mánadagur 23. oktober 2017síða 18

Mánadagur 23. oktober 2017 · Nr. 123 18 Sosialurin Hugskot og viðmerkingar – send sms til 225000 FÓTBÓLTUR Jóannes Hansen Punktum er sett fyri 2017 kapp­ ingina. Víkingur er meistari, KÍ vann silvur, B36 bronsu, og NSÍ end­aði á fjórða plássi og hevur við sigri í steypakappingini fyri næstan tveim­um mánaðum síðani tryggjað sær pláss í europeisku kappingini næsta summar. KÍ vann 3-1 á heimavølli ímóti NSÍ. Sigurin varð vunnin við somu tølum, sum KÍ næstsíðsta sunnu­dag vann á útivølli ímóti B36. Harvið var endaspurturin hjá klaks­víkingum framúr góður. KÍ hevur ikki tapt í tíggju dystum, og tvey tey seinastu umførini mink­ aði fjarstøðan fram til Víking úr fimm stigum og til bara at vera mál­munurin. Á ársveitsluni í Klaksvík leygar­ kvøldið fegnaðust tey um góðu úr­ tøkuna. Tað hevur ongantíð síðani 2005, tá ið kappingin varð víðkað at fevna um 27 umfør, verið so tætt mill­um tvey tey fremstu, sum tað var í ár. Tá ið talan bara er um málmun, so eru tað løtur og støður, sum teir í Klaksvík eiga at iðra seg um. Um Víkingur hevði verið pressaður at vinna stig leygardagin, so kann tað gott vera, at úrslitið í Sarpugerði ímóti framúr væl upplagda EB/ Steymi hevði verið øðrvísi. Men í Klaksvík nýtast teir bara at leita aftur til teir tríggjar mál­leysu javnleikirnar undan 3-1 sigrunum ímóti NSÍ og B36 fyri at minna seg á støður, sum kundu havt borið sigur við sær. Fram ímóti dystar­enda í Trongisvági vóru bæði Albert Adu og Jóannes Bjartalíð í góð­um støðum, men tað endaði 0-0, og ímóti HB kendist tað sum um, at KÍ á heimavølli ikki hevði hug til síðstu løtuna veruliga at spenna álops­bogan í roynd at skora og har­ við at vinna øll stigini. -Tá ið vit hugsa 27 dystir aftur, so ber væl til at finna løtur og støður, tá ið vit kundu havt vunnið við fleiri málum og harvið endað við betri málmuni og støðum, tá ið vit í evstu løtu mistu stig, sigur KÍ liðformaðurin Jonas Flindt Ras­ mussen, sum leygardagin var fyri síðstu ferð – i hvussu so er í hesum um­farinum – á KÍ liðnum. Hann flytur nú aftur til Danmarkar. Albert Adu setti hol á úr stuttari fjar­støðu, og NSÍ málverjin, Símun Rógvi Hansen, sum leingi hevur verið skaddur, var óheppin, tá ið hann umvegis krovið á Páll A. Klett­skarð sendi bóltin í sítt egna mál. Tá ið Árni Frederiksberg við frí­sparki úr stórari fjarstøðu og undan nógva vindinum minkaði um munin, var annars tryggi KÍ mál­verjin ikki so sannførandi, og so var tað Jóannes Bjartalíð, sum stað­ festi KÍ sigurin, sum bar við sær, at KÍ fór av vøllinum fyri tíggjundu ferð við úrtøku – fimm sigrar og fimm javnleikir. -Sigurin í steypakappingini bjarg­ar 60 ára haldinum hjá okkum, sigur Arnfinn Langgaard, formaður í NSÍ. Fagnaður í Vágum Longu undan fyrsta bríksli í Fugla­ firði leygar­dagin var tað greitt, at 07 Vestur eisini í 2018 verð­ur í bestu deild­ ini. Hetta er fyrsta ferðin yvir­høvur, at 07 Vestur slepp­ur undan niður­flyting, og