mánadagur 10. apríl 2017síða 20

Mánadagur 10. apríl 2017 · Nr. 43 20 Sosialurin Hugskot og viðmerkingar – send sms til 225000 ALEXANDAR STANKOV NÆRKAST Í HB hevur verið arbeitt við at fáa sterka framrættaða spælara, Alexandar Stankov, tøkan skjótast gjørligt. Makedonin hevur sitið uttanfyri síðani hann kom til landið, tí arbeiðis- og uppihaldsloyvini ikki eru komin upp á pláss. – Hann kann spæla á øllum teimum fremstu plássunum, sigur Sigfríður S. Clementsen, venjari hjá HB, ið vónar at Alexandar Stankov verður tøkur skjótt. HB hevur keypt stórt inn, men hóast fleiri stór nøvn, so megnaði HB ikki at umseta tað til mál í Fuglafirði. Vit hyggja nærri at fimm avbjóðingum, sum HB hevur um liðið skal í Evropa Tróndur Arge HB hevur sett sær sum mál at vinna FM. Meiri sannlíkt er, at HB rímiliga ókeypis kann melda tað út, men hev­ur í veruleikanum eitt mál um at enda í topp fýra. Har­við kemur liðið í Evropa, um ikki eitt hvørt óvæntað hend­ir í kappingini um Løg­ mans­steypið. Til tað eru fleiri nýggir spælarar heintaðir til HB. Í gjár vóru seks nýggir frá byrjan, ein kom afturat, með­ an tann áttandi bíðar eftir loyvunum. Tað sást aftur á spæl­in­ um, sum ikki tóktist skipað og fleiri misskiljingar vóru, sum sjáldan síggjast á sam­ an­spældum liðnum. ÍF spældi ein fínan dyst og fekk eitt stig. Tað eru fugl­firðingar á leið nøgd­ir við, men breiddin blívur ein trupulleiki hetta kapp­ingar­ ár, men so leingi allir mans eru tøkir kemur ÍF at arga fleiri av teimum stóru. Fleiri nýggir Martin Bergvold, Daniel “Elly” Pedersen, Sebastian Ping­el, Símun Samuelsen, Heðin Hansen, Dánjal Pauli Lervig Levi Hanssen eru allir nýggir í HB til hetta kappingarárið. Eisini sat Alexandar Stankov uttan­ fyri, tí loyvini ikki eru upp á pláss. Har eru átta spælarar, sum ikki vóru í HB í fjør. Seks av teimum eru í HB á fyrsta sinni, meðan tríggir spæla í føroyskum fótbólti á fyrsta sinni. Spurningurin er so um HB verð­ur millum teir stóru í ár? Her eru fimm avbjóðingar hjá HB. Avbjóðing 1 – Verjan Eftir dystin í Fugla­firði vísti Sím­un Samuelsen á, at HB hevur hildið málið reint í tríggjar lands­kappingardystir, um­ framt ein dyst í steypa­kapp­ ingini. Í gjár spældi Dánjal Pauli Lervig á vinstra bakki, meðan Bartal Wardum, Jóhan Troest Davidsen og Jógv­an Rói Davidsen spældu á hinum trimum plássunum. Tá verjan er full mannað, so tykist HB ikki hava trupul­ leikar, men í løtuni klárar HB illa ein skaða ella leikbann í miðverjuni. Her má HB finna eina loysn, so alt ikki hong­ ur á liðskiparanum og lær­ linginum hjá honum, Bartali Wardum. Teir fáa seg royndar móti B36 í komandi umfari í lands­ kappingini. Avbjóðing 2 – Statiska miðjan Martin Bergvold, Rókur av Fløtum Jespersen og Heðin Hansen hava allir sínar egin­ leikar, men í Fuglafirði var ilt at fáa eyga á, at hasir koma at skjóta nógv mál. Martin Bergvold hevur víst, at hann kann skjóta útifrá, meðan Rókur av Fløtum Jespersen fyrr hevur verið upp á tvey­ siffrað málum um árið, men fyri tað mesta liggja teir mitt á mijðuni. Tí eru stór krøv til Heð­in Hansen, sum tó ikki megn­ ar at gera neyðugu renn­ ingarnar, sum vit eitt nú síggja Sølva Vatnhamar gera í Víkingi. Skal HB mill­um tvey stóru aftur, so skal liðið til at finna mál á mið­vøll­in­ um eisini. Hartil kann nevnast, at HB bara hevur skorað í einum av trimum dystum higartil. Avbjóðing 3 – Daniel “Elly” Pedersen Hann spældi illa í Fugla­ firði, tá HB hevði bóltin. Hann royndi fleiri ferðir at leita í røttu støðunum, og kom eisini í onkra góða støðu, men antin hevði “Elly” avbera torført við at standa rætt, ella duga við­ spælararnir ikki at finna hann. Tá hann kom til HB metti hann, at hann kundi skjóta mál í øðrum hvørjum dysti. Higartil hevur hann bara skorað móti MB í steypa­ kappingini. Ein hvør áleypari kann hava ein trupla tíð og ikki raka málið, men her tóktist tað meiri sum, at HB ikki rakti “Elly” – ella umvent. Skal HB hava mál, so skulu “Elly” og HB til at spæla betri saman. Avbjóðing 4 – Ongin flaggberi HB liðið sunnudagin tóktist ikki hava nakran spælara, sum ordiliga kann sláa ígjøg­ num. Onkrir eru ikki í form, aðrir hava havt sínar bestu dagar, meðan uppaftur aðrir ikki tykjast hava evnini. Raskastur á liðnum eru Sebastian Pingl og Jógv­ an Rói Davidsen, men um­ setningurin hjá teimum er ikki so góður, meðan Símun Samuelsen og Rókur av Fløt­ um Jespersen ikki eru sum í gomlum døgum. Martin Bergvold og Daniel “Elly” Pedersen eru við, men ikki dystaravgerandi. Heðin Hansen er ikki í toppform, meðan innskiftara sum Trónd­ur Jensen og Levi Hans­sen tykjast ikki sum upp­lagt boð at byrja kom­ andi dyst. HB manglar ein spælara, sum kann ganga á odda long­ur frammi á vøllinum. Hetta kann alt broytast, um fleiri spælarar í felag lyfta sítt spæl, meðan vónin í HB er, at Alexandar Stankov er tann spælarin. Hann bíðar eftir loyvunum. Avbjóðing 5 – Halda fast í positiva andanum HB er byrjað av nýggjum og tað merkist. Nógv fleiri áskoðarar fylgja liðnum og tað er ein positivur andi kring felagið. Tað smittar eisini av á besta liðið. Nú eru fyrstu umførini farin aftur­ um og tað verður aftur ger­ andisdagur. Nú ræður um at halda áskoðarunum til, men vit vita at tað krevur úrslit í HB. Liðið hevur bara spælt móti liðnum, sum end­aðu aftanfyri teir í fjør. Tí koma nakrir avgerandi dystir nú – har í millum í steypa­kapp­ ingini. trondur@sosialurin.fo LANGT TIL EVROPA: HER ER FIMM AVBJÓÐINGAR HJÁ HB Fótbóltur Dysturin hesa vikuna...