mánadagur 22. mai 2017síða 20

Mánadagur 22. mai 2017 · Nr. 59 20 Sosialurin Hugskot og viðmerkingar – send sms til 225000 Tróndur Arge Við Djúpumýru, Klaksvík HB svav í eitt ”Splidt” se­ kund. Soleiðis ljóðaði eitt av smsunum, ið bleiv sent inn til 3. Hálvleik á Rás2. Boðini lýsa til deils væl klassikaran millum KÍ og HB, sum klaks­ víkingar vunnu 1-0. Málið kom eftir stutt spæl eftir hornaspark. Bólturin endaði úti hjá Dion Splidt, sum úr 20 metrum kundi senda bóltin í handara málhorn. Í so máta bleiv málið av­ gerandi fyri allan dystin, og ”Splidt-sekundi”, har ong­in havnarmaður var vak­in og dekkaði upp fyri stuttu av­ leveringini, dystar­avger­andi. Fyri KÍ merkir sigurin, at liðið liggur á fyrsta plássi aftaná fyrsta triðingin av landskappingini. Fyri HB merkir ósigurin, at liðið fyri­ bils er avsett í stríðnum um FM, har KÍ, Víkingur og NSÍ eru í holt við at renna frá suðuroyingunum og árs­tals­ felagnum í Gundadali, B36. KÍ betri á deyð­ bóltunum Klaksvíkingar høvdu munin á havnarmonnunum við Djúpu­mýru. Ikki óvæntað vóru nógvir áskoðarar og hýr­urin góður rundan um vøllin. Bláa Bylgjan er so smátt við at koma í gongd, og tað bæði hoyrist og sæst. Tað bæði sást og hoyrd­ ist eisini á vøllinum, at hetta er klassikarin í før­oyskum fótbólti. Ongin bóltur var ókeypis og mangan vóru taklingarnar harðar. KÍ var utt­an lykla­spælaran, Sem­ir Hadzibulic. Tað sást aftur í løt­um, men Atli Dan­ielsen og Ják­up B. Andreasen stríddust væl og klár­aðu at neu­trali­ sera mið­vøll­in hjá HB fyri ein stóran part. Meðan mun­ur­in á spæl­in­um ikki var so stórur, so er greitt at KÍ er eitt betri lið til deyð­bóltar. KÍ tókt­ust vanda­miklari og betri fyri­ reikað, tá teir fingu horna og innkøst, meðan HB hevði ilt við at fáa nakað burturúr. KÍ hevur at síggja til sterkari spælarar og tað er kanska eisini ein forkláring. ”Splidt-sekundið” Klassikarin bleiv avgjørdur upp á eitt ”Splidt-sekund”, tá KÍ í seinasta minuttinum fyri h á l v l e i k fekk horna­ spark. KÍ hevði roynt seg við stuttum hornasparki frammanundan, so HB arnir vóru ávaraðir, tá Jóannes Bjartalíð spældi stutt til Jákup B. Andreasen. HB hevði eisini fólk út at leggja trýst á, men mitt í øllum stóð Dion Splidt púra leysur uttanfyri brotssteigin. Hann legði bólt­in til rættis og meddaði hann upp í málhornið. – Eg visti longu, tá eg legði bóltin rættis, at eg fór at skora. Tá sá eg bóltin í málinum, sigur Dion Splidt, sum í undan hesum kapp­ ingar­árinum skifti til KÍ. Argjamaðurin átti sín stóra leiklut í marru­dyst­in­ um hjá KÍ í fjør, tá AB púra óvæntað vann 3-1 á KÍ. Ein dyst­urin sum kopp­ aði FM stríðið á høvdið. Nú skal bóltsterki vong­urin verða við til at vinna FM- gullið til Klaks­víkar. – KÍ hevur eitt mál um at vinna seg fast í oddinum í før­oysk­um fótbólti. Tað er tað vit arbeiða ímóti og tá er tað fínt at liggja nummar eitt aftaná níggju umfør, men vit hugsa ikki so nógv um at vit liggja á odda. Eg gleði meg bara at koma til arbeiðis i morgin, tí stjórin hjá mær er HB ari, sigur Dion Splidt, sum til dagligt arbeiðir hjá Menta. KÍ allan vegin Klaksvíkingar hava onkra ferðir í ár mist á stokkinum. Millum annað móti NSÍ og Víkingi, men nú tykist KÍ hava fingið tamarhald á støð­uni. Við Stórá vinnur KÍ í evstu løtu, meðan teir í gjár megna at halda tætt seinastu løtuna, hóast HB leggur nógv fyri. KÍ spældi hesa ferð við fýra í verjuni. Miðverjan við Jonas F. Rasmussen og Ah­ med Mujdragic stóðu seg væl, meðan Hørður Askham spældi á høgra bakki. Ísak Simonsen hevði úr at gera á vinstra bakki og bleiv skiftur út móti endanum. KÍ byrjar at líkjast liðnum, sum mitt í kappingini í fjør setti ferð á og vann seg fram í oddin. Tað er torført at skora ímóti teimum, og í gjár arbeiddu allir ellivu spæl­ ararnir ótrúliga hart. X-faktor Undan hesum kappingarár­ in­um bleiv tosað um hvar sokallaði ”X-faktorurin” skuldi koma frá. Í fjør var tað mangan Súni Olsen, sum kom inn og vendi dystum. Hann hevði eisini eitt frí­ spark, sum bæði gav mál og upplegg. Felagið hevur í ár fingið tilgongd av Albert Adu og Dion Splidt, men teir hava ikki spælt frá byrjan. Men seinastu dystirnar hava teir báðir víst, at teir hava tað, sum skal til at avgera dystir. Fyrsta avgjørdi Albert Adu móti EB/Streymi, síðani tað sama móti TB/FCS/Royn, eftir at Dion Splidt legði upp. Nú avgjørdi so Dion Splidt klassikaran í føroyskum fót­ bólti. ”Vit liggja nummar eitt og soleiðis skal tað verða” syngja tey í Bláu Bylgjuni. Nógv bendur á, at KÍ verður við allan vegin í FM stríðnum í ár. trondur@sosialurin.fo KÍ er oddalið í landskappingini eftir fyrsta triðingin. Í ferðmiklum og til tíðir hørðum dysti, stóð KÍ sterkari enn HB. Dion Splidt og Albert Adu hava givið KÍ X-faktorin, sum Súni Olsen gav teimum í fjør. Fyri HB kemur illa við at ætlaði málskjúttin ikki er nærhendis vøllinum, meðan Martin Bergvold fekk av at vita á miðjuni KÍ ER ODDALIÐ KÍ er oddalið í Effo-deildini, eftir at fyrsti triðingurin er spældur. KÍ hevur 19 stig, sum eru tvey fleiri enn um sama mundið í fjør. Klaksvíkingar hava bestu verjuna í landinum. Bara sjey mál eru farin í gjøgnum, men liðið hevur skotið 14 mál. Tað er triðflest. Tríggir mans hava skotið trý mál higartil. Teir eru Jóannes Bjartalíð, Páll A. Klettskarð og Albert Adu. Fótbóltur Dysturin hesa vikuna... KÍ er nummar eitt: HB SVAV Í EITT »SPLIDT« SEKUND »Eg visti longu, tá eg legði bóltin rættis, at eg fór at skora«