týsdagur 11. juli 2017síða 12

Mikudagur 12. juli 2017 · Nr. 80 12 Sosialurin Í dag lendi í Vágum­ eitt av størstu altjóða popp­nøvn­ un­um nakrantíð úr Dan­ mark. Heimskenda stjørnu­skot­ið MØ hevur ongantíð verið í Før­oyum fyrr, og hon ætlar sær ikki bara at flúgva skjótt inn og út. Hon gleðir seg tvørturímóti til at upp­liva føroysku oyggjarnar. Hesin áhugin er kanska ikki so løgin, tí útlendskir miðlar eru vorðn­ir meiri og meiri bergtiknir av G! Festivalinum. Og harvið eisini av Føroya landi. Fyri kortum kom G! Festivalurin sostatt inn á gitna listan hjá Condé Nast yvir tey 50 tingini, ið mugu upplivast, meðan tú enn ert á lívi.  Við sínum 160 milliónum brúk­ ar­um og mongu miðlapallum er Condé Nast – um ikki hitt størsta – so avgjørt eitt av heimsins størstu miðla­hús­um. At røkka so víða, utt­ an at talan er um dramatiskar mynd­ir av grindadrápi, er spenn­ andi fyri bæði Føroyar og G! Festi­ val­in. Ein fortreyt fyri hesum vaks­ andi áhuganum er tann, at G! – eins og føroyski maturin – er ein for­vitnislig blanding av feskum og røstum. Soleiðis verður eisini í ár, tá ið víðagitnir tónleikarar sum Kris Kristofferson og Alphaville fara á pall, og vit samstundis fáa møgu­leikan at uppliva eitt av størstu og feskastu nøvnunum, vit hava havt á festivalskrá í Før­ oy­um seinastu árini. MØ hevur spælt útseldar konsertir um all­an heimin og hevur vunnið at kalla alt, sum vinnast kann av heiðurs­ lønum í heimlandinum. Tó er hend­an stjørnan so mikið nýggj á himmalhvarvinum, at ikki øll mun­ nu vera heilt greið yvir, hvussu kend hon longu er vorðin. Hyggja vit at tølunum, tala tey tó greitt um hetta: videolagið “Lean On”, sum hon gjørdi saman við Major Lazer, er sæð heili 2 milliardir ferð­ ir á Youtube, meðan lagið “Final Song” er spælt 260 milliónir ferðir á streamingtænastuni Spotify. Úti í heimi eru fólk samd um, at MØ er eitt heilt serligt og máttmikið fyri­brigdi. Og tað er kanska hetta ser­liga sum ger, at MØ eisini er at finna á listanum hjá Melanie C (eisini rópt Sporty Spice) yvir tær fimm kvinnurnar við mest girl power. Mongu spentu fjeppararnir í Før­oy­um kunnu fegnast um, at MØ valdu at koma til Føroya longu í dag fyri at hyggja nærri at okkara landi. Tí tað er ikki óhugsandi, at onk­ur ber eyga við stjørnuskotið, áðrenn brakið hóskvøldið á ársins G! Festivali. Men um fjepparar vilja trygg­ja sær, at MØ verður veruleiki, held­ur enn ein teoretiskur møgu­ leiki, er kortini bara eitt at gera, og tað er at pakka taskuna og sleppa sær til Gøtu hósdagin. Útlit eru fyri, at MØ fer at gerast enn størri komandi tíðina. Fram­ førslan í Føroyum er partur av eini tón­leikarundferð í Evropa, og hon arbeið­ir eisini við næstu fløguni, sum kemur út seinni í ár. MØ spælir hóskvøldið 13. juli á Gøtusandi. MØ VIL SLEPPA AT UPPLIVA FØROYAR