mánadagur 4. september 2017síða 38

VIKA 36 • 4. SEPTEMBER 2017 14 ÓKEYPIS LÝSINGARBLAÐ TEMA: VÁGAR Hallur av Rana N ú summarið er fari at halla nærkast eisini endin av summarlegunum hjá Zarepta í 2017. Síðsta legan í summarskránni hjá Zarepta er heystlegan, ið er í døgunum 6. til 11. oktober, men longu leygardagin 14. oktober er aftur eitt stórt tiltak á skránni í leguhúsinum á Vatnsoyrum. 2. juli 1967 er nevniliga hálv øld síðan, at leguhúsið av fyrstan tíð varð tikin í nýtslu, og síðan hava túsundtals av føroyingum brúkt ein part av síni summarferiu í barnavinarliga um­ hvørvinum í Vatnsoyrum. Tað verður hátíðarhildið 14. oktober, tá bjóðað verður til opið hús í leguhúsinum, har ymiskt verður á skránni 1440 leguluttakarar Bygningurin, ið stóð klárur fyri 50 árum síðan, rúmaði 70 børnum, men skjótt gjørdist greitt, at tørvurin var nógv størri, og eru fleiri bygningar bygdir síðan tá. Jens Bech, ið er partur av dag­ ligu leiðsluni í leguhúsinum, upplýsir fyri Viku­ blaðum, at tað í dag eru umleið 4.000 fólk, ið gera nýtslu av húsinum hvørt summar. – Frá tí, at summarlegurnar byrja síðst í juni til tær enda í oktober, eru tað vanliga eini 1.440 luttakarar á legunum, og við hjálparfólkum, eru tað eini 4.000 fólk, ið brúka húsið hvørt summar, sigur Jens Bech. Seinastu árini hevur verið arbeitt við at byggja ein nýggjan bygning, ið skal bøta um um­støðurnar á Zarepta. Í fjør varð nýggi bygn­ ingurin tikin í nýtslu, tá nýggj gentukømur blivu tikin í brúk, umframt at nýggjar skrivstovur og felagshølir stóðu klár. Bygningurin er tó ikki heilt liðugur, men verða ymisk hølir tikin í brúk so hvørt sum tey eru liðug, og í ár kundu leguluttakarar á fyrsta sinni brúka nýggju høllina. – Í ár hava vit fingið spælihøllina aftrat, og tað, ið hartil hoyrir. Tað vil siga, at fleiri brúsirúm og vesir eru komin aftrat. Høllin er komin væl við, serliga tá veðrið ikki er av tí besta, tí nú ber til at skipa fyri fleiri tiltøkum innandura, sigur Jens Bech. Sláturhús og café í einum TEMA: VÁGAR Í Gásadalsgarðinum verður lagt eftir at bjóða ferðafólkum føroyskt framleiddar vørur Hallur av Rana Í vár læt eitt forvitnisligt tilboð upp í Gásadali, tá hjúnini Katrin og Pól Fagraklett saman við vaksnu børnum teirra Jóhann, Gunnvá og Pauli Fagraklett lótu dyrnar upp til fyrstu matstovuna og café'ina í bygdini. Nýggja staðið fekk heitið Gásadalsgarðurin. Tað serliga við nýggju hølunum er, at um­ framt at virka sum matstova og café, so er tað eisini eitt góðkent sláturvirki, sum um heystið verður brúkt til slakt. Við Vikublaðið sigur Jóhann Fagraklett, at talan er um eina roynd at tvinna landbúnaðin við ferðavinnuna. – So at siga allir bøndur í Føroyum siga, at tað loysir seg ikki at vera bóndi. Vit hava ikki nógv­an seyð, men nógv ferðafólk koma til Gása­ dals, so vit hugsaðu at vit kundu gagnnýta tey, sigur Jóhann Fagraklett. Somu krøv Upprunaliga var ætlanin einans at byggja eina garasju at fletta í, men eftir at hava tosað við Heilsufrøðiliga Starvsstovuni endaði tað við, at eitt sláturvirkið bleiv bygt. – Tað gevur tó lítla meining at hava ein bygning, ið einans kann brúkast tveir mánaðir um árið, so tá vit fingu at vita, at tað ikki eru stór­vegis munur millum krøvini til matstovu­virk­ semi og sláturvirkið, so fingu vit bæði í lag, sigur Jóhann Fagraklett. Higartil hevur móttøkan verið heilt góð fyri nýggja staðnum í Gásadali, tó at gestirnir eru nakrir aðrir enn fyrst væntað. – Áðrenn vit lótu upp hugsaðu vit um øll tey útlendsku ferðafólkini og bussarnir, ið komu hendan vegin, men tað vísir seg, at tað slett ikki eru tey, ið koma á gátt. Í staðin eru tað føroyingar í fylla húsini. Tað eru vit bilsin av, sigur Jóhann Fagraklett. Føroysk framleiðsla Eigararnir hava lagt seg eftir, at tað sum selt verður í Gásadalsgarðinum skal vera føroysk fram­leiðsla, og vóna verður, at garðurin ein dag kann vera sjálvforsýnandi. – Vit servera smyrjibreyð við føroyskum viðskera sum kjøtpylsu, skerpikjøt, rullipylsu. Alt er føroyskt, og vit leggja okkum eftir, at tað skal vera frá garðinum sjálvum. Hugskotið er, at vit einaferð verða sjálvforsýnandi við øllum mati. Café'in stongir á hesum sinni 4. september, og letur ikki dyrnar upp aftur fyrr enn 1. apríl. Í oktober verða hølini nevniliga brúkt til slakt, men tað verður framhaldandi møguligt at bí­ leggja hølini til veitslur, jólaborðhald og onnur tiltøk við heitum mati í september og tá liðugt er at slakta. Zarepta: Hálv øld við summarlegum Leguhúsið á Vatnsoyrum fyllir 50 ár í ár, og verður tað hátíðarhildið í oktober