mikudagur 7. juni 2017síða 40

VIKA 23 • 5. JUNI 2017 8 COUNTRYBLAÐIÐ Vilmund Jacobsen Tað verður borgarstjórin í Sørvágs kommunu, Aimé Jacobsen, sum fríggjakvøldið 9. juni fer at seta Sørvágs Country & Bluesfestival á lítla palli á Stakka. Eftir setanina fer Vágakórið at syngja nakr­ar sangir, og klokkan 19 fer Holgar Jac­ob­ sen við bólki á pallin. Økið á Stakka í Sørvági er eitt hugnaligt fríøki við spæliplássi, almennum wc’um og palli, og hetta verður fyrstu ferð, at hesin pallurin verður brúkt­ur til konsertir á festivalinum. – Økið á Stakka er líka sum í tveimum við spæli­plássi og fríøkinum. Vit ætlaðu, at spæli­ pláss­ið skuldi gerast heilt liðugt til festi­valin hesa­ferð, men tað verður kanska tepurt. Men, hetta er eitt hugnaligt øki í bygdini, og eg ivist onga løtu í, at tað fer at koma til sín rætt, nú festi­val­urin verður aftur í Sørvági, sigur Aimé Jac­ob­sen. Hugnaligir dagar Borgarstjórin ætlar sær ikki at halda eina drúgva røðu, tá hon fer at bjóða vælkomin og fer at seta Sørvágs Country & Bluesfestival. – Men, eg fari at bjóða øllum, bæði nær og fjar, at vera hjartaliga vælkomin til Sørvágs. Vit gleða okkum til allar gestirnar, og vit vóna, at veð­ur­gudarnir verða við okkum, meðan festival­ ur­in verður hildin. Hetta eru dagar, fyltir við tón­ leiki og country-hugna, har vit í Sørvági hava høvi at vísa okkara gestablídni. Aimé Jacobsen fegnast um ta stóru undirtøku, sum Sørvágs Country & Bluesfestivalur hevur fing­ið heilt síðan byrjan. – Eg fegnist um, at vit eiga so nógv ófør fólk, sum ár um ár vilja reisa hetta stóra tiltak á føt­ur, og eg ivist onga løtu í tí týdningi, sum tað hev­ur, at festivalurin hesar dagar setir Sørvág á Før­oya­ kort­ið. Borgarstjórin vísir á, at tey eru mong, sum ár um ár venda aftur til tiltakið í Sørvági, og tað gera tey, tí tað hvørja ferð hevur eydnast óføru fyri­reik­ar­un­um at skapa góðar og hugnaligar karm­ar um tiltakið. – Hetta eru sera hugnaligir dagar, sum vit í Sør­vágs kommunu ikki vildu verið fyriuttan, legg­ ur hon aftrat. Vøllur og felagshús Í Sørvági hava tey sæð týdningin av at fríðka um í bygd­ini, og hetta er vorðið til vakrar perlur við snøgg­um laðingum og fríðkingum annars. Sørvágs kommuna hevur eisini havt eyguni op­in fyri at finna økir við rímiligari lívd, og har fólk kunnu savnast. – Eitt av hesum er økið á Stakka, sum ligg­ur væl fyri í bygdini, og her eydnaðist tað komm­ un­uni at keypa havan hjá grannanum norðanfyri. Pall­urin, sum nú er á fríøkinum, fer eisini at verða brúkt­ur við serlig høvi og serligar dagar í Sørvági. Økið á Stakka verður eitt øki til hugna, sam­ veru og samkomur fyri ung eins væl og eldri. Dent­ur er lagdur á, at spæliplássið og fríøkið kunnu virka saman og hvør sær. Aimé Jacobsen vísir á, at 07 Vestur hevur fing­ ið eitt nógv betri og rúmligari felagshús við fleiri møgu­leikum, og nú er eisini nýtt graslíki lagt á fót­bólts­vøllin á Dungasandi, sum er góðkendur av FSF, og har fyrstu dystirnir longu eru leiktir. – Graslíkið er av tí allar nýggjasta og frá størsta veitara av graslíki í Europa, DOMO Sports­gras, sigur hon. Fegnast um skúlan Tað var hin 7. februar í ár, at Sp/f Støðla á Argj­ um fór í holt við umbyggingina av niðaru lon í Sør­vágs skúla, og sett varð út í kortið, at arb­ eið­ið skal verða liðugt, tá skúlin byrjar aftur eftir summ­ar­frí­tíðina í august. Skúlaárið 2017/18 verður breytarsamstarvið mill­um Sørvágs skúla og Skúlan á Giljanesi víðk­ að til eisini at fevna um tey vanligu fakini, eitt nú før­oyskt, enskt og støddfrøði. Aimé Jacobsen, sum hevur verið skúlalærari í mong ár, vísir á, at hetta samstarv samstundis ber í sær, at 10. floks næmingarnir í Vágum altíð eru samlaðir tríggjar dagar í Sørvági og tveir dag­ ar á Giljanesi. – Framhaldsdeildin í Sørvági flytir eisini í ta um­bygdu og nýumvældu niðaru lon í skúlanum, og tað merkir, at teir stóru næmingarnir í Sørvági nú fáa sína egnu lon, sigur ein fegin borgarstjóri. VIT VILJA IKKI AV AFTUR VIÐ country-& bluesfestivalin – Tey eru mong, sum ár um ár venda aftur til Sørvágs Country & Bluesfestival, og tað gera tey, tí tað hvørja ferð hevur eydnast óføru fyrireikarunum at skapa góðar og hugnaligar karmar um tiltakið, sigur borgarstjórin í Sørvágs kommunu, Aimé Jacobsen Aimé Jacobsen, borgarstjóri í Sørvágs kommunu, fer at seta Sørvágs Country & Bluesfestival Fríøkið á Stakka í Sørvági, sum er til spæl, hugna og samveru Í Sørvági eru vakrar perlur við snøggum laðingum og fríðkingum