týsdagur 30. mai 2017síða 4

Mikudagur 31. mai 2017 · Nr. 63 4 Sosialurin Hugskot og viðmerkingar – send sms til 225000 Vilmund Jacobsen Ein sein sjúkuavgerð, sum hev­ur við sær, at ógvuliga sjúkir krabba­ meinssjúklingar doyggja fyrr enn væntað, kann geva eft­ir­sit­andi í fam­i­ljuni rætt til for­syrgj­ara­end­ ur­gjald. Tað vísir ein nýggjur dómur í Eyst­ara Landsrætti, og hesin dómur kann fáa prinsipiellan týdning fyri mong. Málið úr Eystara Landsrætti snýr seg í hesum føri um ein yngri pápa, sum áður hevur verið í við­ gerð fyri krabbamein. Hann var í við­gerð og varð staðfestur frískur, men stutt eftir viðgerðina fór hann aft­ur at føla seg illa. Í byrjanini høvdu læknarnir ikki nakr­an illgruna um, at maðurin aft­ ur hevði fingið krabbamein. Men, tað skuldi tó vísa seg, at nú hevði sjúk­an sett seg í vælindi. Tað varð tó ikki fyrr enn fleiri mánaðir ov seint, at læknarnir funnu út av hes­um. Tá funnið varð fram til sjúkuna í væl­ind­inum, var hon komin so mik­ið langt, at maðurin kundi ikki skurð­við­gerast, og møguleikarnir hjá hon­um at yvirliva vóru tískil mun­andi versnaðir. Eystari Landsrættur hevur nú gjørt av, at tað, at ungi pápin doyði fyrr enn væntað, í lógarinnar merk­ ing er ein skaði, sum gevur rætt til for­syrgj­ara­endurgjald. Tað merkir, at eft­ir­sitandi kona hansara og tveir synir hava rætt til fíggjarligt end­urgjald. Ein slíkt endurgjald kann veit­ ast til sambúgva, hjúnarfelaga og børn í støðum, har sjúklingur end­ar við at doyggja orsakað av sjúk­linga­ skaða, sum tað verður rópt. Prinsipiellan týdning Avgerðin hjá Eystara Landsrætti brýt­ir við praksis á økinum og hev­ ur ein prinsippiellan týdning. – Avgerðin vísir, at feilviðgerð av sjúkl­ingum kann føra til endurgjald – eisini í førum, har sjúklingurin doyr. Eingin kann við vissu siga, hvussu leingi maðurin hevði kunn­ að livað, um sjúkuavgerðin kom fyrr, men Rættarlæknaráðið hev­ur í hesum førinum mett, at mað­ur­in hevði livað longri, um sjúku­stað­ fest­ingin kom fyrr. Tað sigur juristurin og ráðgevin hjá Kræftens Bekæmpelse, Natasja Espe­løv Balslev. Stjórin í Kræftens Bekæmpelse, Leif Vestergaard Pedersen, sigur, at dóm­urin kann fáa týdning – ikki bara fyri einstøku familjuna – men fyri fleiri krabbameinssjúklingar í fram­tíð­ini. – Dómurin í Eystara Landsrætti gev­ur eftirsitandi viðhald í, at hon og synir hennara hava rætt til fult for­syrgj­araendurgjald, samstundis sum rætturin viðurkennur, at deyð­ in í sær sjálvum er ein skaði í lóg­ar­ inn­ar merking – sjálvt, um maðurin var sjúkur av krabbameini. Leif Vestergaard Pedersen sigur, at tey í Kræftens Bekæmpelse eru feg­in um dómin, tí skjót sjúku­stað­ festing er altavgerandi fyri krabba­ meins­sjúklingar. – Jú, fyrr sjúkan verður staðfest, tess størri eru møguleikarnir fyri at yvirliva, og hetta er nakað, sum vit hava viðurkent fyri langari tíð síð­an. Tí halda vit, at hetta er ein røtt og góð avgerð, sum rætturin er kom­in til - ein avgerð, sum ikki bert fær týdning fyri hesa ávísu familju, men sum eisini kann fáa týdning fyri aðrar krabbameinssjúklingar, sig­ur stjórin í Kræftens Be­kæm­ pel­se. Taka mál uppaftur Mett verður, at nýggi dómurin í Eyst­ara Landsrætti letur upp fyri, at avvarðandi til aðrar deyðar sjúkl­ ingar, sum hava fingið viðurkent seina sjúkustaðfesting, kunnu søkja um at fáa mál uppafturtikin og mett av nýggjum. Í øðrum málum hava seinar sjúku­staðfestingar, sum førdu til, at krabba­sjúkan gjørdist ólekilig, bert giv­ið lutfalsliga smá endurgjøld. Men, nýggi dómurin kann lata upp fyri, at onnur eftirsitandi – eins og í hes­um føri – kunnu fáa viðurkent sín rætt til forsyrgjaraendurgjald. Kelda: www.cancer.dk Ein dómur í Eystara Landsrætti hevur givið eftirsitandi kvinnu viðhald í, at hon og synir hennara hava rætt til fult forsyrgjaraendurgjald, samstundis sum rætturin viðurkennur, at deyðin í sær sjálvum er ein skaði í lógarinnar merking – sjálvt, um maðurin var sjúkur av krabbameini Sein sjúkustaðfesting kann geva endurgjald HEILSA Dómurin kann lata upp fyri, at avvarðandi til aðrar deyðar sjúklingar, sum hava fingið viðurkent seina sjúkustaðfesting, kunnu søkja um at fáa mál uppafturtikin og mett av nýggjum – Vit eru fegin um dómin, tí skjót sjúkustaðfesting er altavgerandi fyri krabbameinssjúklingar, sigur stjórin í Kræftens Bekæmpelse, Leif Vestergaard Pedersen