mánadagur 15. mai 2017síða 52

VIKA 20 • 15. MAI 2017 28 ÓKEYPIS LÝSINGARBLAÐ TEMA: BÁTASTEVNAN Nógv tiltøk á vágni Á Bátastevnuni eru sum vant nógv ymisk tiltøk, og tá ið talan er um eina bátastevnu, so er tað kanska ikki so løgið, at fleiri av tiltøkunum ganga fyri seg á sjónum. Tí leygardagin hendir ymiskt á vágni í Vestmanna. Stutt eftir, at stóra bátafylgið hevur siglt av Fútakletti og inn á Vestmanna, verður skipað fyri stórari bjargingarroynd við bæði verjuskipi, bátum og tyrlu. Hetta hevur verið eitt afturvendandi tiltak á Bátastevnuni, og áhugin fyri bjargingarroyndini plagar at vera stórur. Tá ið bjargingarroyndin er liðug, verður skipað fyri ódnartøkum. Ódnartak er lutfalsliga nýtt átak innan føroyskan kappróður, og onkursvegna er hetta eitt slag av forsmakki uppá róðrarárið, sum fer av bakkastokki um nakrar fáar vikur. Bussamband er til Havnar leygarkvøldið Vitjandi á Bátastevnuni í Vestmanna, og sum ikki ætla sær at liggja nátt, hava møguleika fyri at taka náttarbuss úr Vestmanna til Havnar sunnunáttina. Náttbussurin hjá vestmenningum koyrir nevnliga úr Vestmanna til Havnar klokkan 04.30 sunnunáttina, so tá ber til at sleppa til Havnar, um tørvur er á tí. Bussurin koyrir av Torginum í Vestmanna. S um vant kemur tónleikurin eisini at fylla nógv á Bátastevnuni í ár. Og tað er tón­ leikur av alskyns slag, sum verður at hoyra í Vestmanna um vikuskiftið. Sum vanligt er, har bátafólk koma saman, er harmonikutónleikur á skránni. Tað verður, tá ið bátarnir eru komnir at bryggju seinnapartin leygardagin, at harmonikutónleikur verður at hoyra, samstundis sum suppa verður borðreitt til mongu bátastevnugestirnar í stóra tjaldinum á bryggjuni. Men annar tónleikur og dansur er eisini á skránni. Bæði fríggjakvøldið og leygarkvøldið er nógvur tónleikur á skránni. Fríggjakvøldið verða tað millum annað Eyðun Nolsøe, Danny & The Veetos og ikki minst The Dubliners Legends, sum fara at spæla í báðum tjøldunum á bryggjuni. Og leygarkvøldið verður ikki minni á skránni, og tá er eitt sindur av hvørjum á skrá. Í lítla tjald­ inum spæla vælumtóktu Danny & the Veetos, Swangah og Finnur Koba, meðan í stóra tjald­ inum verður dansur við Signar í Homrum og Kim Hansen. Nógvur tónleikur á Bátastevnuni