mánadagur 19. juni 2017síða 40

VIKA 25 • 19. JUNI 2017 16 ÓKEYPIS LÝSINGARBLAÐ Vilmund Jacobsen A ldargamla Edinburgh Castle, sum er mest vitjaða attraktiónin í Edinburg, er altíð ein partur av kunningini, tá tú lesur um søguliga høvuðsstaðin í Skotlandi. Sermerkta slottið, sum stendur á einari út­ brendari vulkan og er umgyrt av trimum fjalla­ síðum, hevur verið í brúki í meira enn túsund ár. Edinburgh Castle hevur havt ein týðandi leik­ lut í skotskari søgu í fleiri hundrað ár. Djór og whisky Djóragarðurin Edinburgh Zoo, sum liggur í Corstorphine Road í Murrayfield umleið ein kilo­ metur vestan fyri miðbýin, er næst mest vitjaða attraktiónin í Edinburg. Bussar koyra regluliga úr Princes Street og til Edinburgh Zoo, har høvi eitt nú er at síggja bjarnir, næshyrningar, gorilla’ir, áarross og heim­ sins størstu samling av livandi pingvinum. Eitt annað ferðamál í Edinburg er Scotch Whisky Heritage Centre, sum liggur við The Royal Mile. Her kunnu vitjandi fáa eina rundvísing og kunn­ing um skotskt whisky, og her er eisini mat­ stova og ølstova við fleiri enn 300 sløgum av skotskum whisky. Mentan og list The National Museum of Scotland liggur í Chambers Street, og her eru líka sum tvey søvn undir einum taki. The Royal Museum leggur serliga dent á náttúru, vísund, mentan og list – og Museum of Scotland leggur dent á skotsku søguna, mentanina og fólkið. Miðskeiðis í Princes Street Gardens liggur tjóðarsavnið, har tú kanst síggja listaverk eftir altjóða listarfólkum sum Da Vinci, Raphael, Titian, El Greco, Rembrandt, Rubens og Van Gogh. Drotningabústaður High Kirk of St. Giles
ella St. Giles-katedralurin, sum kirkjan eisini verður rópt, liggur í The Royal Mile, og her hava staðið kirkjur síðan í 1200-talinum. Palace of Holyroodhouse er almenni bústað­ urin hjá bretsku drotningini í Edinburg, og tað hevur bygningurin verið í meira enn 700 ár. Slottið, sum upprunaliga varð bygt sum klostur í 1128, er opið fyri vitjandi, og her er møguligt at hyggja inn um dyrnar hjá bretsku drotningini. Um summarið er eisini høvi at síggja flottu parkina, sum hoyrir til slottið í Canongate, sum liggur í eystara enda av The Royal Mile. Savn við rithøvundum Skotland hevur fostrað nógvar kendar rit­ høvundar, og hesir verða heiðraðir á Writers Museum í Lady Stairs House, Lawnmarket. Sum partur av savninum er bústaðurin hjá skotska tjóðarhøvundanum, Robert Burns. Scotch Whisky Heritage Centre Eitt ferðamál av mongum í Edinburgh er Scotch Whisky Heritage Centre, sum liggur við The Royal Mile Bussar koyra regluliga úr Princes Street til Edinburgh Zoo, har høvi eitt nú er at síggja heimsins størstu samling av livandi pingvinum Djóragarðurin Edinburgh Zoo, sum liggur í Corstorphine Road í Murrayfield umleið ein kilometur vestan fyri miðbýin, er næst mest vitjaða attraktiónin í Edinburgh Hvørji støð eru verd at vitja í Edinburgh?