mánadagur 11. september 2017síða 36

VIKA 37 • 11. SEPTEMBER 2017 12 ÓKEYPIS LÝSINGARBLAÐ TEMA: SANDOY Skálavík er lokomotivið – Vit eru í fremstu røð, tá ræður um reint drekkivatn og góðkenda spillivatnsskipan. Vit hava góðkenda innaneftirlitsskipan, og alt tað kommunala koyrir við led-perum. Nú vilja vit eggja okkara borgarum til at ikki at brúka plastposar - og eisini at skifta sínar perur út við led, sigur Linjohn Christiansen, borgarstjóri Vilmund Jacobsen B orgarstjórin í Skálavíkar kommunu, Lin­ john Christiansen, stórfegnast um øll tey ferðafólk – bæði føroyingar og út­ lend­ingar – sum hava vitjað í bygdini í summar. Hann er eisini serstakliga væl nøgdur við, at tey, sum eiga summarhús í bygdini, eru so ófør at viðlíkahalda sínar ognir. – Eg vil siga tað soleiðis, at hesar ognir og tey fólk, sum eiga hesi hús, eru sonn blómutyssi fyri bygdina. Hetta er bæði galdandi fyri tey, sum hava bygt nýggj summarhús í Skálavík og fyri tey, sum hava yvirtikið gamlar sethúsaognir og sett tær í stand. Linjohn Christiansen sigur, at bæði føroyingar og útlendingar, sum koma til bygdar, fjálga og lívga um bygdarlívið. – Í summar hevur onkrar dagar næstan verið sum á ólavsøku í Skálavík. Tú hevur sæð ferða­fólk – ung sum gomul – dygst niðri við sjóvar­málan, í ánni, gangandi og rennandi eftir vegnum og haganum. Tað eru eisini tey, sum á ymiskan hátt hava luttikið í okkara felagslívi í bygdini. Øll hesi og mong onnur við teimum skulu vera so hjartaliga vælkomin í Skálavík. Reinast og flottast Borgarstjórin leggur ikki fingrarnar ímillum, tá hann sigur, at Skálavík er reinasta og flottasta bygd í Føroyum. – Hetta er helst eisini ein orsøkin til, at tey, sum velja at eiga summarhús í bygdini, gjarna vilja, at teirra ognir eru snøggar og vakrar. Men, Linjohn Christiansen hevur kortini eitt hjartasuff, og tað er til eitt fátal av sínum egnu borgarum. – Vit hava eini tvey ella trý skrímsl standandi mitt í bygdini, sum hond ikki verður tikin um, og tað er ógvuliga harmiligt. Tað eru ikki avbygda­ fólk, sum eiga hesar ognir, men fólk, sum búgva í Skálavík. Hesar ognir eru skemmandi í okkara annars so vøkru bygd og náttúru. Borgarstjórin vísir á, at slíkar ognir, sum hond ikki verður tikin um, eru afturvendandi trupul­leikar, tá illveður herjar. – Tað kann ikki vera rætt, at bjargingarlið og sløkkiliðsfólk, tá illveður og ódnir herja, aftur­vendandi skulu noyðast at gera viðlíka­halds­arbeiði fyri fólk, sum sjálvi ikki fáa í lag at gera tingini. Linjohn Christiansen sigur, at kommunan nú hevur boðað myndugleikunum frá, hvussu støðan er, og hvørja støðu kommunan hevur til hesi viðurskifti. Sera stórur áhugi Tað eru nú nøkur ár síðan, at Skálavíkar komm­ una legði út eitt summarhúsøki, har pláss var fyri seks summarhúsum. Fimm av hesum húsum eru bygd, og fundamentið er stoypt til tað seinasta í røðini. Borgarstjórin sigur, at hann kundi hugsað sær, at hetta sætta húsið nú kom undir land. – Áhugin fyri at byggja og eiga summarhús í Skálavík er sera stórur, men í løtuni eigur kommunan einki lendi til endamálið. Vit vilja helst, at eitt nýtt summarhúsøki ikki liggur burtur úr bygdini – men heldur ikki mitt í bygdini. Best egnaðu økini eru líka sum í kantinum av