mánadagur 31. juli 2017síða 16

Mánadagur 31. juli 2017 · Nr. 87 16 Sosialurin Hugskot og viðmerkingar – send sms til 225000 Jóannes Hansen Víkingur liggur uppaftur betri á FM kósini, enn meistararnir gjør­ du undan ólavsøkuumfarinum. Í Trong­is­vági var avrikið pro­fessio­ nelt og støðugt. -Vit vunnu 3-0, og tað gekk so­leið­is, sum vit høvdu roknað við. Tað ráddi um at vera tættir í verjupartinum, tí vit vistu, at heima­liðið fór at leggja fyri við nógvari ferð og stórum trýsti. So­leið­is varð tað, og vit skoraðu undan steðginum tvey mál, sum góvu okkum frið, sigur miðvallarin Heð­in Hansen hjá Víkingi. Heðin er fluttur aftur í Víking eftir nakrar mánaðir í HB. Hann skor­aði fyrsta málið, tá ið tað rest­aðu tíggju minuttir av fyrra hálv­leiki, og lítla løtu undan steðginum økti Sølvi Vatnhamar. Í báðum før­um átti væl upplagdi Hans Pauli Samuel­sen næstsíðsta fótin á bólti­num. -Í steðginum tosaðu vit um at halda fram, sum vit høvdu gjørt. Vit vistu, at Suðringarnir fóru at leggja fyri við nógvari ferð, og at tað aftur ráddi um hjá okkum at vera tættir í verjuni. Vit vóru væl skip­aðir, og alt varð avgjørt, tá ið Adeshina Lawal økti til 3-0, sigur Heðin Hansen. Triðja málið varð skorað eftir langa framlegging frá Atla Greger­ sen. Fagnaður og lætti í HB leguni Eftir vónbrot oman á vónbrot og soltna úrtøku higartil í ár reisti HB seg úr øskuni sum fuglurin føniks sjálvan ólavsøkudag, tá ið tað eydnaðist at vinna 2-1 á KÍ. Tapið ber við sær, at KÍ nú er trý stig aftanfyri Víking og bara tvey stig frammanfyri NSÍ. Merkis­vert er tað, at klaksvíkingar í fýra teimum síðstu umførunum hava tapt tvær ferðir, og at tað báðu ferð­irnar hevur verið ímóti havnar­feløg­ unum. HB er aftur á fimta plássi. Veteran­urin Símun Samuelsen var ein av mongu HB spælarunum, sum vístu góðan hugburð, og hann fegn­ ast um kærkomna sigurin. -Tað líkar øllum væl uttan teim­ um í HB, tá ið HB tapir. HB er meiri enn úrslitini í 2017, og vit eru fegn­ir um, at tað nú eydnaðist at venda gongdini. Vit arbeiddu nógv fyri tí, og eftir at Øssur Dalbúð javn­aði, tá ið ein hálvur tími var farin, varð spælið meiri javnt. Eftir hvíld­ina løgdu vit betri fyri, og tað var ikki óuppi­borið, tá ið Adrian Justinus­ sen umsetti innleggið frá Ára Mohr Jónsson til 2-1, heldur Símun Samuelsen. -Eg veit ikki, um klaksvíkingar vóru nøgdir við javnleikin. Teir lógu í hvussu so er longri afturi fyrsta korterið eftir steðgin, enn teir høvdu gjørt. Tá ið vit høvdu skorað, royndu teir at spenna álopsbogan alt meiri. Vit vistu, at teir eru vanda­miklir í deyðbóltsstøðum, og at teir eru vandamiklir í sambandi við innlegg, men vit vóru væl skip­ aðir, og Teitur var stinnur í brots­ teigi­num. Klaksvíkingar vóru øgiliga vón­brotnir frammanfyri stóru áskoðara­fjøldini – ein stórur partur var úr Klaksvík og Norðoyggjum. -Vit mugu ásanna, at HB spælar­ ar­nir vóru raskir. Um teir halda fram soleiðis, so fara at teir at taka stig frá fleiri, sum vit kappast við. Fyrstu løtuna vóru vit greitt omaná, og vit høvdu møguleikar at skora fleiri mál