týsdagur 20. juni 2017síða 34

Mikudagur 21. juni 2017 · Nr. 71 10 Sosialurin Pætur Albinus Í skjóting eru tvær ymiskar útgávur tær mest vanligu, nevniliga skeet og trap. Í trap sendir kastimaskinan leir­dúgvurnar undan tær. Tær kunnu fara í ymiskar vinklar, men tær fara altíð undan tær, og tú fært tvey skot eftir hvørjari dúgvu. Til­ sam­ans 25 dúgvur eru í hvørjum um­fari, og tú kanst hava byrsuna klára áðrenn dúgvan verður kastað avstað. Í skeet verða tvær dúgvur send­ ar úr kastimaskinuni í senn. Tær báðar ferðast umleið 92 km/t, og tær fara upp á tvørs av hvørjari aðrari. Skjúttin, sum í hesari grein­ ini ikki sleppur at standa púra klár­ ur í skotstøðu, hevur eitt skot eftir hvørj­ari dúgvu. Í Føroyum er einans ein breyt til trap. Tað er í Sandvíkum beint uttan fyri Havnina. Betri eru møgu­ leikarnir fyri at skjóta í skeet, tí har ber til at skjóta – umframt í Sand­ víkum – í Vestmanna og í Sunda­ lagnum. Nevnast kann tó, at tað í løtuni verður gjørd ein breyt afturat í trap. Hon verður í Leirvík. Góð venjing Skjóting í Føroyum hevur sum siðvenju at koma aftur av oyggja­ leikum við heiðursmerkjum. Á seinastu leikunum á Jersey í 2015 vunnu Føroyar tvey gull í skeet. Tað eina vann Marius Joensen, og hitt vunnu Føroyar í liðkappingini mannað av sama Mariusi Joensen og Sámali Debes. Marius er sjó­maður, og í ár passaði tað somikið illa, at hann ikki verður við í Got­landi. Landsliðið hjá Føroyum er av tí sama rættiliga nýtt hesaferð. Jón Jacobsen og Tórður Fløtt eru við fyri fyrstu ferð, meðan hetta verða aðru leikirnir hjá Alex Johannesen. Sámal Debes er einasti royndi mað­ urin í hópinum. Føroyskir skjúttar eru ógvuliga virknir, og á hvørjum ári verða einar 22 kappingar fyriskipaðar. Nakrar av teimum verða taldar sum úttøkukappingar, og seks teir bestu skjúttarnir í hvørjari grein í hesum kappingum verða úttiknir til ein bruttohóp, har tað síðani verður kappast víðari um seinastu og endaligu plássini. Í ár var ætlanin at strekkja endaligu úttøkuna heilt fram til 1. juni, men fyriskipararnir í Gotlandi vildu hava endaliga hópin áðrenn. Skjúttarnir venja nógv hvør í sínum lag, og innanhýsis kappingar umframt tær mongu fyriskipaðu kappingarnar syrgja fyri, at skjútt­ arnir eru í góðari venjing. Høgt støði Hóast Føroyar ofta eru við í heið­ urs­merkjunum á oyggjaleik­un­um, so er tað ikki lætt at koma fram­at har. – Støðið er høgt, men støðið í Føroyum er eisini hækkað ótrú­liga nógv seinastu árini, sigur Sjúrð­ur Knudsen, formaður í Skjóti­sam­ bandi Føroya. Hann vísir á, at grannar okkara í Danmark teljast ímillum heimsins bestu skjótilond, men at føroyingar eisini kunnu blanda seg ímillum teir fremstu skjúttarnar í Danmark, tá ið teir vitja til kappingar har. – Støðið hækkar allastaðni, men nú komu vit heim við tveimum gull seinast, so málið verður aftur hesaferð at vinna heiðursmerkir. Vit hava tveir spildurnýggjar skjútt­ar við hesaferð – teir eru sera góðir skjúttar, men nervar kunnu eisini vera upp á spæl, sigur Sjúrður, sum sjálvur verður við á leik­unum sum ferðaleiðari. Hann sigur, at teir eru ógvu­liga spentir, og at vónirnar eru góðar eftir at tølini frá úttøku­kapp­ing­ unum hava boðað frá góðum. Høvdið kalt Sjúrður Knudsen sigur, at Føroyar eiga fleiri góðar skjúttar. Men hvørjir eginleikar krevjast fyri at ein gerst ein góður skjútti? – Man skal vera ógvuliga disci­ pli­neraður, tá ið man kemur har upp, og man má halda seg í góðum formi. Tað krevur góð eygu, góð reaktiónsevni og at halda høvdið kalt, sigur Sjúrður og vísir á, at góða kropsvenjingin ikki krevst eins og í eitt nú hondbólti, men at tað altíð er best at vera í góðari venjing, tí at tað fylgist at. – Tað skal so lítið til áðrenn man fær ein lortadag, so allir sansirnir skulu vera í topp. Tú fært eitt skot – rakar tú ikki, ja, so er farið, sigur Sjúrður. Áleið 160 aktivir limir eru í Føroyum, men hann harmast um, at umstøðurnar ikki eru nøktandi. Tvær bingjur, sum vórðu settar upp í Sandvíkum soleiðis at oyggja­leikirnir kundu vera her í 1989, eru framvegis álitið sum felagshús, og breytin sjálv treingir til at dag­førast. – Tað verða hallir bygdar fyri tíggjutals milliónir. Tá er einki óført, men at fáa sjey milliónir til eina nýggja breyt ber ikki til, sigur Sjúrður. Vápn Tað kann vera trupult hjá skjútt­un­ um at ferðast, nú útgerðin í teirra ítrótti eru vápn. Strangt eftirlit er sum vera man hvørjaferð teir skulu um flogvallir, og noyðast teir at biðja um útflutningsloyvi frá løgregluni fyri at fáa byrsurnar við. Á flogvøllinum er løgreglan so við vápnunum, og tað sama í landinum, har teir flúgva til. Í Gotlandi stendur løgreglan eisini fyri teimum og beina byrsurnar á eina vápnagoymslu, har tær vera í varðveitslu til skjúttarnir skulu venja ella kappast. – Har er einki við at vit fáa byrs­ urnar við á hotellið, skoytir Sjúrður Knudsen uppí. SKJÓTA SEG TIL GULL Seinastu tveir oyggjaleikirnar og mangan áður eru føroyskir skjúttar komnir aftur til Føroya við gulli um hálsin. Hesaferð eru tveir nýggir skjúttar við, men málið er framvegis heiðursmerki SKJÓTING Luttakarar Skeet Sámal Debes Tórður Fløtt Trap Jón Jacobsen Alex Johannesen