mánadagur 28. august 2017síða 13

13 Mánadagur 6. januar 2014 · Nr. 2 Sosialurin Mánadagur 28. august 2017 · Nr. 99 Hugskot og viðmerkingar – send sms til 225000 STUTTSØGD Pætur Albinus FÓTBÓLTUR Hallur Hansson var á vøll­ inum aftur fyri fyrstu ferð í 10 vikur, tá ið hann og lið­felagarnir í gjár vóru á vitjan hjá Brøndby. Tað gjørdist til eitt 2-0-tap, men góðu tíðindini fyri føroyska lands­liðsleikaran vóru, at hann nú aftur slapp á vøllin. Hann varð innskiftur í 67. minutti, tá ið Brøndby júst hevði lagt seg á odda 1-0. Hall­ur Hansson er tó ikki í góð­um dystarformi enn og er upprunaliga ikki við í føroyska landsliðshópinum, sum nú setir kósina til Portu­ gal og sunnudagin fær vitjan av Andorra. Allar súðir eru tó ikki syftar enn, tí Lars Olsen, landsliðsvenjari, ynskir hóast alt at fáa hann við, og nú manglar einans grønt ljós frá AC Horsens. Viljormur Davidsen og teir úr Vejle liggja nú sera væl fyri í næstbestu donsku deildini, har teir eftir fyrstu seks dystirnar hava 16 stig og eru fimm stig frammanfyri nummar tvey. Í gjár bleiv tað til ein 2-1-sigur á heimavølli ímóti FC Roskilde. Viljormur Davidsen spældi allan dystin á vinstra bakki. Vendsyssel FF, sum í kvøld spælir ímóti Viborg, kann tó minka um munin niður í tvey stig. Finnur Justinussen og Heini Vatnsdal vóru báðir við í hópinum hjá Fremad Amager, sum í gjár vann 3-2 á útivølli ímóti Fredericia. Teir byrjaðu tó báðir á bonk­ inum. Finnur slapp ikki inn og hevur trupult við at fáa spælitíð, nú fyrrverandi danski landsliðsáleyparin, Morten Nordstrand, er kom­ in til felagið. Heini slapp hin­ vegin inn á vøllin seinastu 11 minuttirnar, tá ið Fremad Amager hevði tørv á at binda um og verja 3-2-leiðsluna. Tað eydnaðist, og nú lyfti Fremad Amager seg upp um niðurflytingarstrikina. Teir hava seks stig fyri seks dystir. Gunnar Nielsen var á vitjan hjá gomlu liðfeløg­ unum í Stjørnuni, tá ið hann og liðfelagarnir úr FH í gjár dystaðust ímóti teimum í bestu íslendsku deildini. Bæði liðini høvdu tørv á teim­um trimum stigunum fyri at halda eitt rímiligt samband við oddaliðið, Val, men hetta eydnaðist hvørg­ um teirra, tí at dysturin endaði við 1-1-javnleiki. FH, sum er verandi meistari, er nummar trý, heili 12 stig aftanfyri Val og fimm stig aftanfyri Stjørnuna. Gunnar Nielsen var sum vera man í málinum allan dystin hjá FH, sum nú fyribils veitrar honum farvæl, tí hann fer á landsliðsuppgávur við før­ oyska landsliðnum fram til fyrst í septembur. Eisini hinir føroyingarnir í íslendsku deildini, Kaj Leo í Bartalsstovu og Jónas Tór Næs í ÍBV, umframt René Shaki Joensen í Grinda­vík, vóru við frá byrjan hjá lið­ um sínum hetta viku­skift­ ið. Føroyingarnir á Vest­ mannaoyggjunum høvdu vitjan av oddaliðnum, Vali, sum fór avstað við einum 3-2-sigri. Kaj Leo átti næstseinasta fótin á 3-2-málinum. René og teir úr Grindavík fingu 2-2-javnleik ímóti KR. René mátti lata seg útskifta í 32. minutti við skaða. Grindavík er nummar fýra, ájavnt í stigum við FH, meðan ÍBV er undir niður­ flytingarstrikuni, nevniliga nummar 11 við 16 stigum, ið er trý stig frá bjargingini. BADMINTON Danski Viktor Axelsen kann nú kalla seg heimsmeistara. 23 ára gamli Axelsen hevði spælt seg í HM-finaluna í Glasgow, har hann í gjár spældi ímóti fimmfaldaða heimsmeistaranum úr Kina, Lin Dan. Axelsen var aftanfyri ímóti endanum av fyrsta setti, men hann fekk vent tí og vann tað at enda 22-20. Í øðrum setti var eingin ivi, tí Viktor Axelsen var greitt omaná og tryggjaði sær HM-gullið við 21-16. Viktor Axelsen, sum er úr Odense og er nummar trý í heiminum, er fyrsti danski maðurin at vinna HM-gull í einmansleiki síðani Pet­ er Rasmussen vann tað fyri 20 árum síðani. Tann HM-kappingin var eisini í Glasgow. FORMIL 1 Grand Prix-kappkoyring hevur verið í Belgia hetta vikuskiftið. Bretski Lewis Hamilton (Mercedes) vann stutt frammanfyri týska Sebastian Vettel (Ferrari), sum tó framvegis er á odda í samlaðu kappingini. Vettel er á odda við 220 stigum, meðan Hamilton hevur 213 stig. Finski Valtteri Bottas (Mercedes) er á triðja plássi við 179 stigum. Næsta Grand Prix-kappkoyring verður koyrd í Italia um eina viku. SKJÓTING FM í skeet hevur verið um vikuskiftið. Leygardagin varð kappast á breytini hjá Sunda Byrsufelagi (SBF), og sunnudagin varð kappast í Sandvíkum á breytini hjá veiðifelagnum Byrsumúla (VBM). Fyrra kappingardagin varð seinasta umfarið í liðkappingini skotið, og í samlaðu kappingini gjørdist úrslitið tað, at SBF A vann liðkappingina við 35 stigum. Nummar tvey gjørdist SBF B við 29 stigum, og nummar trý gjørdist VBM A við 26 stigum. Sunnudagin vórðu FM-vinnararnir hjá einstaklingum funnir, og har gjørdist støðan hendan. Nummar eitt: Sámal Debes úr SBF við 111 + 43+2 dúgvum. Nummar tvey: Tórur Fløtt úr SBF við 110 + 43+1 dúgvum. Nummar trý: Jóhann Fløtt úr SBF við 98 + 34 dúgvum. SÚKKLING Eingin megnaði at súkkla aftaná, tá ið Chris Froome í gjár vann 9. teinin í stóru súkklukappingini, Vuelta a España, ið verður súkklað í Spania í hesum døgum. Hetta var fyrsti sigurin á einum teini hjá honum í ár, hóast hann fyrr í summar vann samlaðu kappingina í Tour de France. Hann er væl ávegis at gera tann fyrsti, ið vinnur Tour de France og Vuelta a España sama ár. Hann er í løtuni 36 sekund frammanfyri Esteban Chavez (Orica-Scott) í samlaðu kappingini. albinus@sosialurin.fo Føroyski landsliðsleikarin, Hallur Hansson, bleiv innskiftur á Brøndby Stadion. Hetta var fyrsti dystur hansara í útivið tríggjar mánaðir HALLUR AFTUR Á VØLLINUM