týsdagur 20. juni 2017síða 36

Mikudagur 21. juni 2017 · Nr. 71 12 Sosialurin Pætur Albinus T að er stór útskifting í hópinum, sum fer at umboða Føroyar í fræls­ um ítrótti á oyggja­leik­ unum hesaferð. 10 íðkarar eru við, og av teimum eru heili sjey við fyri fyrstu ferð. Hópurin er av tí sama ungur og óroyndur, men hetta eru tey, ið hava klárað tey annars strongu krøvini um at sleppa við, so støðið er ikki til at fara skeivur av. Tvey av teimum, sum hava ver­ ið við áður, hava einans verið við ta einu ferðina. Tey eru Marna Egholm og Tórur Mortensen. Tann einasta í hópinum, sum kann sigast at vera roynd í oyggjaleikahøpi, er Rebekka Fuglø. Hon hevur verið við fimm ferðir. Nógv avboð Fleiri av stóru nøvnunum, sum vit kenna frá frælsum ítrótti í Føroyum, eru ikki við í Gotlandi í ár. Bjørk Herup Olsen dúvar í løtuni mest upp á lesnaðin, meðan ein annar rennari, Valborg Heinesen, nýliga hevur átt og tískil heldur ikki verður við. Hanus Bergsson, sum á sein­ astu leikunum prógvaði seg sum fjórðbesti spjótkastari í oyggja­ leikasøguni, verður heldur ikki við. Hann er skaddur í økslini. Ein annar íðkari, sum eisini er darvaður av skaðum og heldur ikki verður við, er Rúni Seloy. Hallur Simonsen, sum á Jersey fyri tveimum árum síðani vann heiðursmerki heim til Føroya við silvuri í diskuskasti, gavst stutt eftir og verður tí av góðum grund­ um heldur ikki við. Nýggj blanding Í mong ár áttu Føroyar ikki nakran kvinnuligan sprintara, men á oyggjaleikunum í Gotlandi verða fleiri við. Eitt nýtt ættarlið av ung­um kvinnuligum sprintarum hevur tikið seg upp, og hetta verður fyrstuferð síðani 1991, at Føroyar hava ein sprintara við. Ta ferðina var tað Margret Augustinussen, ið luttók á leikunum í Álandi. Ungu kvinnuligu sprintararnir, sum eru við hesaferð, eru Elisabet Holm Simonsen, Alda S. Lamhauge, Margit Weihe Fríðmundsdóttir og Oddvør Josephsen. Nú er somikið av sprintarum við, at tað ber til at luttaka í boðrenning – eisini kent sum stafett. Ætlanin, at tvær føroyskar boðrenningar skulu til­meldast. Tann meiri roynda Rebekka Fuglø verður væntandi við til ta einu, soleiðis at tað skal bera til at manna tvær. Boðrenningarnar, ið ætlanin er at melda seg til á, eru 4x100 metrar og 4x400 metrar. Vónirnar Tað hevur ikki verið lætt at hava landsliðssamlingar, nú tær ymisku greinarnar innan frælsan ítrótt eru somikið ymiskar og spjaddar, men hvør íðkari hevur vant dúg­liga, og Marna Egholm og Jan Elmar Sørensen hava verið á venj­ingar­ legu í Sveis. Tað er serliga í nøkrum greinum og á nøkrum teinum, at vónir eru fyri at fáa heiðursmerki. – Marna Egholm á hálvum mara­thon, 10.000 metrum og 5.000 metrum, Rebekka Fuglø á 800 metrum og 1.500 metrum og Tórur Mortensen í trístøkk. Vit eru eisini spent upp á 4x400 metrar boðrenning. Tað er vónleyst at siga, men um vit hyggja at tíðunum, so eru vit nokk hampiliga væl við har, metir Hallur Holm, formaður í Frælsum Ítrótti Føroya (FÍF). – Nú er liðið so ungt, men um vit koma heim við trimum ella fýra heiðursmerkjum, so er tað góðtikið. Eg havi eina vón um fýra, men tað er á mær persónliga, sigur Hallur Holm víðari. Hann heldur, at støðið á oyggja­ leikunum minnir nógv um tað til DM – eitt sindur veikari, men við betri breidd. Framtíðin Hetta eru fyrstu leikirnir, har Før­ oyar ongan kastara hava við, men sambært Halli Holm, so gongur neyvan long tíð áðrenn Føroyar aftur hava upp til fleiri kastarar við aftur. 20 ungir føroyskir íðkarar fara sama dag sum oyggjaleikirnir enda til eina ungdómskapping í Göteborg, og har eru heili fimm ungar føroyskar gentur við í hamar-, kúlu- og spjótkasti. Tað er ikki óhugsandi, at hesar verða upp á tal á til oyggjaleikirnar í 2019. – Sæð í ljósinum av, at eingir kastarar eru við hesaferð, so er tað ein góð troyst at vita, sigur Hallur. Gongdin er annars púra greitt tann, at frælsur ítróttur í Føroyum vinnur fleiri og fleiri heiðursmerki á oyggjaleikunum. Árini 2005, 2007 og 2009 vórðu tilsamans tvey heiðursmerki vunnin, men seinastu tríggjar leikirnar eru ávikavist seks, átta og fimm – tilsamans 19 – heiðurs­merki vunnin. – Tað eru greiðar ábendingar um, at tað gongur rætta vegin, og har eigur Tórsbreyt ein stóran part av æruni, sigur Hallur Holm at enda. NÝTT OG GOTT GAMALT Tey flestu í hópinum eru nýggj og hava ongantíð verið á oyggjaleikum áður, men eisini onkur meira royndur er við, og vónirnar fyri at vinna heiðursmerkir í Gotlandi eru góðar Luttakarar Menn Rúni Jacobsen Jan Elmar Sørensen Tórur Mortensen Julian Gregersen Kvinnur Rebekka Fuglø Marna Egholm Elisabet Holm Simonsen Alda S. Lamhauge Margit Weihe Fríðmundsdóttir Oddvør Josephsen FRÆLSUR ÍTRÓTTUR