týsdagur 20. juni 2017síða 28

Mikudagur 21. juni 2017 · Nr. 71 4 Sosialurin Pætur Albinus F øroysk bogaskjóting plag­ ar at vera garantur fyri einari rúgvu av heið­urs­ merkjum á oyggja­leik­un­ um. Øll árini fram til seinastu leik­ irnar hava Føroyar verið fremst í boga­skjóting, men ta ferðina vórðu tey á fyrsta sinni yvirhálað. Hesa­ ferð bleiv tað til fimm føroysk heið­ urs­merki – trý gull og eina bronsu í compund og eina bronsu í recurve. Hetta rakk til eitt samlað 2. pláss. Umstøðurnar hjá bogaskjútt­un­ um í Føroyum eru vánaligar, men tey royna, og enn eru onkrir frálíkir bogaskjúttar eftir, sum fara eftir at gera tað betri enn seinast. Greinar Tað eru tvær ymiskar greinar í boga­skjóting. Recurve er tann sið­ bundna greinin, har bogin er sum vit kenna hann við einum strongi og einum píli. Hesin recurve-bog­ in verður eisini nevndur tann olympiski bogin. Compound er hinvegin ein heilt øðrvísi grein, har bogin hevur eina taljuskipan, har hann er tungur at draga upp, men fer niður í triðingsvekt tá ið hann er trektur tveir triðingar. Harafturat hevur hann eitt sikt, eitt vaterpas og ein avtrekkjara. Kappingarnar eru eisini ym­ iskar innan bogaskjóting. Á oyggja­ leikjum eru tær fýra í tali. WA-rund­ an kallast tann eina, har skjútt­in fær 144 pílar og skjýtur úr fýra ymsikum fjarstøðum. Í hes­ari kappingini verður eisini talt sam­an hvørji lond hava staðið seg best, og fáa tey tá heiðursmerki í liðkappingini. Í 720-runduni fáa skjúttarnir tvær ferðir 36 pílar. Compound skjóta úr 50 metrum og recurve úr 70 metrum. Head to head er eisini ein kendur kappingarháttur. Skjúttarnir fáa í mesta lagi 15 pílar, og dystast verður ein ímóti einum. Hetta er ein cup-skipan, har taparin rýkur úr kappingini, meðan vinnarin fer víðari til næsta umfar. Nýggjasta kappingin kallast mix. Hon er tann sama sum head to head, bara at har eru ein maður og ein kvinna í sama parti. Umstøðurnar Føroysk bogaskjóting hevur leingi verið ímillum tey allarfemstu á oyggjaleikunum. Í Álandi í 2009 vunnu tey metnógv heiðursmerki, nevniliga 12. Heilt væl hevur tó ikki gingið seinastu tíðina, og á seinastu leikunum, sum vóru á Jersey fyri tveimum árum síðani, vunnu før­ oysku bogaskjúttarnir einans fimm heiðurs­merki. Nevnast kann, at góðir skjúttar so sum Annika Vang (recurve), Sigrid Vang (compound) og Hans Petur Højgaard (recurve) eru givin at skjóta. Í Gotlandi kunnu tey vera átta á hvørjum liði, men so nógv fáa Føroyar ikki mannað hesaferð. Føroysku bogaskjúttarnir, sum skulu við til Gotlands, hava fyri­ reikað seg sum best hevur borið til. – Tað hevur verið gott veður, so tey hava verið nógv úti, har tey hava klárað at funnið sær pláss, og skotið tríggjar ferðir um vikuna, sigur formaðurin í Boga­skjóti­ sambandi Føroya, Eggaba Andrea­ sen. Hann undirstrikar tó, at um­ støðurnar til bogaskjóting í Før­ oy­um als ikki eru nøktandi. Síð­ ani graslíki varð lagt á vøllin á Svangaskarði og á Tórsvøll, eru boga­skjúttar ikki slopnir fram at har, og tað hevur meir ella minni verið tilvildarligt, hvar teir nú halda til. Úttøkukappingin fór fram í Hoydølum, men har var neyðugt at vera í gummistylvum vegna stórt gras og váttligt veður. – Bogaskjóting er ikki við næstu oyggjaleikir, men vit eru so við aftur um fýra ár. Er ikki okkurt hent við umstøðunum tá, so eri eg stórliga bangin fyri at bogaskjóting uttandura er útideyð í Føroyum, sigur Eggaba Andreasen. – Tað er einans manglandi polit­ iskur vilji. Ítrótturin er so lítil, at her er eingin atkvøða at heinta, men skulu teir hava oyggjaleikir til Før­oya, so mugu teir gera okkurt, sigur Eggaba og vísir á, at íløgan als ikki er stór. – Tað er ikki meira enn ein brot­ partur av hvat ein golf- ella fót­ bóltsvøllur kostar, sigur hann. Eggaba heldur, at ein vøllur burdi verið lagdur sentralt í Føroy­ um, so at tey trý feløgini, Ørvur í Runavík, Tambar í Havn og Vága­ skot í Vágum hava áleið eins langt at koyra til felagsvenjingar. Framtíðin Í Gotlandi verður farið eftir at gera tað so gott sum tilber. – Vit fara at royna at gera tað so gott sum møguligt, og vita hvussu langt tað røkkur. Vit fara at royna at gera tað betri enn seinast, sigur Eggaba Andreasen, sum metir at hinar tjóðirnar hava nógv betri umstøður og tískil eisini hava hálað seg inn á Føroyar. Føroysk bogaskjóting hevur tó gjørt sítt fyri at framtíðin skal tryggjast. Bogaskjótisambandið hevur fingið útlendskar venjarar, sum koma heim til Føroya við jøvnum millumbilum. Í compound er tað norski Morten Bøe, og í recurve eru tað donsku feðgarnir Søren og Benjamin Ibsen, sum eru venjarar. Morten Bøe hevur áður verið á norska landsliðnum, og Benjamin Ibsen hevur verið á tí danska. Íløgan hevur givið útslag, tí á fyrsta sinni hava føroyskir skjúttar skotið seg til HM. Hendan kappingin verður í Meksiko og oktobur, og tá vera minst tríggir føroyingar við. Teir eru Jóannes Poulsen, Nikkel Petersen og Jógvan Niclasen. Tann fríggjadagin, sum oyggja­ leikirnir enda, fara tveir ungir føroyingar til Kemi í Finnlandi at luttaka í NM fyri ung. Teir báðir eru 14 ára gamli compound-skjúttin Aleksandur Leitisstein úr Ørvi og 17 ára gamli recurve-skjúttin Teitur Dalsgarð úr Vágaskot. BOGASKJÓTING STRÍÐAST VIÐ UMSTØÐURNAR Umstøðurnar eru so vánaligar, at ítrótturin kann detta niðurfyri, men íløgur í útlendskar venjarar hava givið góð úrslit hjá føroyskum bogaskjúttum Luttakarar Compound Menn Jógvan Niclasen Jóannes Poulsen Albert Dam Nikkel Petersen Kvinnur Anja Eydnudóttir Recurve Menn Absalon Hansen Oddmar Nielsen Kvinnur