týsdagur 26. september 2017síða 31

31 Mikudagur 29. mars 2017 · Nr. 38 Sosialurin Hugskot og viðmerkingar – send sms til 225000 Mikudagur 27. september 2017 · Nr. 112 Hósadagin verður stór fótbóltskapping á Tórsvølli undir heitinum “Sameindur fótbóltur”, sum er fyri fólk við menningartarni í sosialum samanhangi. Fyrrverandi fótbóltsspælarar hava saman við ÍSB, FSF og Parasport Føroyar lagt lunnar undir kappingina, sum er startskotið ein part av fótbóltinum, sum skal røkka enn longri út enn hann ger í dag Tróndur Arge Hósdagin klokkan 13.30 skipar Para­sport Føroyar, saman við Fót­ bóltssambandinum, fyri sameindari fótbóltskapping á Tórsvølli. Til­tak­ ið er partur av grassroots vikuni hjá Fótbóltssambandinum, har dent­ur verður lagdur á at skipa fyri fótbólti fyri øll. Hetta er aðru ferð, at FSF og Parasport skipa fyri slíkum tiltaki. Í 2015 var eisini skip­að fyri líknandi tiltaki, sum tó fevndi um minni. Sameindir ítróttir, sum á altjóða málið verður rópt “Unified sports”, er hugtak, sum Special Olympics hevur uppfunnið, har lagt verður upp til at fólk við menningartarni, íðka saman við fólki, sum ikki hava menningartarn. – Hugsjónin er, umframt at hava tað stuttligt og kappast í ítrótti, at leggja upp til størri inklusjón av fólki við menningartarni í sosialar samanhangir, og at økja um til­ vitsk­una um menningartarn, sigur Tróndur Ravnsfjall frá ÍSB. Málið er at hava regluligar venj­ ingar og møguliga fáa eitt lið við til Special Olympics World games, sum verða í Abu Dhabi í mars 2019. Málið er eisini at fáa fótbóltin at fevna um fleiri. Millum núverandi og fyrrverandi spælararnar, ið eru partur av Sameindum fótbólti, eru Páll Mohr Joensen og Rókur av Fløtum Jespersen. Fótbóltur fyri øll – Tað er ongin loyna, at Parasport ynskir at ítróttur fyri fólk, ið bera brek, í nógv størri mun fær pláss í vanligu ítróttarfeløgunum. Sameindur ítróttur kann verða ein háttur at byrja hesa tilgongdina, sigur Tróndur Ravnsfjall. Parasport hevur frammanundan fótbóltslandslið mannað við fólki við menningartarni, ið seinastu tveir vetrarnar hava vant í kvøld­ skúlunum í Havn og á Nesi. Tvey lið hava júst verið í Íslandi og lut­ tikið í innbodnari kapping við mill­um annað liði frá Isle of Man. Leiðarar vóru Edmund Jacobsen, pápi Edmundsson beiggjarnar, og fyrr­verandi landsliðsspælarin, Allan Mørkøre. – Vónin er, at hetta tiltakið skal verða startskotið til regluligar sam­ eindar fótbóltsvenjingar í vetur. Luttakararnir fáa møgulleika at tekna seg til fráboðanarskipanina hjá Parasport, soleiðis at tey kunnu fáa boð um, og luttaka í venjingum framyvir, sigur Tróndur Ravnsfjall. Parasport fer í næstum, saman við Havnar badmintonfelag, at skipa fyri badminton fyri fólk við menn­ingartarni, har møguleikin eisini verður fyri sameindum bad­ min­ton. Tey tiltøkini, eru eisini fyri fólk úr øðrum feløgum – og ókeypis. Sá ein tørv Ein av teimum, sum hevur byrt upp undir tiltakið er Páll Mohr Joensen. Hann er útlærdur lærari og hevur sína dagligu gongd millum børn við menningartarni. Saman við øðrum hevur hann lagt merki til, at fleiri av teimum ungu mangla eitt tilboð. – Vit ynskja at geva børnum og ungum, sum hava ymiskar avbjóðingar eitt stað og pláss, har tey kunnu venja og spæla skipaðan fótbólt. Nógv av teimum eru at síg­ gja í Gundadali, tá millum annað dystir og annað er á skránni, og tey fylgja væl við. Men tað er tíverri einki tilboð til hesi, og tað ynskja vit nú at broyta, sigur Páll Mohr Joen­sen. Tiltakið verður hósdagin klokkan 13.30 á Tórsvølli. trondur@sosialurin.fo FÓTBÓLTURIN SKAL FEVNA UM FLEIRI ÍTRÓTTUR Sameindur fótbóltur: Tiltakið »Sameindur fótbóltur« Tiltakið verður hósdagin klokkan 13.30 á Tórsvølli og er ókeypis. Øll eru vælkomin. – Fótbóltssambandið veit­ir útgerð, mat og drekka til til­takið, og vónandi ber til at fáa onkrar dómarar úr dómarafelagnum at døma. Kappingarnar verða skipaðar á einum fjórðingsvølli, har tað eru fimm á hvørjum liði. Tað skulu altíð verða minst ty fólk við menningartarni inni í senn á hvørjum liði. Tað hevði eisini verið stuttligt, um eisini fólk uttan menningartarn, sum hava áhuga í at venja og stuttleika sær møttu upp til tiltakið, sigur Tróndur Ravns­fjall. Kunning er á nýggju heimasíðuni, www. parasport.fo, og á facebook síðuni hjá Parasport Føroyar. Pall Mohr Joensen