týsdagur 12. september 2017síða 4

Mikudagur 13. september 2017 · Nr. 106 4 Sosialurin Hugskot og viðmerkingar – send sms til 225000 Áki Bertholdsen – Tá ið vit tosaðu við ungfólk upp undir kommunuvalið í fjør, fingu vit fleiri ferðir at vita, at tey keða seg. Tað sigur Kristina Roest, býráðslimur á Tvøroyri. Hon heldur, at tað eigur ikki at vera so, at ungdóm­ urin mistrívist í kommununi, og tískil hevur Umhvørvis- og Trivnaðarnevndin, har Kristina Roest eisini er for­ kvinna, arbeitt við at seta eitt ungdómsráð á stovn á Tvøroyri. Og nú er ætlanin komin so langt, at eitt útkast er lagt fyri býráðið og har varð avgjørt, at arbeiðast skal víð­ari við málinum. Fyrsta stigið verður, at Ment­anarnevndin hjá býráð­ num fer at hava fund við skúl­an, og næmingaráðið í skúlanum, og tá fara tey eis­ ini at umrøða spurn­ingurin um at seta eitt ungdómsráð á stovn. Tað, sum kemur fram á tí fundinum, verður so tikið við í arbeiðnum víðari. Í mesta lagi fimm limir Hóast tað ikki er enda­liga staðfest, hvussu ungdóms­ ráð­ið verður skipað, sigur Kristina Roest, at tey hava hugsað, at talan skal vera um eitt við í mesta lagi fimm limum. Tey hugsa sær eisini, at ungdómsráðið skal umboða so stóra fjøld av teimum ungu, sum tilber og tí liggur tað í kortunum, at framhaldsdeildin í skúlanum velur onkur umboð í ráðið, og at miðnámsskúlanæmingar velja onkur umboð. Men spurningurin er, hvussu ungdómsráðið ann­ ars skal veljast. – Eitt uppskot hevur verið, at tey, sum ganga í Pakkhús 4, sum er ungdómshúsið á Tvøroyri, eisini velja onkur umboð. Men hinvegin eru tey, sum ganga í Pakkhúsið, mangan tey somu, sum eisini ganga í framhaldsdeild og í miðnámsskúla, staðfestir Kristina Roest. Og hon sigur, at hetta er nettupp ein av spurning­un­ um, sum endaliga greiða skal fáast á í næstum. Styrkja samstarvið Kristina Roest sigur, at endamálið við ungdómsráð­ num er at styrkja samstarvið ímillum tey ungu og býráðið Í hesum sambandi er ætlanin, at tey í ungdóms­ ráð­num skulu koma við hug­ skotum til býráðið at arbeiða við. Men endamálið er eisini, at býráðið kann ráðføra seg við ungdómsráðið, tá ið ar­ beitt verður við ymsum ætl­anum, sum hava við ung­ dóm­in at gera. Talan kann vera um mál um frítíðarítriv, lestrar­um­ hvørvið, lestrarbústaðir, fyri at nevna nøkur fá dømi. – Men endamálið er eisini at geva teimum ungu ábyrgd og at menna politiska, og sam­felagsliga tilvitið hjá teim­um ungu, sigur Kristina Roest. – Hóast vit fingu at vita frá ungum fólki, at tey keða seg, varð tað kortini ringt hjá teimum at seta akkurát orð, hvat tað er, sum manglar. Men tey føldu seg at vera í ein­um tómrúmi, tí tað eru ov fá tilboð til ungdómin á Tvør­oyri, sigur Kristina Roest. – Og tað er hetta tóm­ rúmið, vit skulu royna at fylla og tað skulu vit gera í einum samstarvi ímillum Bý­ráðið og ungdómsráðið, leggur hon afturat. TÍÐINDI Vilja hava ungdómin á Tvøroyri at trívast betur Ungfólk á Tvøroyri siga, at tey keða seg, og tað eiga vit at gera nakað við, sigur Kristina Roest, býráðslimur á Tvøroyri Umhugsa at stevna fútanum Áki Bertholdsen Tvøroyar Býráð ger nú eina seinastu roynd at fáa end­ urgjald fyri útreiðsl­urnar, kommunan hevði av at taka ein oljuleka upp á sjónum fyri fýra árum síðani. Og í hesum sambandi verð­ur eisini umhugsað at stevna fútan. Tað eru fýra ár síðani, at sjógvurin á sjónum við sam­ ferðsluhavnina á Drelnesi varð dálkaður av olju. Komm­ un­an hevur brúkt ein­ar 500.000 krónur upp á at taka oljuna upp aftur, og til aðrar útreiðslur í hesum sam­bandi, varð upplýst á bý­ráðs­fundi á Tvøroyri mána­kvøldið. Til fánýtis Síðani hevur kommunan roynt at fáa endurgjald fyri útreiðslurnar, men higartil hava allar royndir verið til fánýtis. Og tað geva tey kanning­ ar­arbeiðnum hjá løgregluni skylduna fyri. Talan var um tvey skip, sum kundu hava elvt til dálk­ingina, Smyril og eitt út­ lendskt farmaskip. Royndir vórðu tiknar av oljuni á skipunum, men tey í býráðnum á Tvøroyri siga, at løgreglan sendi teir ong­an­tíð til kanningar. Hinvegin siga tey, at langt aftan á fingu tey at vita, at tað var tí, at tað var ógreitt, hvør skuldi rinda rokningina fyri kann­ ingarnar. Og sum tíðin leið, vórðu royndirnar obrúkiligar, tí tær vórðu ov gamlar at verða kannaðar. Sostatt er gátan fram­veg­ is óloyst, og nú hevur løg­ frøðingurin hjá býráð­num staðfest, at tað loysir seg ikki at fara víðari við mál­inum, tí tað kann ikki prógv­ast, hvað­ ani oljan stavar. Men hann vísir sam­ stund­is á, at eftir hansara tykki, hevur løgreglan ikki út­int kanningararbeiðið á full­góðan hátt. Og nettupp hesi orðini hjá sakføraranum, leggja tey í býráðnum rættiliga stóran dent á, og á býráðsfundi á Tvøroyri í gjárkvøldið varð enntá nevnt at stevna fútan eftir eini hálvari millión. – Talan er um skatta­borg­ arans pengar, og tí er tað skeivt at gevast við roynd­ unum at fáa teir inn, er støðan í býráðnum. Men í fyrstu syftu hevur býráðið kortini samtykt at biðja um fund við fútan um málið, og so taka tey tað víðani haðani frá, sum tey málbóru seg. FYLLA TÓMRÚMIÐ Ung á Tvøroyri føla, at tey eru í einum tómrúmi, og tað skulu vit royna at fylla, sigur Kristina Roest, býráðslimur á Tvøroyri, og forkvinna í Umhvørvis- og Trivnaðarnevndini hjá býráðnum