týsdagur 26. september 2017síða 40

SEPTEMBER 2017 Lýsingablað frá Miðlahúsinum 8 HONDBÓLTUR 2017-2018 SOSIALURIN Nýggi venjarin vil hava gull Nýggi venjarin hjá KÍF, Jóan Pauli Olsen, hevur púra greiðan málsetning um at lið hansara skal vinna føroyameistaraheitið í ár. - Eg eri venjari fyri at vinna. Tað tori eg væl at siga alment. Eg eri við fyri at vinna, og tað er líkamikið hvørjum vit spæla ímóti, sigur hann Pætur Albinus Nýggjur venjari Tað er ein gamal kenningur, sum nú stendur á odda fyri KÍF, eftir at høv­ uðs­venjarin undanfarnu árini, Jeppe Borch, er farin til Neistan. Nýggjur venj­ari hjá kollfirðingum er nevniliga fyrrverandi KÍF-spælarin, Jóan Pauli Olsen, sum gjørdi um seg hjá KÍF síðst í 80-unum og ein part av 90-unum. Jóan Pauli býr niðri, men hann er fyribils heima í Føroyum og arbeiðir í eitt ár. Hann ivaðist ikki, tá ið KÍF heitti á hann um at gerast venjari. – Nei, als ikki. Ikki tá ið tað er KÍF, sum liggur mær so nær, sigur Jóan Pauli. Hann er ikki útbúgvin venjari, men hann hevur hóast tað fitt av royndum sum venjari. Hann var spælandi venjari hjá KÍF í 2004/2005, og eitt skifti fyri trimum árum síðani, tá ið KÍF gjørdist før­oyameistari annað árið á rað, var hann hjálparvenjari hjá táverandi høv­ uðs­venjaranum, Eddie Joensen. Jóan Pauli hevur spælt hondbólt á rímiligum støði í Danmark við Aal­ borg KFUM, og hann hevur eisini venj­ araroyndir frá felagnum í Storvorde tætt við Aalborg, har hann hevur verið spælandi venjari. – Hondbólturin var alt hjá mær tann tíð tað var, sigur Jóan Pauli. Venja minni Nýggi venjarin hjá KÍF letur væl at fyrireikingunum til hetta kappingar­ árið. Hann er eisini venjari hjá næst­ besta liðnum, og hann sigur, at teir hava verið 20-25 og upp í 30 mans til venjingarnar undan kappingarárinum. Jóan Pauli sigur, at hann hevur valt at gera tað eitt sindur øðrvísi enn aðrir venjarar. – Vit hava gjørt tað soleiðis í ár, at vit venja tríggjar ferðir um vikuna. Vit venja styttri, men vit venja effektivari, sigur Jóan Pauli og vísir á, at tað í fjør vóru leikarar, sum ikki høvdu so góðan hug at spæla. – Tað er skjótt at koyra menn niður við høvdinum, um man hevur venjingar í tveir og ein hálvan tíma fleiri ferðir um vikuna umframt leikarafundir og dystir, sigur hann. – Menn hava jú eisini arbeiði og familju. Men teir, sum vilja venja meiri, eru vælkomnir at gera tað, og teir venja eisini sjálvir í venjingar­mið­ støð­um, vísir hann á. FM-gull Nýggi KÍF-venjarin sigur, at hann hev­ ur lagt seg eftir at leikararnir skulu vera í so góðari venjing sum gjørligt. – Vit hava koyrt hart á og vant nógva konditión. Mær dámar væl aggressivan hondbólt og at menninir orka væl, sigur Jóan Pauli og leggur afturat, at hansara menn eru betur fyri enn teir vóru í fjør. – Hondbóltur er ein liðítróttur, og hóast eg eisini gangi høgt upp í individualistar, so skal tað rigga sum ein eind. Ein má geva seg 100% fyri liðið. Eisini tá ið tað gongur illa, tí tá ið man vinnur, so er tað ongin, ið tosar um moral. Tá er hann bara har, sigur Jóan Pauli og peikar á, at hann heldur tað vera týdningarmikið at ganga væl um fólkið í hópinum – tað, sum danir kalla 'mandskabspleje'. KÍF endaði í fjør á fjórða plássi, og Jóan Pauli ynskir ikki einans, at teir gera tað betri í ár enn í fjør – nei, hann vil allan vegin upp á tindin og vinna FM. – Eg eri venjari fyri at vinna. Tað tori eg væl at siga alment. Eg eri við fyri at vinna, og tað er líkamikið hvørjum vit spæla ímóti. Eg havi sagt við menninar, at vit spæla fyri FM- gullið. Vit brúka ikki so nógva tíð upp á hetta fyri ikki at vilja vinna, sigur Jóan Pauli Olsen og leggur afturat: - Sjálvandi trúgva vit upp á gullið. Um eg segði annað, so hevði eg logið. MÁLVERJAR Jaspur við Garð, Emil Dam, Nils Lykke og Ragnar Gaard ÚTILEIKARAR: Rúni Joensen, Poul Finnur Egholm, Hans Eli Sigurbjørnsson, Magnus Müller, Ási Dam, Rógvi Weyhe, Andrias Nielsen, Teitur Joensen, Janus Jakobsen, Jákup Trygvason, John Rúnason Nielsen, Atli Lamhauge Hammer, Suni Johannesen, Vilhelm Magnussen, Kristjan Madsen og Karstin Dánjalsson í Húsinum VENJARI Jóan Pauli Olsen