týsdagur 5. september 2017síða 14

Mikudagur 6. september 2017 · Nr. 103 14 Sosialurin Hugskot og viðmerkingar – send sms til 225000 Tróndur Arge Síðani føroyskur fótbóltur fekk altjóða limaskap, hevur tað ongantíð eydnast at fáa átta stig í eini HM ella EM undankapping, fyrr enn nú. Vit hava eina ferð fingið sjey stig. Tað var HM 2002 undan­ kapp­ingin. Síðani hava vit tvær ferðir fingið seks stig. Hetta er eisini fyrstu ferð, at vit megna at fáa stig í fleiri enn trimum av dystum í eini undan­kapping. Tá vit so hugsa um, at tað eru tveir dystir eftir av hesi undan­kappingini – heima móti Lettlandi og úti móti Ungarn – so sigur tað ikki so lít­ið um hetta landsliðið. Her komu stigini Vit byrjaðu undan­kapp­ing­ ina við at spæla á Tórsvølli móti Ungarn. Vit vóru eisini í bólki saman við Ungarn í undanfaru undankapping. Tá taptu vit tepurt tvær ferð­ir. Tí var ein vón, um at fáa stig burturúr dystinum. Tað bleiv til ein málleysan javn­leik, sum í besta føri kundi verið ein sigur, men gestir­nir vóru eisini nær við at stjala øll stigini. Stóra løtan í bólka­spæli­ num var, tá vit í Lettlandi vun­nu 2-0. Tað var fyrsti sigur­in á útivølli í eini HM undan­kapp­ing síðani 2001, tá vit vunnu 2-0 á Luksemborg. Sonni Ragnar Nattestad og Jóan Símun Edmundsson skoraðu málini. Vit komu tó niður aftur á jørðina við ein­ um 6-0 tapi fyri Portugal. Síðani kom helst minst fagnaða stigið í føroyskari fót­ bóltssøgu, tá vit spældu mál­ leysan javnleik móti Andorra í mars mánaði. Vit fingu Jóan Símun Edmunds­son útvístan, men kundu alíka­ væl havt vunnið dystin. Eitt satt vónbrot, sum tó er mink­ að við tíðini, tí Andorra hev­ur síðani vunnið á Ungarn. Seinastu trý stigini komu til høldar, tá vit sunnudagin vun­nu 1-0 á Andorra. Ein illa spældur dystur, men vit standa eftir við stigunum og ikki minst metinum. Met fyri flest stig, stig í flest dyst­ um og flestar ferðir at eitt føroyskt landslið hevur hild­ ið málið reint í eini undan­ kapping. Bíða eftir “Øssur- løtuni” Frammanundan var metið til HM 2002 undankappingina, tá vit fingu sjey stig. Tá byrj­ aði undankappingin við at spæla 2-2 móti Slovenia á Tórs­vølli. Slovenia skoraði til 2-0 fýra minuttir fyri tíð, men Uni Arge minkaði um mun­in stutt seinni. Í tíðini, sum dómarin legði aftur­at, sendi Øssur Hansen eitt fríspark í málhornið til 2-2. Ein av teimum heilt stóru løtun­um á føroyska lands­lið­ num. Síðani vunnu vit 2-0 á úti­ vølli móti Luksemborg, har Christian Høgni Jacobsen og Kurt Mørkøre skoraðu, með­ an Todi Jónsson takkaði fyri seg veg afturvendandi skaða. Hann spældi seinni aftur á landsliðnum. Vit vunnu eisini heima­ dyst­in í oysandi regni á Svanga­skarði, tá Jens Krist­ ian Hansen sendi eitt brots­ spark, sum bleiv gjørt móti John Petersen, í málið. Sjey stig, men ikki longur met. Núverandi landsliðið hev­ ur ikki havt hasa “Øssur-løtu­ na”, men við dystum móti Lett­landi og Ungarn eft­ir, so er ein møguleiki fyri fleiri stigum og eini “Øssur-løtu”. Hava vunnið á hinum pinkutjóðunum Hetta er fjórðu ferð, at vit eru í bólki við øðrum so­ nevnd­um pinkutjóðum í fót­bólti. Til EM 1996 vóru vit bólki saman við San Marino. Tá vunnu vit fyrst 3-0 á Toft­ um og síðani 3-1 í San Marino. Undankappingina eftir eru vit í bólki við Malta. Aftur vinna vit báðar dystirnar, men tað stendur nógv á. Vit fáa ikki vinnandi málið fyrr enn í evstu løtu á Ta’ Qali leikvøllinum í Malta, með­ an vit á heimavølli koma í trupulleikar, tá vit við eini 2-0 leiðslu fáa ein mann útvíst­an. Malta skor­ar eftir­ fylgj­andi upp á brots­spark­ið, men vit halda út og vinna 2-1. Til HM 2002 undan­kapp­ ing­ina fáa vit so Luksemborg í okkara lut, og vinna aftur báð­ar dystirnar. Mangan verð­ur víst á vónbrotið við at tapa báðar dystirnar móti Kýp­ros í HM 1994 undan­ kapp­ingini, her kann argu­ menterast fyri, at Kýpros var ein pinkutjóð, men eftir­fylgj­ andi úrslitini vístu, at talan var um eina fót­bólts­tjóð í rúkandi menning. Eisini høvdu vit Kasak­ stan úr lægsta strykis­bólki­ num til HM 2014 undan­ kapp­ingina, men her er als ikki talan um eina pinku­tjóð - í hvørki stødd ella fót­bólts­ saman­hangi. Fleiri minnilig stig Føroyska landsliðið hevur fingið fleiri minnilig stig. Frá sigrinum í Landskrona móti Eysturríki í 1990 og javn­leikinum í Belfast móti Norðurírlandi, stórar javn­ leikir móti Skotlandi, Bosina- Herzegovina, Norðurírlandi, Eysturríki, Slovenia og Kýpros, umframt sigrar móti Estlandi, Litava og Lettlandi. Her er ein listi við øllum stigi­num, sum føroyska lands­liðið hevur fingið, síðani við tann 12. septembur 1990 bjóðaðu okkum fram á al­tjóða fótbóltspallinum. Vón­andi fáa vit fleiri góð­ar løtur við føroyska lands­lið­ num! trondur@sosialurin.fo FÓTBÓLTUR Sigurin á Andorra var ikki sannførandi, men hann var ein staðfesting av, at hetta landsliðið hevur fingið flest stig í eini undankapping. Dagsins landslið yvirhálar landsliðið, sum til HM 2002 undankappingina fekk sjey stig. Her er eitt yvirlit yvir øll stigini, sum føroyska fótbóltslandsliðið hevur fingið Landsliðssøgan: HER ERU ØLL