týsdagur 11. juli 2017síða 26

Mikudagur 12. juli 2017 · Nr. 80 26 Sosialurin Hugskot og viðmerkingar – send sms til 225000 VÍKINGUR KANN SKRIVA SØGU Tróndur Arge Hóskvøldið fullu øll tey føroysku feløgini í Europa League. Nú standa bara Víkingarnir eftir. Teir vunnu søguliga stóran sigur í Kosovo, og eru tiltiknir fyri at kunna spæla avgerandi dystir. Uppgávan hesa ferð er væl størri, men hon er ikki ógjørlig. Mótstøðuliðið hesa ferð er FH úr Íslandi, ið hev­ur føroyska landsliðs­mál­verj­ an, Gunnar Niel­sen, í mál. Ís­ lendskur lands­liðs­fót­bóltur er fleiri stig framm­anfyri okkum, men tað er minni munur á landskappingunum. Íslendska kappingin er av­ gjørt betri enn okkara, men tað er ikki óhugsandi at Vík­ingur við einum góðum útgangsstøði, kann skriva føroyska fótbóltssøgu sum fyrsta liðið, ið vinnur seg í triðja umfar í Champions League. Stórir og sterkir Íslendskur fótbóltur er eyð­ kendur fyri kropsligt spæl. Ein tann størsti mun­urin á føroyskum og íslendsk­um spælarum er hvussu nógv verður lagt fyri í styrki­rúm­ inum. Íslandi er eis­ini til­ tikið fyri at menna spæl­ar­ar, sum blíva fulltíðar fót­bólts­ spæl­arar. Nakað føroyskur fótbóltur arbeiður nógv við í løtuni, men enn er langt á mál. Tí er eisini væntandi, at íslendsku spælararnir eru nakað betri fyri enn Víking­ ar­nir, men tað er ikki vist, at tað er nokk til at vinna upp­ gerðina. - Vit hava sæð tveir dyst­ ir hjá teimum. Teir eru stór­ir og sterkir og spæla við nógv­ ari kropsligari styrki, sigur Sámal Erik Hentze, venj­ari hjá Víkingi. Víkingur er saman við KÍ helst tey liðini í Før­oy­um, sum eru best fyri krops­liga. KÍ vísti sína styrki í heima­ dystinum móti AIK Stok­ holm, meðan fleiri av spæl­ ar­unum hjá Víkingi hava víst tað gjøgnum árini. Serliga verj­an sleppur at royna seg. - Teir spæla eina klass­ iska 4-4-2. Har teir hava ein stóran og ein minni áleyp­ara. So sparka teir upp á “target­ mannin” og arbeiða harfrá, sigur Sámal Erik Hentze, og leggur dent á, at talan er um kraftmiklan spælara. Spurningurin er so hvussu Vík­ingur ætlar at dekka upp fyri tí. Fróði við aftur Víkingur hevur Fróða Benja­ min­sen við aftur, meðan Filip Djordjevic hevur leikbann og Hans Pauli Samuelsen ikki er við vegna forfall. Filip Djordjevic hev­ ur verið fast­ur maður á vengr­unum, tí skal Sámal Erik Hentze til at flyta eitt sindur runt upp á liðið. Tað er nærliggjandi at hugsa, at Fróði Benjaminsen kemur inn á liðið aftur, men helst inn á miðvøllin. Ein møgu­leiki er at flyta Sølva Vatn­hamar út á annan vong­in, meðan Gunnar Vatn­ hamar spæl­ir á hinum vong­ inum. Hetta tykist tó ósann­líkt, tí Sølvi Vatn­hamar er týdn­ ingar­mik­ il saman­ set­ingina á mið­vøll­inum. Ein annar møgu­leiki er, at Sorin Anghel verð­ur flutt­ ur á vinstra vong­in, men kemur at hava ein heldur afturhaldandi leik­lut, með­ an Hanus Jacob­sen, sum er tann meiri fram­rættaði av bakkunum, kemur framvið. - Eg havi hugsað onkrar møgu­leikar. Tað er ein møgu­ leiki at flyta Sorin Anghel á vongin, men nú fáa vit at síggja, sigur Sámal Erik Hentze, sum leggur afturat, at Andreas Lava Olsen ikki er tøkur til at byrja inni, men møgu­liga sum innskiftari. So hevði liðið verið Elias Rasmussen í mál, Gert Han­ sen, Atli Gregersen, Er­ling Jacobsen og Hanus Jacob­sen i verjuni, Hans Jørg­en Djur­ huus, Fróði Benja­min­sen og Sølvi Vatn­hamar á miðjuni, Sorin Anghel og Gunnar Vatn­hamar á vengrunum, með­an Adeshina Lawal er í álopin­um. Uppgerðin skal vinnast á Tórsvølli Tað tykist púra greitt, at upp­gávan hjá Víkingi er at halda tætt í Íslandi. – Gunnar Nielsen og FH eru favorittar. Ongin ivi um tað, sigur Atli Gregersen, liðskipari hjá Vík­ingi. Hann letur ongan iva verða um, at íslendsku meist­ararnir eru favorittar. Tað kemur væntandi eisini at síggjast í dystinum í kvøld. Er tað nakað føroyskt lið, sum hevur profilin og roynd­irar til at knúgva FH, so er tað Víkingur. Liðið tel­ ur fleiri núverandi lands­ liðs­spælarar, fleiri sum hava verið um landsliðið og spæl­arar, sum høvdu havt um­boðað Føroyar, um teir høvdu føroyskt pass. Liðið hev­ur fleiri ferðir fyrr víst, at tað er í stand til at fáa stig á útivølli í Evropa. Knúgvar Víkingur FH, er talan helst um eitt tað størsta avrikið hjá einum før­ oysk­um liðið í Evropa. trondur@sosialurin.fo Champions League: Víkingur skal í kvøld spæla móti íslendska meistaraliðnum, FH, í fyrra dystinum í 2. umfari í innleiðandi Champions League kappingini. Málið í Íslandi er uttan iva at fáa eitt gott útgangsstøðið. Millum annað at halda málið reint Mynd: Álvur Haraldsen