mánadagur 29. mai 2017síða 26

SOSIALURIN MAI 2017 2 Instagram er ein sosialur miðil, har tú kanst deila myndir úr tínum gerandisdegi. Og her kanst tú eisini fylgja spennandi fólkum úr allari verðini. Vit nevna hvønn mánaða nakrar av føroysku Instagram vangunum: @IAMLINDAMORTANS FYLGJARAR: 184 Tað er okkurt við vinklunum í myndunum, sum fangar meg - fáa meg at ‘meira enn bara skeita’ at teimum. Tá ið eg um eina løtu fari út ein gongutúr, fari eg at vera eyka varðug við øll smáting - tí tað er hetta, sum myndirnar hjá @iamlindamortans gera við teg - fáa teg at hyggja, eyka, at øllum tí vakra, sum longu er her, men sum vit ikki síggja, tí vit blunda við tonkunum. @QUEENBEINTA FYLGJARAR: 1021 Matur, blómur, stell og ljós. Vakrar og romantiskar myndir. Tær geva mær hug at fara framvið einum blómuhandli og tøma mær visa-kortið; ella at taka eina heila sóljufylta veit við innum. Allar myndirnar av Royal Copenhagen koppum geva mær bæði vaml og presentatións angist; men samstundis eisini onkra góða kenslu, sum eg ikki dugi at seta orð á. Eitt kámt minni um ein Royal Copenhagen kopp heima hjá ommu sum barn - men kanska er tað bara ein ímynd. Eitt gott ímynda minni, um so er. Fylg Queen Beintu, um tú hevur eitt visakort, sum treingir til at tømast í einum blómuhandli - og um eingir pengar eru at tøma, ja, so kanst tú hyggja at myndunum ístaðin. @shisabrand FYLGJARAR: 660 Mær dámar væl at fylga ymiskum føroyskum sniðgevum (og øðrum skapandi fólki) á instagram, tí tað er so spennandi at fáa innlit í teirra verð. Sissal, hon handan Shisa Brand, hevur júst verið á íblásturs-túri í Japan; hon tekur ikki ferðafólk við sær (eg havi spurt), men vit sleppa øll at fylgja við á Instagram. Pssst! Sissal! Eg vil fegin síggja enn fleiri myndir úr Japan. Instagram – tal­gildur heimur í myndum