mánadagur 19. juni 2017síða 36

VIKA 25 • 19. JUNI 2017 12 ÓKEYPIS LÝSINGARBLAÐ Vilmund Jacobsen T á tú sum ferðandi vitjar í miðbýnum í Edinburg, fært tú skjótt eina hóming av hugnaliga umhvørvinum og kanst gera tær eina meting av, hvat tað er, sum tú vilt síggja. Edinburg er nógv meira enn kenda og vakra slottið, Edinburgh Castle og hugnaliga gøtan, The Royal Mile. Skotar eru kendir fyri at vera blíðir og vinar­ ligir, og tað eru tey, sum koyra bussarnar eisini. Tú heilsar, tá tú kemur inn í bussin og takkar fyri túrin, tá túrur er liðugur. Nógvar brekkur Søga er um tvey ferðandi, sum skuldu koyra av flogvøllinum og inn til miðbýin í Edinburg. Tey høvdu keypt ferðaseðilin um fartelefonina. Tá tað vísti seg, at ferðaseðlarnir skuldu keypast – ein og ein – og at annar ferðandi tískil ongan ferðaseðil hevði, var tað kortini eingin trupulleiki. Bussførarin var blíður og fortaldi bara, hvussu tey skuldu gera næstu ferð, tey tóku bussin. Sjálvt um teinarnir í Edinburg sum heild ikki eru serliga langir, skalt tú kortini rokna við at brúka nakað av tí, um tú ert til gongu. Tað eru brekkur og undanbrekkur – næstan líkamikið, hvar í býnum tú gongur, men kortini kennist bý­ túrurin ikki serliga strævin. Og tó. Tá tú ert til gongu í hugnaligu gøtun­ um, merkir tú tað á beinunum, samstundis sum tú møtir blíðum og vinarligum fólkum. Ófatiliga vakurt Fólk, sum hava vitjað í Edinburg, siga, at býurin og umhvørvið kring býin er ófatiliga vakurt – við støðum sum eitt nú Calton Hill, Arthur’s Seat, Edinburgh Castle og tí klassiska skotska arkitekturinum, sum sæst so víða um. Tá tú ferðast í Edinburg, ert tú eisini nær við náttúru, og her er eisini Holyrood Park avgjørt eina vitjan verd. Hóast býurin er minni enn Glasgow, hevur Edin­ burg fleiri ølstovur og tey, sum hava vitjað hesar, siga, at eisini á ølstovunum er maturin góður. So, fyri tann, sum elskar skotsku ølstovurnar, ber saktans til eisini at fáa mettuna – og ikki bara ølirnar. Ein av mongu góðu ølstovunum er Guildford Arms, sum liggur bert fáar metrar frá størstu handilsgøtuni í Edinburg, Princes Street. Í City og Edinburgh eru matstovur, sum hava fingið Michellin-stjørnur, og serliga í býar­ partinum Leith hevur stórur vøkstur verið í matstovum og kafé’um. Stór strond Í Edinburgh er eisini ein stór strond, Portobello-strondin, sum hon verður rópt, men sum øll vita kann skotska veðurlagið ikki samanberast við veðurlagið undir suðurstjørnum. Edinburgh er ein ófatiliga vakur býur Størsta handilsgøtan í Edinburgh er Princes Street. Ikki langt haðani er ein av góðu ølstovunum, Guildford Arms Býurin og umhvørvið kring Edinburgh er ófatiliga vakurt – við støðum sum eitt nú Calton Hill, Arthur’s Seat, Edinburgh Castle og tí klassiska skotska arkitekturinum, sum sæst so víða um