hósdagur 7. september 2017síða 2

Í blaðnum... Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin 8. september 2017 Nú eru bara Miðflokkurin og Sjálv­stýr­isflokkurin ímóti at samkynd kunnu giftast At tað broytist skjótt í politikki hava vit so mangan sannað. Tí er tað als einki løgið í tí, at Fólkaflokkurin spennir meira víða í málinum um at víga samkynd, enn vit higartil hava hildið. Meðan tað hjá borgarstjóranum í Havn var ein gleðisdagur, tá hon sum tann fyrsta slapp at víga samkynd, so er tað ein sorg­ardagur partamanni hennara, ídnasta fram­søgu­manninum hjá Fólkaflokkinum máli­num um at loyva samkyndum at giftast, Jógv­ani á Lakjuni í Fuglafirði. – Annika mátti tó kunnað latið vera og biðið onkran annan gjørt tað – fyrrenn ikki, bara fyri at víst eitt lítið sindur av virð­ing fyri okk­um øðrum í Fólkaflokkinum, sum hava barst ímóti hesum, og okkara tús­und­tals velj­ ar­um og so mongum øðrum, sum í dag gráta um, at hetta eisini skuldi henda í okk­ara elskaða, lítla, viðbrekna landi. – Eg skilji ikki, at Annika kann gera hetta – og taki frástøðu frá tí. Soleiðis skrivar Jógvan á Lakjuni í les­ara­ brævi, sum hann hevur sent Vága­porta­li­ num. Men í Havn eru fólkafloksfólk ikki long­ur ímóti, at samkynd skulu sleppa at gift­ast. Í øllum førum ikki oddafólkini í Fólka­flokki­ num við Anniku Olsen á odda: – Tað er ein gleðishátíð, tá tvey menniskju finna saman í kærleika, og tað var eins gleð­i­ligt í dag eins og hjá øllum hinum, segði Annika Olsen við útvarpið, eftir at hon fekk heiðurin at vera fyrsti borgarstjórin í Før­oy­ um at víga samkynd. – Tað var nakað serligt, og tað var gott at hoyra teirra søgu um teirra lív. Tað ger tað til nakað serligt, sum er gott, tá tað er ein serligur dagur sum í dag. Tað var ein ordiliga hátíðarlig løta, segði Annika Olsen. Men tá hon sum løgtingskvinna fyri Fólka­flokkin atkvøddi ímóti lógini um at loyva samkyndum at giftast, so var tað als ikki tí, at Annika Olsen er ímóti at samkynd gift­ast, sigur hon. Men hon var ímóti at órógva kirkjuna og samkomur við hesum máli, sigur hon. Vit kunnu bara staðfesta, at koyrt verð­ur við fullari ferð eftir víðagitnu glíði­breyt­ini. Annika Olsen hevur brotið ísin í Fólka­ flokki­num. Nú eru bara Miðflokkurin og Sjálvstýrisflokkurin, sum hava greiða støðu ímóti, at samkynd kunnu giftast í Føroyum. Í dag letur framsýning við verkum hjá Frits Jo­hannesen upp í Galerie Focus í Havn. Johan Hentze fer at blása horn, tá ið framsýningin letur upp. Frits Johannesen hevur arbeitt sum lærari í fólkaskúlanum og verið kórleiðari í mong ár. Hann hevur sýnt fram á máln­inga­fram­sýn­ing­ um síðan 1969 í Føroyum, Danmark, Norra og Svør­íki. Hann hevur listprýtt nógvar bygningar – eitt nú Mentanarhúsið í Fuglafirði. Bønhúsið á Hellu­num og Hvalvíkar skúla. Framsýningin við verkum hjá Frits Jo­hanne­sen í Galerie Focus er opin til 21. september. Við fullari ferð eftir glíðbreytini Frits í Fokus listaframsýning Les eisini blaðið á telefonini Grindin er eitrað... Tema síða 9-17 Nýskipan í tingið mánadagin tíðindi síða 20-21 Oddagrein Eirikur Lindenskov blaðstjóri Í hesum døgum er forkunnug framsýning í Smiðjuni í Lítluvík við slupp-málningum, sum gitni marinumálarin, skúgvoyingurin, Hans Skálagarð, hevur mála. Hans Skálagarð doyði í februarmánaði í ár, 93 ára gamal. Hann búði í USA alla sína tíð. Tað er familjan hjá Hans Skálagarð í Føroyum, sum skipar fyri framsýningini. Bróðir hansara, Hjartvard Skálagarð, sigur, at talan er ikki um eina søluframsýning, men endamálið er at vísa sluppir, sum Hans Skálagarð hevur málað. Á framsýningini eru 22 málningar av slupp­ um, sum familjan eigur, og nakrar sum tey hava lænt frá øðrum. Hans Skálagarð, sum búði í Kalifornia, var víðagitin listamálari, serliga kendur fyri at mála skip. Hans Skálagarð var ikki hvør sum helst. Gitna amerikanska »Classic Art Gall­ery«, sigur, at Hans Skálagarð av bestu um­mæl­ar­um í USA varð mettur sum ein »livandi leg­enda«. Áhugin at mála kom longu, tá hann flot­ aði holabátar í Skúvoy sum smádrongur, og gjøgn­um eitt langt lív á sjónum og sum ferð­andi um allan næm hann sær kunnleika, sum var heilt einastandandi á hansara øki. Skip­brot hevur hann yvirlivað ótrúliga fýra ferð­ir undir seks ára krígssigling. Amerikanskir ummælarar halda, at tað er ein sjáld­samur admirálur, sum ikki hevur list­arverk av Hans Skálagarð hangandi á onkr­um veggi. Verkstaður og gallarí hansara, »Skalagard's Square-Rigger« í Carmel í Kalifornia, var kent um stóran part av USA. Hans hevur havt listaframsýningar frá Singapore til Buenos Aires, í Japan, Italia og øðrum londum. Og hann hevur havt óteljandi framsýningar í US. M.a. hevur hann havt stórar sýningar í Legion of Honour í San Fransisco, Naval Post Graduate í Monterey í California, Los Angeles County Maritime Museum og Allen Knight Maritime Museum. Listaverk hansara hanga í stjórnar­bygn­ ing­um í Skandinavia, eins og Hvítu Húsini í Washington hava prýtt veggir sínar við maritimum málningum hjá Hans Skálagarð. Hans Skálagarð hevur fingið tann heiður at taka ímóti seks gullheiðurslønum, eini silvur, eini »Statue of Liberty«-heiðursløn, umframt at hann hevur vunnið sær heitið »Maestro« - allur heiðurin latin av italskum akademium. Ævisøgu hansara finnur tú bæði í amerikansku »Who's Who in American Art« og í »Who is Who in the World«. Framsýningin í Smiðjuni í Lítluvík letur sum sagt upp í dag klokkan 13 og er opin fram til 13. september frá klokkan 13-17. Sýna málningar hjá Hans Skálagarði í Smiðjuni