hetta er fyrsta ferðin yvirhøvur, síðani skipanin við, at tvey tey niðastu flyta bein­leiðis niður kom í lag, at tað bara er ein niðurflytari, tí tað bara er eitt lið, sum megnaði at kvalifisera seg at flyta upp. Í Fuglafirði fagnaðu teir í 07 Vest­ur rættinum at halda fram í fremstu røð við at vinna 5-1. Holgar Durhuus skoraði tvey tey síðstu málini, og útlendingarnir Søren B. Nielsen og Pål Fjelde og so Martin Tausen skoraðu hvør sítt. 07 Vestur endaði við 28 stigum og harvið bara eitt stig frá áttanda plássi­num. Tað er ongantíð komið fyri áður, at liðið á níggjunda plássi hevur vunnið so nógv stig, sum 07 Vestur vann í ár. -Hetta hevur øgiligan týdning fyri okkum. Liðið hevur verið støðugt, og vit síggja góðar menn­ ing­ar­møguleikar. Tað er greitt, at álopsspælarin Ken Fagerberg heldur fram, og vit vóna, at tað fer at eydnast at varðveita hinar út­lendsku spælararnar. Nú tað er greitt, at vit halda fram í fremstu røð, fara vit at fyrireika næsta kappingar­ár, sigur 07 Vestur formaðurin Jim Sonni Guttesen. Síðsta málið fyri ÍF í fremstu røð á hesum sinni skoraði Dánjal á Lakjuni, sum minkaði um munin til 1-2. Fugl­firð­ingar venda nú eyguni burtur frá hes­um kapp­ingar­ árinum, ið var stórt vónbrot: -Vit fara niður at venda, vit fara at menna ungdómsdeildina, og vit vóna, at tað fer at eydnast at halda uppá fólkið. So fáa vit at síggja, um tað røkkur til uppflyting. Um tað ikki ger tað, so taka vit tvey ár í næst­bestu deildini, sigur nýggi ÍF for­maðurin Dan Petersen. HB situr við Svartaper Tað endar sum oftast javnt, tá ið HB og B36 hittast. Soleiðis var tað eisini leygardagin. 1-1 og B36 endaði á bronsuplássi og við rætti at spæla í Eu­ropa næsta summar. HB endaði Effo-deildin: Fyri fyrstu ferð í søguni hjá kappingini við 27 umførum verður tað bara eitt lið, sum flytur niður – tað er eitt av fleiri merkisverdum hagtølum KÍ ÁTTI BESTA ENDASPURTIN 07 VESTUR – REGIN DAVIDSEN Vit enda við størsta sigrinum hetta umfarið. Flott! Vit eru verandi í deildini og málsetningurin er náddur. Takk 1. deild KÍ, og tillukku Víkingur NSÍ – JAN B. ANTHONIUSSEN Takk fyri brúsubaðið, Klaksvík. Tillukku við FM, Víkingur! Vit koma sterkt aftur næsta ár! Góðir! TB/FCS/ROYN – JANUS KJÆRBO Ein sigur og eitt 6. pláss høvdu gjørt árið sera gott. Men okur spældu vánaligasta dystin av árinum í dag.  Takk fyri í ár. Og tillukku til Víking við FM. Næsta ár verður betur hjá okum. SUÐRINGAR! ÍF – SÆBJØRN LEITI Eg vil ynskja Víking tillukku við FM . Og eg hopi vit koma upp aftur í 2019! Eg vil takka fyri meg hesa ferð Koyr á ÍF! EB/STREYMUR – RÓGVI DAM EB/Streyma bussurin bakkaði allan vegin úr Streymnesi til Gøtu í dag. Takk fyri í ár. Til lukku Víkingur. Saman standa vit sterk! B36 – LISSI MOURITSEN Tad er ELLARS gótikið - vit eru nr.3 ! Við øðrum orðum, í okkara hjørtum altíð nr.1  1000 takk fyri hesaferð og vit standa enn einaferð saman í 2018 - muss og klemm og alt í senn ! Til lukku Víkingur.