týsdagur 26. september 2017síða 34

SEPTEMBER 2017 Lýsingablað frá Miðlahúsinum 2 HONDBÓLTUR 2017-2018 SOSIALURIN Hondbólturin í framgongd Tú situr nú við hondbóltsblaðnum hjá ÍtróttarSosialinum, sum í nógv ár hevur fylgt føroyskum hondbólti. Seinastu árini hevur føroyskur lands­ liðshondbóltur fingið nýtt lív, meðan góða venjingin í feløgunum og á ung­ dómslandsliðunum ger, at okkara ungu kunnu spæla hondbólt á høgum stigi uttanlands. Fyri nøkrum árum síðani, var tað nokk at fara ein túr út um vikuskiftið, fyri at fylgja við í hondbóltinum. Nú hava vit spælarar í Íslandi, Noreg og Danmark og vit hava fleiri landslið, ið ferðast kring allan knøttin at stríðast fyri Merkið. Tað krevur meiri av øllum, sum eru rundan um hondbóltin, tí alt hongur saman. Uttan áhugan er fígging einki, og uttan fígging slepst ikki av landinum. Uttan góðar kreftir í feløgunum blíva landsliðini ikki góð, og uttan landsliðini fánar motivatiónin úti í feløgunum. Vit í miðlunum hava eini eina ábyrgd at vísa hondbóltinum stóran ans, tí hann fyllur nógv í føroyska sam­ felagnum. Tað fara vit eisini at gera í ár. ÍtróttarSosialurin var við allan vegin í Algeria og tær ógloymandi løturnar gera, at áhugin fyri at fylgja hond­ bóltinum er stórur. Avbjóðingin í hesum kappingarárinum er hækka grundstøðið á føroyskum hondbólti, tí nú skulu spælararnir mennast til at taka lut í altjóða kapping. Fleiri profilar eru farnir av landinum hjá bæði monnum og kvinnum. Tí skulu nýggir spælarar traðka til, men tað er eisini hugaligt at síggja, at fleiri útisetar við nógv­um royndum eru aftur í føroysku kappingini. Nógv bendir á, at kappingin hjá kvinn­ um verður jøvn í ár. Seinastu árini hava Kyndil og Neistin verið einaráðandi, men nú er líkt til at bæði hava mist, meðan fleiri av hinum feløgunum eru í minsta lagi eins sterk, fyri ikki at siga sterkari. Hartil er H71 nýtt lið hjá kvinnum. Hjá monnunum er eisini frágongd hjá millum annað greipuvinnarunum og nýggir profilar skulu finnast. Fleiri av U21 landsliðsspælarunum eru farnir av landinum, so nú er klárt hjá nýggja árganginum at traðka til. Og so ein lítil heilsan til Team Klaksvík, sum í løtuni hevur vunnið tveir dystir. Tað er næstan sum at fáa eitt heilt nýtt lið í bestu deildina. Vónandi fáa vit eitt spennandi og hendingarík hondbóltskappingarár! Tróndur Arge, ítróttarredaktørur Lagt til rættis: Tróndur Arge Skrivað: Pætur Albinus, Neli Heldarskarð, André Olsen, Bárður Skorheim Guttesen og Terji Nielsen Lýsingar: Frida Mellemgaard og Terji Nielsen Grafiskt snið: Pætur Eyðunsson Jensen Umbróting: Sosialurin Myndir: Álvur Haraldsen Hondbóltsblaðið 2017/18 SOSIALURIN