mikudagur 7. juni 2017síða 48

VIKA 23 • 5. JUNI 2017 16 COUNTRYBLAÐIÐ ARNAR INGI Dugnaligi ungi maðurin, Arnar Ingi, er eitt kent navn í Íslandi. Hansara rødd kemur heilt nær røddini hjá Johnny Cash, og løg hjá honum er akkurát tað hann kemur til Country & Blues festivalin at tulka. Johnny Cash ríkaði verðina við sínum løgum, so sum, Folsom Prison Blues, Ring of Fire, I Walk the Line og mangir aðrir góðir slagarar. Og tættari einari konsert við honum koma vit neyvan aftur í Sørvági. Hetta er heilt vist ein framførsla sum fer at vera super góð og minningarík! CINA SAMUELSON Cina Samuelson er ein country singer songwriter úr Svøríki. Longu 7 ára gomul fekk hon áhuga fyri country, og áhugin var so mikið stórur at hon vildi sleppa at spæla country, tá hon bleiv stór. Í ár 2000 byrjaði hennara solo karriera, og tað má sigast, at tað hevur gingið henni framúr væl. Hon hevur útgivið fýra fløgur, og allar hava tær fingið stak góð ummæli frá ummælarum, bæði í Svøríki og úti í heimi. Hon gleðir seg at framføra fyri okkum føroyingum á Dungasandi leygarkvøldi kl.19:00. THE WESTERN SALOON Countryfestivalurin veksur allatíðina og tað allar nýggjasta, sum sá dagsins ljós á seinasta festivali var The Western Saloon. Eitt spælistað, ið minnir um tær gomlu cowboy barrirnar. Hon var sera væl móttikin, men vit gloymdu at koyra nokk av tónleikarum inn í hesa barr. So hesaferð hava vit funnið ein av teimum allarbestu, at undirhalda í Western Saloon. Tað er The Doc. Hann er amerikanari, sum hevur búð í Danmark síðani 1997. Hann er ein royndur harri, sum hevur spælt uml. 3.000 ferðir runt í øllum heiminum, á serliga pubbum og saloonum, so hann passar perfekt til Western Saloon.  Hann hevur verið í Føroyum fyrr. Fyri umleið 15 árum síðani plagdi hann at fylla Café Natúr og Manhattan við slagarum, sum flest allir føroyingar kenna. Vit kunnu vænta okkum eina fest við hansara egnum songum eins og songum frá Creedence, Dubliners, U2, Neil Young, Johnny Cash, ja maðurin hevur uml. 500 sangir á sínum sanglista.  Komi og njótið The Doc á Western Saloon. THE LENNEROCKERS Ert tú til rockabilly og rock and roll, so er at fáa dansi skógvarnar fram. The Lennerockers vóru stovnaðir í 1984 í Hagen Týsklandi, og kalla tónleikin sum teir spæla fyri "Western Rockabilly". Teir og hava spælt til umleið 2500 tiltøk. Teir eru enn eitt av teimum mest brúktu rock and roll orkestrunum í Europa og hava spælt í 21 londum. Á pallinum eru teir sera festligir, við einum Jerry Lee Lewis líknandi klaver boxara og einum bassisti, sum dansar runt við contrabassinum. Onnur ljóðføri eru banja, mandolin, guittar, trummir og kanska onkur munnharpa eisini. Hetta verður ein framførsla, sum ikki má fara aftur við borðinum. Western Rockabilly og rock and roll í heimsklassa.