týsdagur 26. september 2017síða 36

SEPTEMBER 2017 Lýsingablað frá Miðlahúsinum 4 HONDBÓLTUR 2017-2018 SOSIALURIN Sonni Larsen: Tað verður øðrvísi – men vónandi líka gott Tað eru nógvar broytingar á liðnum hjá H71, men venjarin vónar, at tað verður eins gott og í fjør, hóast tað verður øðrvísi. Eisini verður arbeitt við at deila uppgávur út í hópinum Tróndur Arge H71 er greipuvinnari og favorittur at vinna aftur í ár, men tað eru nógvar broytingar á liðnum, sum tó hevur fleiri vinnarar í hópinum. Peter Krogh, Helgi Hoydal og Jónas Gunnarson Djur­huus eru millum spælararnir, sum eru farnir av landinum at spæla, með­ an Mark Lausen-Marcher hevur funnið hond­bóltsskógvarnar aftur. – Vit hava sagt farvæl til nakrar spælarar, men hava fingið Mark Lausen-Marcher aftur. Vit hava eisini fingið fleiri spælarar upp frá U18 liðnum, sum hava verið rundan um hópin fyrr, sigur Sonni Larsen. Venjarin er ikki bangin fyri at seta liðnum krøv og høgar vónir, men hann ásannar eisini at tað verður eitt øðrvísi spæl í ár. Eitt er at Peter Krogh, ársins hondbóltsspælari, ikki er við. Hitt er at spælskiparin, Jónas G. Djurhuus og strikuspælarin, Helgi Hoydal, báðir eru farnir av landinum at í útbúgvingar og hondbóltsørindum. – Eg vænti tað verður eins gott og farna kappingarár, men tað verður øðrvísi, sigur Sonni Larsen. Ymiskar týpur á liðnum H71 hevur seinnu árini ment nógvar hond­bóltsspælarar og liðið hevur verið væl samanspælt. Sonni Larsen vænt­ar ikki at hetta kappingarárið ver­ið øðrvísi á tí økinum, men at lið­ið hevur møguleika at spæla við fleiri ymiskum týpum av spælarum. Spælarar sum eisini eru svangir eftir at vinna. – Spælarar sum Hans Kári Hansen, Sigmund Noslø, Sigmund Dahl, Pætur Thomsen, Andór Sivertsen og Rúni Vest Højgaard hava allir spælt og roynt at vunnið, men teir eru svangir eftir at sleppa at traðka fram, sigur Sonni Larsen, ið eisini hevur fingið gaml­ar kenningar við aftur í hópin. – Esbern Pætursson er komin aft­ ur, meðan Mark gevur okkum fleiri møgu­leikar. Hyggur tú at hópinum hjá okkum, so hava vit ymiskar týpur at velja í millum á fleiri plássum, sigur Sonni Larsen. Broytta verju Sonni Larsen stóð í summar á odda fyri U21 landsliðnum, sum var til Hm endaspælið í Algeria. Her spældi føroyska landsliðið í fleiri førum 3-2- 1 í verjuni, har Hilmar Leon Jakobsen stóð sum tann fremsti á miðjuni og órógvaði spælið hjá mótstøðuliðnum. – Tað er ikki óhugsandi, at vit koma at spæla við eini líknandi verju. Hilmar Leon Jakobsen prógvaði í Algeria, at hann kann spæla handan leiklutin, sigur Sonni Larsen, sum eisini heldur at kraftmikli hoyvíkingurin kann blíva enn betri í føroyskum hondbólti. Tað hevur verið áhugi fyri honum uttan­ lands, men fyribils spælir hann við H71. – Eg haldi at hann hevur evnini at fara víðari sum hondbóltsspælari, men eg haldi eisini at hann tolir at spæla í føroyskum hondbólti í eitt ár afturat og samstundis menna seg sum hondbóltsspælari, sigur venjarin hjá H71. Hópurin er stýrið Sonni Larsen er danskari og tað kann hann illa renna undan. Hann er væl skúlaður og skipaður, meðan tíðir skulu haldast. Hann hevur eisini tað fyri, at fáa liðini hjá sær at taka lut í plan­leggingini hjá liðnum. H71 hevur komandi ár eitt strýrið, sum hevur eitt verju-, álops-, klima-, integratión og eitt sosialmálaráð. Sonni Larsen sigur, at tað er fyri at fáa spælararnar at verða aktivar partar av avgerðunum, sum verða tiknar í hópinum. Millum annað hevur sosialmálaráðið til upp­ gávu, at skipa fyri einum tiltakið fyri allan hópin eina ferð um mánaðin. Verjumálaráðið skal koma við góðum ráðum til verjuspælið og so framvegis. Spurningurin er so, um tað verður nokk til at endurtaka greipuárið frá farna kappingarári? MÁLVERJAR Jens á Skipagøtu, Ári Dam, Jóhan Hofgaard, Elberg Elias Klettheyggj, Aleksandur Olsen ÚTILEIKARAR Bogi Gaard, Leivur Mortensen, Bergur Ákason, Pætur Thomsen, John Andor Sivertsen, Vilhelm Poulsen, Hans Kári Hansen, Eindri Frýdal, Mark Marcher, Esbern Patursson, Rani Højgaard, Andrias Gaard, Rúni Højgaard, Hilmar Leon Jakobsen, Boas Heinesen, Niklas Højgaard, Hørður í Geil, Oddur Bech, Djóni Gaard, Hallur Biskopstø, Rasmus Rosendahl, Sigmund Dahl, Sigmund Nolsø, Poul Símun Niclasen, Petur Dahl, Rasmus Jónsson, Tummas Thomsen Simonsen VENJARI Sonni D. V. Larsen