku kvinnurnar. Tað hómaðist ein ótti yvir spæl­inum, og tað vóru tær úr Montenegro, ið stóðu betur á vøllinum fyrstu løtuna. Tær fingu tey einføldu tingini at rigga, so sum temjingar og avleveringar, og tá ið Føroyar ikki megnaði tað sama og samstundis datt langt aftur á vøllin, so vóru tær føroysku undir einum ávísum trýsti fyrstu løtuna. Hetta helt á í eitt gott korter, og var tað ikki fyri Onnu S. Hansen í føroyska málinum, sum gjørdi nakrar stórbjargingar fyrstu løtuna, so hevði Montenegro verið á odda í minsta lagi við einum máli. Ein hevði tó varhugan av, at hetta trýstið ikki fór at vara í allar ævir, og tá ið einir 20 minuttir vóru leikt­ ir, fingu tær føroysku av álv­ara vind í seglini. Tað var eins og tær nú vóru møttar upp, og bati sást í bæði samanspæli og vilja. Nú var tað Montenegro, ið datt langt aftur á vøllin, og Føroyar royndi seg við skotum frá eitt nú Ansy og Heidi Sevdal. Nógvar aðrar góðar støður vóru eisini, eitt nú umvegis deyðbóltar, men bóltarnir lógu ikki í hesum staði har teir kundu potast í málið. Rótut Seinasta korterið av fyrra hálvleiki var ógvuliga rótut. Monte­negro vísti tenn har frammi á vøllinum, og nakrar ferðir var vandi á ferð, men tær úr Monte­negro vóru ikki nóg kald­ar til at revsa føroysku verj­una, ið hevði úr at gera við at rudda burt. Í tráð við veður­ umstøður, rótut spæl og ivasamar dómara­ av­gerðir, tendraðist ein neisti í fleiri leikarum. Fyri tað mesta kundi tað bólkast sum ein góður stríðs­vilji, men tær føroysku fóru eis­ ini um markið. Heidi Sev­ dal bleiv ovtendrað og fekk eitt tápuligt gult kort, með­an Birna Tummasar­ dóttir á høgra bakki nær­um tveitti um seg við vanda­ miklum og illa um­hugs­að­ um takklingum í brotsparks­ teiginum. Hon var einans heppin, at brotsspark ikki varð dømt ímóti henni. Hepnar vóru tær før­ oysku eisini, at støðan í hálv­leiks­steðginum var 0-0. Føroyar hevði havt sínar løtur, men tað var Montenegro, ið hevði greitt teir størstu mál­møgu­leik­ arnar og – um nakar – hevði uppi­bor­ið at verið á odda í hálv­leiks­steðg­inum. Satsaðu Í seinna hálvleiki tóktust tær føroysku at hava funnið fóta­festið. Ikki tí at tær fingu lagt tað stóra trýstið á Montenegro, men tey grund­ leggjandi tingini sótu betur og liðið hekk betur saman. Hóast Føroyar nú vóru væl við, so vóru tað gestirnir úr Montenegro, ið løgdu seg á odda miðskeiðis í seinna hálvleiki. Eitt frí­sparks­inn­ legg varð ikki ruddað burtur, og eftir trunkaspæl fekk Armisa Kuc potað bóltin í málið til 1-0 til Montenegro. Hetta var sum vátur vøtt­ ur til tær føroysku, og nú vóru góð ráð dýr hjá før­ oyska venjaranum, Pætur S. Clementsen. – Um man skal koma víð­ ari, so skal man vinna bólkin ella blíva tann besti 2-arin, so mest sann­líkt máttu vit vinna dystin, sigur Pætur, sum við­gongur, at teir hugs­aðu dúg­liga hvussu teir skuldu telva, og at teir í grund­ini vóru í ferð við eina út­skift­ ing júst sum 1-0-málið kom. Tann útskiftingin var at Milja R. Simonsen loysti Áslu Johannesen av. – Vit fara all-in og spæla við trimum í verjuni, og tað vísir seg at geva okkum eitt spark. Vit fáa trýstið og skjóta tvey skjót mál, so tað var ordiliga gott, segði Pætur. Gløgt Tey bæði føroysku málini, ið kúgvendu dystinum, komu í 78. og 80. minutti, og venj­ ararnir høvdu eisini ein fing­ ur við í spælinum, tí tvær inn­skiftar áttu avgerandi lut í málunum – ella, tann eina skiftingin varð framd undan dystinum; ein broyting í mun til Luksemburg-dystin. Milja R. Simonsen setti av álvara ferð á føroyska álops­ spælið, og tað var hon, ið lá framvið og var sniðgevin hand­an fyrra føroyska mál­ ið. Kvikbeinti framherjin fekk luskað seg framum verj­una hjá Montenegro, og gløgt legði hon bóltin útfrá til Eyðvør Klakstein, ið eftir eina skotfintu langaði bóltin í málið til 1-1. Nú kom lív í Tórsvøll, og Føroyar tevjaðu meira. Seinna málið kom longu tveir minuttir seinni, nærri nágreiniliga tá ið 10 minuttir restaðu í. – Tað var horna, ið bleiv skotið til fremru stong, har fýra av okkara skuldu standa. Bólturin stakk leysur upp frá, og so prikaði eg hann bara inn. Eg haldi ikki eg fekk tíð at hugsa, segði avgerandi málskjúttin, tann einans 17 ára gamla Birita Bergsdóttir Nielsen úr B68, ið spældi sín allarfyrsta A-landsdyst. Heldur óvæntað varð Birita sett í miðverjuna frá byrjan av, men tað var hon, ið avgjørdi dystin, og tað var innskifta Milja R. Simonsen, ið legði upp til bæði tey føroysku málini. Ikki so galið telvað av føroysku venj­ arunum, má sigast, og ein framúr hugburður hjá før­ oysku kvinnunum at venda hóttandi tapi til ein vakran og týdningarmiklan 2-1-sigur ímóti Montenegro. Vónin at blíva 1-ari ella besti 2-ari, og harvið spæla seg víðari til næstu und­ ankapping, livir av álvara. Týs­dagin kl.13.00 spæla Føroyar oddadyst ímóti best styrkismetta liðnum í bólk­ inum, Turkalandi, ið eins og Føroyar hevur seks stig. patur@sosialurin.fo Fótbóltur Dysturin hesa vikuna... TVÆR SNILDIR VÓRU AVGERANDI