bygd­ini, har bygdin og náttúruumhvørvi renna saman. Í Skálavíkar kommunu eru tey farin at leita eftir einum nýggjum øki, har summarhús kunnu byggjast, men enn er eingin støða tikin í hes­ um sambandi. – Fólk, sum eiga summarhús í Skálavík, rinda einans 1500 krón­ ur um árið til komm­ ununa, og fyri hetta fáa tey fleiri tænastur, eitt nú kloakk, reint vatn, tøming av rottanga – og eisini kunnu tey sleppa av við rusk á ruskplássinum. Hesi eru tó ikki partur av innsavnanini av ruskposum hjá IRF, tí hetta er ein tænasta, sum er til tey, sum gjalda skatt í Skálavík, sigur hann. Í Skálavík eru níggju hús, sum beinleiðis eru bygd sum summarhús. Haraftrat eru umleið 20 eldri og gomul hús, sum fólk antin hava arvað ella keypt, harav tey allar flestu eru sett í besta stand og verða brúkt sum frítíðarhús. Men, í Skálavík snýr alt seg sjálvsagt ikki bara um frítíðarhús og nýtt summarhúsøki. Ryggurin og krumptappurin í bygdini er tað fólk, sum her býr – og fyri kommununa vónandi onnur, sum vilja seta búgv her. Linjohn Christiansen sigur, at kommunan í løtuni hevur sjey grundstykki, sum kunnu seljast til vanliga sethúsabygging. – Vit høvdu 12 grundstykki í seinastu út­ stykk­ingini, og fimm av hesum vórðu seld innan eitt ár. Nú hava vit so sjey grundstykki eftir og fólk, sum kundu hugsað sær at sett búgv í Skálavík, eru hjartaliga vælkomin at seta seg í sam­band við kommununa. Borgarstjórin vísir á, at tey, sum hava hug at kunna seg um ymisk viðurskifti í kommununi, kunnu fara inn á leinkjuna – http://alment. kort.fo/kort/skalavik.html – og her liggja neyvir upplýsingar um eitt nú um byggisamtykt, matriklar, adressur, vatnleiðingar, vatnsýn og kaðlar. Hin grøna bygdin Í Skálavík verður nógv gjørt fyri, at bygdin skal hava ein grønan profil. – Øll kommunal ljós eru skift til led, og hetta hevur merkt eina sparing í el-nýtsluni hjá kommununi á umleið 50 prosent, sum nýtslan er minkað. Linjohn Christiansen sigur, at næsta stigið, sum kommunan nú fer at taka, er, at mæla fólk til ikki at taka plastposar heim við, tá tey fara í handlarnar at keypa. Samstundis verður mælt fólki til at brúka led-perur. – Vit hava gjørt ein posa við vøkrum búmerki á og í hesum posa, sum í næstum verður borin í hvørt húski í kommununi, liggja eisini fýra led- perur. Ætlan okkara er, at fólk – heldur enn at taka plastposa heim við sær – keypa upp í posan, sum vit fara at lata húsarhaldini fáa. Á henda hátt vilja vit vísa á, at tað saktans ber til at lata plastposarnar liggja og ikki taka teir heim við. Borgarstjórin sigur, at hetta verður ein gáva til fólkið í grønu bygdini, Skálavík. – Okkara kommuna hevur verið lokomotivið í Føroyum, tá ræður um reint drekkivatn og góð­kenda spillivatnsskipan. Haraftrat hava vit góðkenda innaneftirlitsskipan. Alt tað komm­ unala koyrir við led-perum, og nú vilja vit eggja okkara borgarum til at sleppa sær av við plasti, eins og vit vilja eggja borgarunum til at skifta sínar perur út við led, sigur Linjohn Christiansen. vilmund@sosialurin.fo – Bæði føroyingar og útlendingar, sum koma til Skálavíkar, fjálga og lívga um bygdarlívið, og øll skulu vera hjartaliga vælkomin til bygdar, sigur Linjohn Christiansen, borgarstjóri Mynd: Vilmund Jacobsen