enn tað, sum Páll A. Klettskarð skoraði eftir innlegg úr vinstru frá Ísaki Simonsen. Tað gekk javnt fyri seg, men í løt­ um megnaðu vit ikki nóg væl at spæla okkum úr pressinum, og tað vóru smáir marginalir, sum vóru av­gerandi, tí síðstu løtuna høvdu vit fleiri góðar møguleikar, heldur KÍ liðformaðurin Jonas Flindt Rasmussen. NSÍ vinnur 10-0 í fimm dagar Tað sær framvegis út til, at 60 ára føðingardagsárið kann verða minnis­ríkt hjá NSÍ. Um ein lítlan mánað verður steypafinalan ímóti B36, og eftir ólavsøkuumfarið er NSÍ nærri silvur­ krón­unum enn und­an hesum um­ fari­num. Nú eru tað tvey stig fram til KÍ. Øll málini í 3-0 sigrinum í Fugla­ firði vórðu skorað undan steðgi­num. ÍF helt tørn, inntil fyrri hálv­leik­ur var hálvrunnin. So skræd­ naði, og øll trý málini vórðu skor­að eftir langar framleggingar. Klæ­mint A. Olsen heilfluktaði eftir fram­legg­ing, sum Pól Jóhannus Justinus­sen við høvdinum snittaði víðari, Jann Benjaminsen økti til 2-0, eftir at Jan Ó. Ellingsgaard úr vinstru hevði lagt tvørtur um til Árna Frederiksberg, sum legði flatt innfyri aftur, og Pól Jóhannus Justinussen stútaði til 3-0, eftir at Per Langgaard hevði lagt langt og høgt í brotsteigin. Tølini siga, at NSÍ maskinan er væl smurd. Tað endaði 7-0 í Sørvági næst­síðsta sunnudag og nú 3-0 í Fugla­firði ella tilsaman seks stig og 10-0 í fimm dagar. Tað er ikki so galið! Hjá ÍF sær ikki væl út. Um lív skal verða fuglfirðingum lagað í bestu deildini, so skulu teir sann­ líkt í ellivu teimum seinastu um­ før­unum vinna ellivu stig fleiri enn Skála. Burtur úr sekstan teim­um fyrstu umførunum hevur ÍF vunn­ ið seks stig. Skála misti aftur á stokkinum Tvær tær síðstu ferðirnar hevur tað kenst snópisligt hjá Skála. Í Gunda­dali næstsíðsta sunnudag varð 1-0 leiðsla í evstu løtu vend til 2-1 tap ímóti B36, og hóskvøldið glapp 1-0 sigurin Skála av hondum í evstu løtu. Við rimmar skoti úr 25 metrum sendi vongverjin í høgru Ari Olsen Skála framum. Hetta var síðsta spark­ið í fyrra hálvleiki. Skála helt tørn, inntil tað bara restaði ein lítil løta. Tá javnaði inn­ skifti Arnbjørn Hansen við fín­um fluktara, eftir at innskifti Arnar Dam sera snilt við frísparki hevði lyft bóltin upp um Skála mann­ garðin. EB/Streyma trýstið fyri at javna var langt og stórt, og tað var um reppið, at tað eydnaðist EB/Streymi at fara við øllum, tí eftir útjavnandi málið var trýstið framvegis stórt á heimamálið á Skála, sum kortini slapp við skrekkinum. Nú verður tað avgerandi 07 Vestur fór ólavsøkuaftan úr Gundadali við 2-0 tapi ímóti B36, sum skoraði bæði málini í fyrra hálv­leiki. -Eg eri ikki so illa nøgdur við hug­burðin og arbeiðsavrikið. B36 eigur eitt gott lið, og tað verða fleiri enn vit, sum fara at tapa ímóti teim­um í Gundadali. Nú snýr tað seg um dystirnar ímóti Skála og EB/Streymi. Vit eru seks stig frá bjarg­ingini, og tað er alneyðugt Effo-deildin: Ólavsøkan var góð fyri B36 og HB, sum gjørdi av við klaksvíkingar, ið nú eru tvey stig frammanfyri NSÍ, sum vann tryggan sigur í Fuglafirði VÍKINGARNIR RÍÐA Á ALDUKAMBINUM FÓTBÓLTUR