hósdagur 28. september 2017síða 38

VINNUBLAÐIÐ HJÁ MIÐLAHÚSINUM 14 September 2017 1 Eyðfinn Reyðberg Tað koyrir bara hjá føroysku bila­ søl­unum, bæði skjótt, væl og uttan trupulleikar yvirhøvur. Avlop er yvir alla linjuna hjá øllum, og hetta er nakað ein saktans kann venja seg við, tí soleiðis hevur tað verið nú í mong ár, og har enntá hvørt árið er betri enn tað undanfarna. Tað eru í dag átta føroyskar bila­ sølur. Bert tvær teirra standa einsa­ mallar, meðan hinar seks eru saman við einari aðrari bilasølu, og hava somu høvuðseigarar. Sostatt er talan um fimm høvuðseigarar av hesum átta føroysku bilasølunum. Waag & Co P/f og Berg Motors Sp/f eru undir hvør sínum eigara, meðan Reyni – Service P/f og Auto Service P/f eru dóttirfeløg hjá sama eigara, Wenzel P/f og Bilasølan P/f hava sama høvuðseigara og Norðbil Sp/f og Nordcar Sp/f hava sama høvuðseigara. Næstan 50 milljónir í avlopi Í 2016 høvdu bilasølurnar tilsamans meir enn 45 milljónir krónur í avlopi áðrenn skatt. Úrslitini lógu úr einari milljón krónur hjá tí lakastu upp í heilar 12 milljónir krónur hjá tí bilasøluni, ið forvann mest í 2016. Í meðal høvdu tær átta føroysku bilasølurnar 5,7 milljónir krónur í av­ lopi í 2016 móti 4,2 milljónir krónur í avlopi í 2015. Samlaða úrslitið áðrenn skatt í 2016 var heili 34 prosent betri enn árið frammanundan. Í 2015 var eisini met, tá var úr­ slitið heili 60 prosent betri enn í 2014. Soleiðis hevur verður støð­ ug framgongd síðan 2009, tá bila­ sølurnar høvdu eitt samlað hall uppá 13,6 milljónir krónur. Hyggja vit eftir úrslitunum fyri eitt longri tíðarskeið síggja vit, at før­oysku bilasølurnar hava havt ein rættuliga drúgvan upptúr við vaksandi avlopi seinastu sjey árini, har avlopið er vorið betri ár undan ári. METSTÓRUR VINNINGUR OG BESTA AVLOPIÐ NAKRANTÍÐ Í SØGUNI HJÁ FØROYSKU BILASØLUNUM ER ÚRSLITIÐ NÚ ROKNSKAPARTØLINI FYRI 2016 FYRILIGGJA. VERÐUR AVLOPIÐ SETT Í MUN TIL SELDAR PERSÓNBILAR, SO GEVUR HVØR SELDUR PERSÓNBILUR 23.000 KRÓNUR Í AVLOPI Á BOTNLINJUNA HJÁ BILASØLUNUM BILASØLUR: Næstan 50 milljónir í avlopi: Gull og góðir dagar hjá føroysku bilasølunum Waag & Co. er tann bilasølan, ið hevur havt nógv tey bestu úrslitini seinastu nógvu árini. Framhald á síðu 16