týsdagur 26. september 2017síða 42

SEPTEMBER 2017 Lýsingablað frá Miðlahúsinum 10 HONDBÓLTUR 2017-2018 SOSIALURIN Fyritreytirnar hjá Kyndli eru nógv broyttar Í Kyndli er tað komið illa við, at felagið beint fyri kappingar­ byrjan hevur mist tveir leikarar sum skuldu spæla týðandi leiklut á liðnum í ár. Høgni Klein Olsen viðurkennir at tað hevur broytt fyritreytirnar hjá kyndlamonnum nógv, og at tað nú ræður um at byggja upp av nýggjum Fyri tey flestu hava menninir hjá Kyndli verið spáddir sum stóri FM-favoritt­ urin í FTZ-kappingini til hetta kapp­ ingar­árið. Serliga hevur favoritt leik­ luturin verið bygdur á, at felagið hevur fingið fleiri leikarar heim aftur á liðið, sum hava verið uttanlands í lestrar­ ørindum, umframt at tveir vinstra­hentir profilar skuldu styrkja um liðið. Men fyritreytirnar hjá kyndla­monn­um broytt­ ust brádliga stutt fyri kapp­ingarbyrjan. Tá varð greitt at báðir teir vinstrahentu profilarnir – føroyski landsliðsleikarin, Kjartan Johansen, og serbiski Milan Zegarac, hvørgin vera partur av liðnum hjá Kyndli hetta kappingarárið. Mugu byggja upp av nýggjum Høgni Klein Olsen, ið er ein av berandi kreftunum á liðnum hjá Kyndli, sigur, at hetta hevur broytt fyritreytirnar hjá Kyndli, sum annars hava fyrireikað seg væl í alt summar til kappingarárið. – Í uppstartinum hava vit havt serb­iskan høgrabakk við, umframt Kjart­an Johansen, ið báðir hava verið vinstrahentir. Men beint fyri kapp­ ingarbyrjan gjørdist greitt, at hvørgin av teimum verður partur av liðnum í ár. Hetta hevur við sær, at vit nú – eftir at kappingin er farin í gongd, mugu royna at byggja upp av nýggjum, og tað kemur at taka tíð, sigur Høgni Klein Olsen. Lagt størri dent á fysiska partin Í Kyndli hava teir í summar ser­liga fyrireika seg væl fysiskt til kapp­ing­ina. Á odda fyri tí hevur Andreas F. Han­sen staðið, sum eftir ársskifti kom afturat Julian Johansen rundanum venjara­ toymið hjá Kyndli. Høgni Klein Olsen viðgongur, at nakað er broytt rundanum liðið, síðani Andreas F. Hansen er komin afturat venjara­toyminum. – Andreas F. Hansen kom afturat venjaratoyminum stutt eftir ársskifti, og tá nýtt fólk kemur inn, verða sum oftast nakrar broytingar framdar. Síðani Andreas F. Hansen er komin inn, hevur nógv størri dentur verið lagd­ur á tann fysiska partin á liðnum, og tað hava vit arbeitt víðari við í summar. Harafturat hava fleiri leikarar eisini verið nógv upptiknir í summar í lands­liðsørindum, so vit hava í øllum førum fyrireika okkum væl til komandi kappingarár, sigur Høgni Klein Olsen. Allir eru uppvaksnir í felagnum Í mun til hópin hjá Kyndli í fjør, eru nógvar broytingar framdar á liðnum í summar. Aftaná at felagið hevur mist Kjartan Johansen og Milan Zegarac, ið upprunaliga skuldu styrkja um liðið, er sermerkt við hópinum hjá Kyndli, at nærum allir leikararnir eru uppvaksnir í felagnum. – Tað hevur verið stór útskifting í summar. Fleiri leikarar hava skift felag, aðrir eru givnir, meðan David Edvardsen er fluttur til Danmarkar í lestrarørindum. Tó hava vit fingið styrk á nærum øllum plássunum eisini. John í Innistovu er komin til fe­lagið. Hann hevur havt steðg frá hond­bóltinum í eina tíð, meðan Rani Ellings­gaard, Rókur Akralíð og Lars L. Black allir eru fluttir heim aftur, eftir at teir hava verið uttanlands í lestrar­ørindum. So liðið í ár er bert mannað av føroyskum leikarum, har so at siga allir hava fingið sín hond­ bólts­uppvøkstur í Kyndli, sigur Høgni Klein Olsen. Varin við málsetninginum Høgni Klein Olsen er varin við at melda út um málsetning fyri kapp­ ingarárið, av tí at fyritreytirnar hjá Kyndli hava verið broyttar stutt áðr­ enn kappingarbyrjan. – Tað er torført at snakka um mál­ setning beint nú. Vit byggja í løtuni upp av nýggjum, og tað er nakað sum kemur at taka tíð. Tó hava vit ein góðan hóp, og hava fyrireika okkum væl, so eg trúgvi uppá eitt gott kapp­ inga­rár, sigur Høgni Klein Olsen at enda. MÁLVERJAR Jan Pauli Toft Johannesen, Lars Black og Tórður Guttesen ÚTILEIKARAR Høgni Klein Olsen, Rani Ellingsgaard, Ólavur Av Fløtum Reginsson, Jákup Jørgensen, Tummas Pauli Hanusarsson, Bjarni Rasmussen, Jóni Guttesen, Bartal Klein Olsen, Hjalti Mohr Jacobsen, Rói Lamhauge, Magnus Durhuus, John í Innistovu, Tróndur Wardum, Torvald Abrahamsen, Rógvi Dal Christiansen, Rókur Akralíð, Jóhan Petur Hentze og Rógvi Johansen VENJARAR Julian Johansen og Andreas F. Hansen