mánadagur 21. august 2017síða 20

Mánadagur 21. august 2017 · Nr. 96 20 Sosialurin Hugskot og viðmerkingar – send sms til 225000 FÓTBÓLTUR PÁPI ÍMÓTI SONI Tá ið Tórður Thomsen varð rikin av vølli við reyðum korti smáar fimm minuttir fyri leiklok, var tað tann 17 ára gamli Rói Mørk Hentze, ið loysti hann av í málinum. Rói er sonur venjaran hjá Víkingi, Sámal Erik Hentze. Hetta er ikki fyrstuferð teir hittast á vøllinum, tí tann 13. apríl í ár var Rói við til at varpa pápa sín og hansara menn úr fjórðingsfinaluni í steypakappingini við einum 1-0-sigri. Risarnir í føroyskum fótbólti borðreiddu við góðum undirhaldi í heldur serligari 4-2-málveitslu, har trý brotsspørk, eitt reytt kort og eitt umspark settu síni merki í dystin. B36 misti bæði leiðsluna og høvdið, meðan Víkingur fór avstað við trimum týðandi stigum Pætur Albinus Tað vóru tvey av stinnastu liðunum í føroyska fót­ bóltslandslagnum seinastu trý árini, nevniliga Víkingur og B36, sum brustu saman í Sarpu­gerði í gjár. Umframt tað, so var hetta eitt aktuelt odda­brak, har B36 sum ein sov­andi risi nú aftur var rakn­aður við væl hjálpt av sjey sigrum á rað. Víkingur, hinvegin, var uttan sigur í tveimum dyst­ um og var um at tveita leiðslu­na í Effodeildini fyri borð. Teir í Víkingi trívast væl við at trýst er á – tað hava teir prógvað bæði í Ev­ ropa og í steypakappingini – og roynda liðið megnaði eisini við einum gløggum av­ riki og stórari kynismu at fáa ein 4-2-sigur í hús. Umspark Tað vóru nakrar umstríddar støð­ur í dystinum, og tann fyrsta mundi vera tá ið Vík­ ingur fekk brotsspark og møgu­leikan at javna til 1-1. Tórð­ur Thomsen bjargaði brots­sparkinum meistarliga, men hjálpardómarin gav ljóð frá sær og vildi hava, at brots­sparkið skuldi takast um­aftur. Hjálpardómarin metti, at Tórður var farin av strikuni áðr­enn brotssparkið varð tik­ið. B36-venjarin, Jákup á Borg, er ikki heilt samdur við, at brotssparkið skuldi takast av nýggjum. - Vit hava sæð hatta á sjón­bandi, og eg haldi, at hatta hevði ógvuliga lítið upp á seg. Í 90% av førunum gera málverjar hatta, og eg haldi ikki, at Lars Müller yvir­ høvur umhugsaði at døma umspark. Hatta kann sjálv­ andi dømast, og eg haldi, at hjálpar­dómarin vildi sleppa at døma tað, sigur hann. Sinnalagið fór avstað við tí týðiliga uppøsta Tórði Thomsen, sum fýra minutt­ir fyri leiklok varð rik­in av vølli eftir at hann var í horna­tøk­ um við Sølva Vatn­ham­ar hjá Víkingi. Hjálpardómarin, sum Tórður Thomsen longu var óklár­ur við frammanundan, ivaðist ikki og gav dómara­ num boð um at vísa B36-mál­ verjanum reyða kortið. Jákup á Borg hevur ikki hug at verja atburðin hjá Tórði Thomsen. - Eingin veit tað betur enn Tórður sjálvur. Hann er ein rutineraður maður, men hatta var sera óheppið og tápuligt. Hann er totalt í kjallara­num, segði Jákup á Borg eftir dystin. Á facebook hevur Tórð­ur Thom­sen biðið B36-fjeppar­ ar­nar um umbering fyri sín at­burð, men hann metir ikki, at tað, ið hann gjørdi, hevði nógv upp á seg. - Men tá tað er sagt, so skulu tit vita, at eg havi ikki slig­ið ella albogað nakran í dag. Eg vóni, at Sølvi traðkar fram og er erligur um hvat veruliga hendi. Tí tað hevði sera lítið uppá seg, skrivar Tórð­ur sjálvur. Dagsins maður Heldur merkisvert er tað í leikarametingunum hesa­ ferð, at dagsins maður varð inn­skiftur. Filip Djordjevic byrj­aði nevniliga á bonki­ num, men 12 minuttir inn í sein­na hálvleik varð hann sett­ur á vøllin, og hann var í stóran mun einsamallur við til at venda dystinum á høvd­ið. Hann hevði bæði orku og ferð í sær, tá ið hann kom inn og stóð andlit til andlits við ein heldur óroyndan og meiri troyttan B36-bakk, og hesa støðuna gagnnýtti hann til fulnar. Hann var av­bjóðandi, hugskotsríkur og ískaldur. Hann var heilin aftan­fyri tvey mál og var týdning­armesti leikarin hjá Víkingi, og harav eisini dag­ sins leikari. Hjá B36 er hesaferð ein, ið dettur heilt niður á eitt 2-tal. Tað er høvuðsmaðurin hendan dystin, Tórður Thom­sen, sum fekk bein­ leið­is reytt kort eftir ein tví­ dyst við Sølva Vatnhamar. At B36 framvegis var væl við í dystinum og royndi eft­ir at fáa eitt útjavnandi 3-3-mál var sín søga, men at hann – sum tann royndi pro­filur hann er – kom sær í eina støðu, sum nú kostar hon­um eina lívsuppliving í steypafinaluni leygar­kvøld­ ið, er nærum ófyrigeviligt og sæst aftur á karakterinum. Tórður var tó ertað­ur av einari heldur um­strídd­ari av­gerð hjá hjálpar­dómara­ num, sum sambært hon­ um sjálvum ikki hevði nógv upp á seg, so tað havt í huga – umframt onkr­ar góðar bjargingar og brots­ sparksbjargingina – slepp­ur hann undan at fáa botn­karakter. Góð reklama Jákup á Borg helt annars, at B36 hevði gott tamarhald á dystinum, tá ið teir vóru á odda bæði 1-0 og 2-1. - Tað eru persónligir feilir, sum loyva teimum inn aftur í dyst­in. Vit vóru als ikki undir trýs­ti. Eins og vit vinna sum eitt lið, so tapa vit eisini sum eitt lið. Burtur­sæð frá persónligu feil­un­um, so havi eg nógv gott, ið eg kann taka við til steypa­finaluna leygardagin, sigur Jákup á Borg um sigur­in. Mótstøðumaður hansara, Víkinga-liðskiparin Atli Greger­sen, var sum vera man øðrvísi fegin eftir dystin. - Hetta er sjálvsagt ein fantastisk kensla. Ein góðveðursdag í Sarpugerði, og sum altíð fult av B36- áskoð­arum. Tvey góð lið, in­ ten­si­tetur, fríspørk, drama­ tikk­ur og góð mál. Eg rokni við, at áskoðararnir fingu eitt sindur fyri pengarnar. Sjálv­andi er onnur helvtin glaðari enn hin, men hetta var ein deilig reklama fyri før­oyskan fótbólt, helt hann fyri. albinus@sosialurin.fo Fótbóltur Dysturin hesa vikuna... Rumbul kostaði B36: VÍKINGUR VAR BARA TAÐ GLØGGARI