mánadagur 12. juni 2017síða 30

VIKA 24 • 12. JUNI 2017 6 ÓKEYPIS LÝSINGARBLAÐ Eisini opið leygardag Um vikuskiftið skifti Norrøna ferðaætlan, so­ leiðis at skipið nú er farið undir sína summar­ sigling. Um veturin siglir Norrøna bert til Dan­ markar úr Føroyum hóskvøld, men nú farið er undir summarsiglingina siglir hon fríggjanátt og sunnukvøld til Danmarkar. At farið er undir summarsigling, merkir eisini, at upplatingartíðirnar á skrivstovuni hjá Smyril Line í Tórshavn eru broyttar. Í mun til vetrarhálvarárið, so hevur skriv­ stovan, nú summarsiglingin er byrjað, eisini opið leygardag, tá ið Norrøna fer úr Danmark til Føroya. Næstan einki pláss eftir Summarið sær út til at gerast serstakliga gott hjá Norrønu og Smyril Line, tí bíleggingarnar eru sera nógvar í tali, og tað er næstan einki pláss eftir á fráferðunum hjá Norrønu. – Tað eru ikki nógv pláss eftir í summar. Men tað eru tó nakrar eftir, og onkrar av teimum eru eisini tær bíligu fráferðirnar, men fólk skulu skunda sær, um tey skulu ogna sær nakrar av hesum ferðunum, sigur Martin Dam Joensen, søluleiðari hjá Smyril Line. Hann greiðir frá, at tað hevur verið ein luksus-trupulleiki hjá Smyril Line ein stóran part av summar­hálvárinum, at skipið hevur verið so fult. – Tað hevur verið fult so at siga non-stop frá 1. Apríl, og er tað heilt fram til umleið mánaðar­ skiftið september/oktober, sigur hann. Orsøkin til fulla skipið er fyrst og fremst tey vælumtóktu Viking-cruisini, sum eru ferðir, har tú fert umborð í Hirtshals leygardag og so siglir við Norrønu í eina heila viku, til tú ert aftur í Hirtshals. Hetta er eitt slag av ferðum, sum Smyril Line bjóðar uttan fyri summarsiglingina, og tá liggur væl fyri at gera slíkar ferðir, tí Norrøna liggur tá við bryggju í Havn mánadag í fleiri tímar, og á Seyðisfirði í Íslandi í hálvtannað døgn, so ferðafólkini hava møguleika at uppliva bæði Føroyar og Ísland á hesum ferðunum. Hava riggað skipið til summarið Í vetur eru nógvar ábøtur og umvælingar gjørdar umborð á Norrønu, sum vit eisini hava skrivað um í Vikublaðnum áður. Eitt nú er buffet- matstovan gjørd munandi størri, so at næstan 50 prosent fleiri ferðafólk kunnu sleppa til borðs í senn, og eisini er vælumtókta Simmer- Dim matstovan vaksin. Dagføringar eru eisini gjørdar á fleiri av kømurunum, eins og náttklubburin Saga Café hevur fingið nýtt innbúgv og nýtt á gólvið. So alt í alt er Norrøna væl brynjað til summ­ arið 2017. Summarsiglingin er byrjað Norrøna er nú farin undir sína summarferðaætlan. Tað merkir, at flaggskip Føroya nú siglir aftur og fram millum Føroyar og Danmark tvær ferðir um vikuna