hósdagur 13. juli 2017síða 2

Í blaðnum... Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin Avgreiðsla: mán - frí kl. 08.00 - 16.00 Útgevari: Sp/f Sosialurin Uppseting: Sosialurin Fíggjarmálaráðið sigur, at miðjað verður í móti at senda almenninginum kunning um niðurstøðuna í skattamálinum í komandi viku. Seinastu mánaðirnar hevur Bárður Larsen, løgfrøðingur, gjøgnumgingið skattamálið hjá Eik. Hansara fremsta uppgáva var at kanna, um Taks handfór málið á rættan hátt. Somuleiðis hevur hann kannað, um Eik banki - nú Betri Banki - kunnaðu skattamyndugleikarnar á ein nøktandi hátt, tá ið biðið var um skattafrádrátt á 90 milliónir krónur.  Fíggjarmálaráðið, Taks og Betri Samtakið vita, hvat stendur í frágreiðingini hjá Bárði Larsen. Tað eru sostatt nøkur fólk, sum hava innlit í, um Bárður Larsen mælir til at senda málið víðari til fútan ella ikki.  Betri Banki skal eftir ætlan lata Fíggjarmálaráðnum sína viðmerkingar í dag. Hósdagin kunnu gjørdi Betri samtakið, at stjóri Súni Schwartz Jacobsen hevði sagt seg úr starvi. 14. JULI 2017 Seinastu tíðina hevur føðideildin á Landssjúkrahúsinum verið í andglettinum. Bæði tí at stríð er um bygnað og leiðslu á deildini, og tí stórur partur av ljósmøðrunum hava verið sjúkrameldaðar. Onkursvegna hanga hesi viðurskifti saman, tí vánaligar arbeiðsumstøður og arbeiðsklima kunnu gera fólk strongd og sjúk, og so býtur tað seg sjálvt í halan, tí tá ið nógv starvsfólk eru burtur, verða arbeiðsumstøðurnar vánaligar hjá teimum, sum eftir eru. Stríðið á føðideildini er gamalt – sigst verða umleið 12 ára gamalt – og hevur í longri tíð órógvað arbeiðsumstøður á deildini. Í ár hevur støðan verið heilt kritisk, tí stórur partur av ljósmøðrunum hava verið burtur frá arbeiði. Aktuella stríðið bygdi á eina avgerð hjá leiðsluni á Landssjúkrahúsinum um at gera nýggjan bygnað fyri føðideildina, tí hildið varð, at gamli bygnaðurin var ikki nóg góður. Hetta setti av álvara eld í krúttunnuna, sum sprongdist upp í andlitið á leiðsluni. Her er líkt til, at leiðslan ikki hevur tikið eina nóg væl umhugsaða avgerð, tá ið avleiðingarnar av henni verða so álvarsamar og hava við sær, at avgerðin verður broytt aftur. Stríðið á føðideildini er eisini ein ósemja millum fakbólkar – millum ljósmøður og sjúkrarøktarfrøðingar. Vit hava áður sæð líknandi stríð millum fakbólkar á Landssjúkrahúsinum, og tað hevur meira enn einaferð verið við til at seta sjúkrahúsið í ringt ljós. Ljósmøðurnar hava ført fram, at arbeiðsumstøðurnar á Landssjúkrahúsinum hava verið ótolandi. Stjórin hevur sagt, at støðan hevur verið óhaldbar. Og nú hava sjúkrarøktarfrøðingarnir hug at siga, at arbeiðsumstøðurnar eru ótolandi. Men fyrst og fremst er støðan ótolandi fyri føroyskar barnakonur og føroyska samfelagið, og nú má verða nóg mikið við hesum stríði. Nú mugu partarnir seta seg saman og finna ein haldbara loysn. Tað ber heilt einfalt ikki til, at hetta stríðið skal halda fram, og nú mugu fakbólkar, starvsfólk og leiðsla vísa ábyrgd mótvegis barnakonunum. Takið tykkum saman og finnið ein varðandi loysn, har føroyskar barnakonur eru í miðdeplinum! Finnið nú eina loysn Oddagrein Eirikur Lindenskov blaðstjóri Niðurstøðan almenn týsdagin SKATTAMÁLIÐ BARBARA 20 ÁR - Fólk fingu 500 krónur um dagin fyri at vera statistar í filminum, so hetta var ikki nakað, fólk blivu rík av. Fólk vildu fegin sleppa at siga, at tey vóru við til at gera filmin Barbara, tað var løn nokk, sigur Nils Malmros, nú hann bjóðar øllum statistum og hjálparfólkum til endurfrumsýning av Barbaru í Havnar Bio 28. septembur. 28. septembur eru 20 ár liðin, síðani filmurin Barbara eftir Nils Malmros hevði frumsýning. Væl umtókti filmurin, bygdur á skaldsøguna hjá Jørgen-Frantz Jacobsen. 19.000 føroyingar sóu filmin, og í Danmark sóu yvir 400.000 fólk filmin. Nú eru so beint yvir 20 ár síðani, at filmurin byrjaði at seta dám á Føroyar. Nógvir føroyingar tóku lut í upptøkunum og millum annað verður ein tøkk send til teir 362 statistarnar í enda-rulluni á filminum. Umframt statistarnar vóru eisini nógv onnur hjálparfólk. Ikki færri enn 150 føroyingar vóru við og dansaðu føroyskan dans, tá Fransafestin bleiv tikin upp í Keypmannahavn. Nú hevur Nordisk Film avgjørt, at bjóða øllum statistunum, hjálparfólkunum, og øðrum við, at síggja filmin aftur í heyst.  – Tíverri má eg siga, at tað er avmarkað pláss í Havnar Bio og tí verður ikki pláss fyri øllum statistunum. Tí verður tað “først til mølle,” sum man sigur, sigur Nils Malmros, sum í hesum døgum vitjar í Føroyum fyri 37. ferð. Malmros bjóðar statistum í biograf Les eisini blaðið á telefonini Vit ganga bara og sløkkja eldar Katrin Rubek Nielsen Samrøða síða 12-13 Vóni at eg kann vera góð fyrimynd Manuel James Delgado Samrøða síða 6-8 Nú má verða nóg mikið við stríði á føðideildini Leikstjórin Niels Malmros bjóðar føroyingum í biograf