týsdagur 30. mai 2017síða 31

31 Sosialurin Hugskot og viðmerkingar – send sms til 225000 Mikudagur 31. mai 2017 · Nr. 63 vera á landsliðnum, men fyrst og fremst havi eg eina upp­gávu við B36 leygardagin. Tá tann dysturin er liðugur, so fari eg at hugsa fult um A-landsliðið, sigur ein stoltur Patrik Johannesen, sum fyll­ur 22 í septembur. Skulu hava meiri burturúr Gilla Lars Olsen, landsliðsvenjari, legði ikki fingarnar í millum, tá hann hevði tíðindafund í FSF-húsinum í gjár. Hann helt at føroysku spælararnir kláraðu ov illa at halda høvd­ið kalt í Andorra. Hann helt eisinii fyri, at nú skal landsliðið til at fáa meiri burtur­úr einum øðrum tvøra­manni, nevniliga Gilla Rólants­son Sørensen. Landsliðsvenjarin undr­ast á, at Gilli Rólantsson kann spæla so væl í Brann í Noreg, men ikki á landsliðnum. -Um tú kanst spæla so væl í Noreg, so kanst tú eisini tað á føroyska landsliðnum. Eg má fara at tosa við hann, fyri at síggja hvat tað er, sum gera at vit ikki fáa fulla nyttu burturúr honum. Eg havi ein mistanka um, at Gilli Rólantsson vil so gjarna klára seg væl á landsliðnum, at hann vil ov nógv – heldur enn at bara spæla sum hann plag­ar, sigur Lars Olsen. Hann váttar eisini, at tað verð­ ur umhugsað at spæla við teimum áleyparum, og at Gilli Rólantsson kann verða ein av teimum. Eli og Karl skulu roynast á miðvøllinum Fróði Benjaminsen hevur ikki nógv ár eftir á lands­lið­num, meðan hvørki Heini Vatnsdal ella Róaldur Jakob­sen hava sett seg á plássið av ymiskum orsøkum. Nú hava tveir nýggir mans fingið møgu­leikan. Eli F. Nielsen úr B36 og Karl Løkin úr NSÍ. Teir eru við, tí Lars Olsen vil síggja um teir kunnu megna uppgávuna sum verju­kend­ur miðvallari á lands­lið­num. -Teir eru við, tí teir eru tað slagi av spælara, sum vit leita eftir. Eg veit ikki hvussu nógv ár Fróði Benjaminsen hevur eftir, men vit mugu til at finna eina avloysara við tíðini. Eli F. Nielsen hevur stað­ ið seg væl í B36, meðan Karl Løkin er farin at spæla meiri staðkent á miðjuni í ár, sigur Lars Olsen. Letur væl at Símun Rógva Í málinum er ongin ivi um, at Gunnar Nielsen er fyrstaval. Síðani er ein kapping millum Teit M. Gestsson (HB), Símun Rógva Hansen (NSÍ), Kristian Joensen (KÍ) og Tórður Thom­sen (B36). -Símun Rógvi Hansen hevur gjørt tað væl fyri NSÍ, og tí er hann við. Men eg vil tó siga, at tað er javnt millum teir fýra málverjarnar, sum koma eftir Gunnari Nielsen, sigur Lars Olsen. Ongin Sonni Ragnar Sonni Ragnar Nattestad er framvegis skaddur í hæl­sinu­ ni, og væntast ikki at venja sum hinir fyrr enn fyrst í august. Eisini hevur Bárð­ur J. Hansen úr NSÍ givið avboð, tí hann hevur fleiri próvtøkur í næstum. Milum annað 9. juni, sum er sami dagur tá landsdysturin er. Í verjupartinum er Ári Mohr Jónsson úr HB við aft­ur. Hann hevur verið við fyrr, men seinastu dystirnar hann ikki verið við. Um­hugsar 4-4-2 Lars Olsen segði eisini á tíðindafundinum, at hann umhugsar at broyta spæli­skip­an til 4-4-2. Føroyska lands­lið­ið hevur fyri tað mesta spælt við einum áleyp­ara, men nú verður um­hugs­að at spæla við teimum heilt frammi. Liðið møtir inn mána­dag­in og skal sum vant búgva á Hotel Føroyum. FÓTBÓLTUR Hópurin: Málverjar Gunnar Nielsen, FH Hafnarfjørður (ÍS) Teitur M. Gestsson, HB Tórshavn Símun Rógvi Hansen, NSÍ Runavík Verjuspælarar Jónas Tór Næs, ÍBV (ÍS) Viljormur Davidsen, Vejle BK (DK) Atli Gregersen, Víkingur Jóhan Troest Davidsen, HB Tórshavn Hørður Askham, KÍ Klaksvík Odmar Færø, B36 Tórshavn Ári Mohr Jónsson, HB Tórshavn Miðvallarar Kaj Leo í Bartalsstovu, ÍBV (ÍS) Hallur Hansson, AC Horsens (DK) Gilli R. Sørensen, Brann Bergen (NOR) Rene Shaki Joensen, Vendsyssel FF (DK) Fróði Benjaminsen, Víkingur Sølvi Vatnhamar, Víkingur Pól Jóhannus Justinussen, NSÍ Runavík Eli Falkvard Nielsen, B36 Tórshavn Karl Løkin, NSÍ Runavík Framherjar Finnur Justinussen, Fremad Amager (DK) Klæmint A. Olsen, NSÍ Runavík Páll A. Klettskarð, KÍ Klaksvík Patrik Johannesen, B36 Tórshavn Lars Olsen greiðir frá landsliðs úttøkuni Mynd: Álvur Haraldsen Eli F. Nielsen er úttikin á fyrst sinni Mynd: Álvur Haraldsen