týsdagur 23. mai 2017síða 58

24. MAI 2017 26 Sosialurin hevur megnað at tillaga seg – Tað er hent nógv, og stundum hava broytingarnar verið stórar og skjótar, og hetta hevur eisini verið ein orsøk til, at eg havi eg hildið á øll hesi árini, sigur Eyðfinnur Jacobsen, sum hevur verið nevndarformaður á Sosialinum í góð 25 ár EYÐUN KLAKSTEIN S íðani fyrst í 1990’unum hevur Eyðfinnur Jacobsen verið nevndarformaður á Sosialinum. Hann hevur saman við dagligu leiðsluni og starvsfólkunum verið ígjøg­num nógvu broytingarnar í miðla­ heiminum og á fyritøkuni hesi góð 25 árini. – Tá ið gjørdist nevndarformaður, átti Javnaðarflokkurin blaðið, men tá var gongdin byrjað at gera Sosialin til eitt tíðindablað, og hetta helt fram upp ígjøgnum 1990’ini. Oddagreinarnar kundu knýtast saman við Javnaðarflokkinum, men stórur dentur varð lagdur á, at tilfarið annars var politiskt óheft. Málið var at gera eitt tíðindablað til allar føroyingar, sigur Eyðfinnur Jacobsen. Hetta var neyðugt fyri at yvirliva rákið, sum gjørdi enda á teimum politisku bløðunum, og tað lukkaðist at fara frá einum floksblaði til eitt tíðindablað. Endaliga broytingin varð staðfest, tá ið Javnaðarflokkurin í 2006 seldi Sosialin til núverandi privatu eigarar. – Bæði við Javnaðarflokkinum sum eigara og harvið einum vissum politiskum tilknýti, um mann vildi tað ella ikki, og síðani við privatum eigarum hava starvsfólkini á Sosialinum givið lív og sál fyri blaðnum og gjørt eitt professionelt arbeiðið fyri at geva føroyingum eitt óheft tíðindablað, sigur Eyðfinnur Jacobsen. Nógvar broytingar Hendan fjórðingsøldin, har Eyðfinnur Jacobsen hevur verið nevndarformaður, hava bjóðað stórar broytingar – ja, næstan kollveltandi broytingar – í samfelagnum og í miðlavinnuni. Tøkniliga menningin seinastu 20 árini hevur verið endavent samfelagi og miðlum. Avbjóðingarnar hava stundum verið stórar og hava kravt týðandi avgerðir. – Tað er hent nógv, og stundum hava broytingarnar verið stórar og skjótar, og hetta hevur eisini verið ein orsøk til, at eg havi eg hildið á øll hesi árini. Tað hevur verið sera spennandi at verið nevndarformaður. Broytingartíðir seta krøv til umstilling og tillaging, og tað hava Sosialurin og Miðlahúsið megnað serstakliga væl, heldur Eyðfinnur Jacobsen. – Stundum hevur tað kravt djarvar tankar og strategisk samstarv, sum næstan vóru óhugsandi, men tað hava leiðsla og starvsfólk eisini fingið at borið til. At vit fóru í samstarv við størsta kappingarneytan Dimmalætting um prentmiðstøð var ein røtt avgerð, men hon var ikki løtt at taka – hvørki hjá okkum ella teimum – og tað vísir, at leiðslan hevur hugsað langsiktað, sigur hann. Støðug leiðsla Nevndarformaðurin fegnast um, at leiðslan á Sosialinum hevur verið rættiliga støðug í nógv ár. Fyrstu nógvu árini var Jan Müller blaðstjóri. Seinni komu Eirikur Lindenskov og Jonhard Hammer við í leiðsluna, og teir tóku síðani við, tá ið Jan Müller gavst. – Tað hevur verið avgerandi fyri gongdina, at vit hava havt eina kontinuer­ liga leiðslu, sum hevur verið sera íðin og dugnalig. Fleiri starvsfólk hava eisini verið við í nógv ár og hava gjørt eitt stórt arbeiði. Eg havi upplivað, hvussu eldhugað starvsfólkini hava verið, og tey hava gingið sera høgt upp í sítt arbeiði, sigur Eyðfinn Jacobsen. – Tað er í grundini væl klárað, at Sosial­ urin nú kann halda 90 ára føðingar­dag og er útkomin uttan steðg síðani 1927. Tað er bara at hyggja eftir, hvussu tað hevur gingist føroyskum bløðum annars. Nevndarformaðurin heldur, at Miðla­ húsið við Sosialinum sum einum av miðla­ pallunum er til reiðar at møta framtíðini. – Raksturin gongur hampuliga væl, hóast tað onkuntíð hevur gingið betur, enn tað ger nú. Fyritøkan livir væl, og henni er lív lagað. Miðlahúsið kemur at menna seg komandi árini, og vit vita av royndum, at leiðsla og starvsfólk duga at tillaga seg nýggjar tíðir og broyttar umstøður. Tað hevur verið styrkin øll árini og fer eisini at grundarlagið undir virkseminum frameftir, sigur Eyðfinnur Jacobsen. Miðlahúsið kemur at menna seg komandi árini, og vit vita av royndum, at leiðsla og starvsfólk duga at tillaga seg nýggjar tíðir og broyttar umstøður. Tað hevur verið styrkin øll árini og fer eisini at grundarlagið undir virkseminum frameftir, sigur Eyðfinnur Jacobsen, nevndarformaður á Sosialinum Mynd: Álvur Haraldsen