mánadagur 12. juni 2017síða 36

VIKA 24 • 12. JUNI 2017 12 ÓKEYPIS LÝSINGARBLAÐ TEMA: SUNDALAGSSTEVNAN Vilmund Jacobsen M arni E. Joensen er formaður í Hósvíkar Róðrarfelag, og hann fegnast um, at tað í ár hevur eydnast felagnum at manna 5-mannafarið Falkin og 6-mannafarið Hósvíking við fleiri manningum enn undanfarin ár. – Vit hava tvær manningar í barnaróðri, bæði gentur og dreingir, og 5-mannafarið er mannað við kvinnum. Haraftrat er 6-mannafarið mannað við bæði kvinnum og monnum. Barnaróður ger mun Formaðurin í Hósvíkar Róðrarfelag heldur, at ein orsøk til veksandi áhugan er, at skipað hevur verið fyri barnaróðri í nøkur ár, og hann fegnast eisini um, at barnaróður frá komandi ári at rokna verður skipaður sum FM-róður. Marni E. Joensen heldur tað hava stóran týdn­ing at eggja børnunum til at rógva. – Tað skal vera stuttligt at rógva – og ikki bara strævið, sum hann tekur til. Sjálvur rør formaðurin í Hósvíkar Róðrarfelag í ár við 6-mannafarinum. Hann hevur ikki tær drúgvu royndirnar sum rógvari, men ásannar, at hóast hann í dag er 24 ára gamal, var tað barnaróðurin, sum í sínari tíð birti áhugan fyri kapp­róðri. – Vit gleða okkum til kappróðurin, sum verð­ ur leygardagin, 17. juni, og sum fyriskiparar eru vit væl fyrireikað, sigur Marni E. Joensen. Betri fyri bátarnar Formaðurin í Hósvíkar Róðrarfelag vísir á, at nýggi bátadrátturin, sum felagið hevur bygt, ger umstøðurnar hjá róðrarfólki nógv betri. – Í fyrstuni var bara sandur niðan fyri neystið. Síðan fingu vit eina lítla træbrúgv, sum stóð á tunnum, men hon fórst við tíðini. Nú vit hava fingið nýggja og stóra bátadráttin, eru viður­ skiftini framúr. Marni E. Joensen vísir á, at pláss er fyri tveim­um róðrarbátum í senn á bátadráttinum, um­framt at gott pláss nú er á nýggja og stóra platt­inum. – Tørvur hevur verið á einum veruligum báta­ drátti, og nú vit fóru í holt við hetta, vildu vit gjarna gera tað ordiligt. Nú umstøðurnar eru so góðar, verður tað eisini nógv lættari at fara væl um bátarnar, sum so aftur fara at krevja minni viðlíkahald. Hann sigur, at tá tiltøk verða í Hósvík, sum eitt nú regatta í heyst, fer bátadrátturin eisini at koma væl við hjá øðrum róðrarfólki. Hitapottar við neystið Nú Sundalagsstevna verður, fer róðrarfelagið at hava hitapottar standandi við neystið, og tá verður høvi hjá fólki, sum ætla sær í pottarnar, at brúka skiftirúm, brúsu og wc í neystinum. – Róðrarneystið er ov lítið til dansitiltøk, men sum felag fara vit at hava onkrar sølur á stevnuni, soleiðis sum lesast kann um í skránni, sigur Marni E. Joensen. Á Sundalagsstevnu í ár verður ikki róð undir Eysturoyarlandinum, sum gjørt hevur verið onnur ár, men undir Streymoyarlandinum. – Vit hava góðar vónir um, at tað fer at ganga væl at avgreiða kappróðurin á Sundalagsstevnu, sigur formaðurin í Hósvíkar Róðrarfelag. Kappróður blómar í Hósvík – Tað hevur stóran týdning at eggja børnunum til at rógva. Tað skal vera stuttligt at rógva – og ikki bara strævið, sigur formaðurin í Hósvíkar Róðrarfelag, Marni E. Joensen – Tørvur hevur verið á einum veruligum bátadrátti, og nú vit fóru í holt við hetta, vildu vit gjarna gera tað ordiligt, sigur formaðurin í Hósvíkar Róðrarfelag Mynd: Vilmund Jacobsen