mikudagur 7. juni 2017síða 56

VIKA 23 • 5. JUNI 2017 24 ÓKEYPIS LÝSINGARBLAÐ Á skránni verða m.a. veðurmaðurin Hanus Kjølbro, Frum og (sjálvandi) All That Rain Les meira á sms.fo Regnklumma Regn er væta í skapi av drop­ um, drignir saman av for dampaðum loft havs vatni, ið er blivið nóg tætt og tungt til at detta niður av tyng­ dar megini. Tað sigur Wiki­ pedia. Men fyri okkum føroyingar er regnið altso nógv meiri enn tað. Vit kun­ nu hyggja upp í luftina og siga, hvat klokkan tað fer at regna. Vit eru uppvaksin í regni, vit eru dýggj­ etandivát av regni, vit eita á Regni, og summi okkara flýggja uttan lands alt summarið undan regni. Men vit elska eisini regnið. Ikki bara tá ið vit sita fjálg inni og eta køku, meðan tað larmar móti stovuvindeyganum, ella tá tað syngur í plastikkinum, tá ið vit liggja turr inni í einum tjaldi á einum festivali. Vit elska eisini at brúka regnið. Vit lata allarhelst kranan renna í fimm minuttir, áðrenn vit fáa okkum upp í glasið, vit busta tenn við rennandi vatni og ... vit spula. So skjótt tað ikki regnar, stendur hvør maður í túni­ num og spular. Hvat er tað við monnum, sum elska at spula? Spula bil, spula tún, spula tekju, og teir ku­ lastu eru líka góðir við trýstspularan sum við hundin. Við kerligari hond og blíðum rørslum verður alt túnið spulað ein góðan summardag, so asfaltið, sum fyri eina ferð skyld var turt, aftur er sum tað plagar. Vátt! Ein ferðaleiðari visti at siga, at meðan danir, týsk­ arar, fransmenn og onnur lata seg væl í (les: gonguskógvar við skrúvulissum, regnbuksur upp á bringuna og regnfrakkum, sum verja fyri øllum uttan livandi grind), so møta før oyingarnir ofta upp í klædningsjakka ella í besta føri einum vanligum dýnujakka. Einki fjas. So hóast vit elska at hata regnið, so virkar tað sum um, at vit onkursvegna eru so von við regn, at vit ikki ræðast at blíva eitt sindur vát um høvdið. 7–9. juni á Torginum í SMS Regndagar